Ӗнер Комсомольскинче аш-какая тирпейлекен «Триумф-Агро» предприятире пушар пулнӑ. Кун пирки пушарнӑйсене ирхи 7 сехетре пӗлтернӗ.
1600 тӑваткал метра яхӑн ангар ҫуннӑ. Унта аш-какая тирпейленӗ. Инкек вӑхӑтӗнче 7 ҫын ӗҫ вырӑнӗнче пулнӑ. Вӗсенчен 6-шӗ хӑйсемех урама тухнӑ. Теприне ҫӑлавҫӑсем илсе тухнӑ.
Пушарта холодильник, 6 тонна аш-какай, 1 тонна тырӑ ҫунса кайнӑ. Цехӑн шалти отделки сиенленнӗ.
Халӗ пушар мӗнрен тухнине тӗпчеҫҫӗ.
Раиса Василенко, Куславккк округӗнчи Мушар ялӗнче пурӑнаканскер, авӑн уйӑхӗнче соцконтракт ҫырнӑ, бизнес-план хатӗрлесе ӑна хӳтӗленӗ. Ҫапла вӑл хӑйӗн ӗҫне аталантарма патшалӑхран 200 пин тенкӗ илнӗ.
Ку укҫапа вӑл чӑх усрас енӗпе ӗҫне аталантарнӑ. Раиса Василенко экологи тӗлӗшӗнчен таса чӑх ашӗ туса илсе ӑна сутасшӑн.
Юлашки икӗ уйӑхра Чӑваш Енрен Китая бройлер чӗпписен урисене ӑсатнӑ. Пӗтӗмпе – 853 тонна. Сӑмах май, 2020 ҫулта пӗрремӗш 5 уйӑхра 907 тонна чӑх ури ӑсатнӑ.
Кӑҫал кӑрлач-нарӑс уйӑхӗсенче республикӑран Казахстана 62,1 тонна сӗт юр-варӗ, 21,7 тонна ӗне ашӗ кӳрсе кайнӑ. Россельхознадзор палӑртнӑ тӑрӑх, кашни партие документсемпе ӑсатнӑ, вӗсем хӑрушсӑрлӑх нормипе килӗшсе тӑнӑ.
Ҫулталӑк пуҫланнӑранпа республикӑра 7 тонна ытла аш-какая утилизаци тунӑ. Ку йӑлтах – сывлӑхшӑн сиенлисем. Ҫапла пӗлтерет ЧР Патшалӑх ветеринари служби.
Аш-какай сентре ҫине лекиччен тӗрӗслев витӗр тухать. Ведомство ӗсченӗсем аш пахалахӗпе хӑрушсӑрлӑхне кашни кун тӗрӗслесе тӑраҫҫӗ. Кӑҫалхи икӗ уйӑхра специалистсем 14 пин ытла тонна какая тӗрӗсленӗ, утилизацие ямаллисене те тупнӑ. Сӑлтавӗ тӗрлӗрен пулнӑ: срокӗ тухнӑ, упаковки сиенленнӗ, тӗрӗслев пӗтӗмлетӗвӗ лайӑхах пулман… Ҫапла 562 килограмм какай, 517 килограмм аш-какай продукцийӗ, 6240 килограмм выльӑх-чӗрлӗх ӑш-чикне утилизацие янӑ.
-2.7 °C