rasfokus.ru сайтри сӑн

Ҫулла, хӑть мӗнле пулсан та, ӑшӑ ҫанталӑках кӗтпӗр. Анчах ӑҫта вӑл?

Шел те, хальлӗхе «Ҫанталӑк 21» сайт лайӑххинех хыпарламасть, шӑрӑх хӑҫан килесси паллӑ мар. Ку эрнере паян, ыран тата эрнекун ытларах ҫумӑр ҫӑвӗ. Паян ирхине сивӗ пулсан та кӑнтӑрла хыҫҫӑн ҫанталӑк 21-23 градус таран ӑшӑтрӗ-ха. Ыран тата кӑшт ӑшӑрах пулӗ. Анчах кӑнтӑрла хыҫҫӑн каллех аслатиллӗ ҫумӑр ҫӑвӗ те ҫанталӑк сивӗтӗ.

Эрне варринче ҫумӑр ҫумӗ, уяртарах ҫанталӑк пулӗ. Анчах ҫил ҫурҫӗр-анӑҫ енчен вӑйлӑ вӗрӗ, эрнекун тӗлне кӑна лӑпланӗ. Эрнекун вара сивӗ те ҫумӑрлӑ пулӗ – кӑнтӑрла та термометр 15-17 градус кӑна кӑтартӗ. Канмалли кунсенче те ҫавӑн пек сивӗ пулӗ, ҫӗрлесерен термометр 10-12 градус кӑна кӑтартӗ.

#ҫутҫанталӑк, #синоптиксем, #ҫанталӑк