Алексей Кряжининов журналист нумаях пулмасть Вӑрнарта пулнӑ. Унта ӑна Дача урамӗнче пурӑнакансем йыхравланӑ. Ҫав урам асӑннӑ поселокри «Август» фирминчен 300 метрта вырнаҫнӑ иккен. Ҫынсем нумай ачаллӑ ҫемьесем валли уйӑрнӑ ҫӗр лаптӑкӗсенче унчченхи кивӗ ҫуртсенчен юлнӑ ӑпӑр-тапӑр выртнине пӗлтернӗ. Асӑннӑ лаптӑксем патне газ, шыв тавраш пымасть-мӗн.

Вӑрнар хула ял тӑрӑхӗн пуҫлӑхӗ Алексей Владимиров ҫынсем тӗрӗс мар калаҫаҫҫӗ тесе ӗнентерме тӑрӑшнӑ журналиста. Унти ҫӗре нумай ачаллӑ ҫемьесене уйӑрса парса ӗлкӗреймен тесе ҫирӗплетнӗ.

Журналист 92 ҫулти вӑрҫа ветеранӗн Илья Давыдовӑн (сӑнукерчӗкре) шыв патне ҫӑлкуҫ патне кайма тивет тенине те пуҫлӑх хирӗҫленӗ.

Журналист Шупашкара ҫитнӗ-ҫитмен ҫынсем тепӗр хутчен шӑнкӑравланӑ, пуҫлӑх суять тесе каланӑ.

#Вӑрнар, #Шупашкар, #журналистсем, #