Сутатӑп Уйăхри пăру сутатăп.Хакĕ килĕшсе татăлнипе.
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Ҫу уйӑхӗн 24-мӗшӗнче Красноармейски район администрацийӗн лару залӗнче район депутачӗсен тӑваттӑмӗш суйлаври Пухӑвӗн черетлӗ 41-мӗш ларӑвӗ иртрӗ.
Унӑн ӗҫне район депутачӗсен Пухӑвӗн депутачӗсемсӗр пуҫне ял тӑрӑхӗсен пуҫлӑхӗсем, район центрӗнчи предприятисемпе организацисен тата учрежденисен ертӳҫисем, шкулсен директорӗсемпе ача сачӗсен заведующийӗсем, район администрацийӗн управленийӗпе пайӗсен пуҫлӑхӗсемпе секторӗсен заведующийӗсем хутшӑнчӗҫ.
С. А. Николаев район пуҫлӑхӗн полномочийӗсене срокчен хӑварма — хӑй ирӗкӗпе отставкӑна кайма заявлени ҫырнӑ. Депутатсемпе пухӑннисем умӗнче Станислав Андреевич сӑмах каларӗ, пӗрле килӗштерсе ӗҫленӗшӗн пурне те тав турӗ. Ку ыйтупа район депутачӗсен Пухӑвӗн председателӗ В. В. Александров, район администрацийӗн культура, спорт, ҫамрӑксемпе ӗҫлекен пайӗн пуҫлӑхӗ А. Н. Лебедев, ӗҫ ветеранӗ Н. М. Матвеев, район пуҫлӑхӗн пӗрремӗш ҫумӗ Н. И. Антонов сӑмах илчӗҫ, С. А. Николаева район аталанӑвӗшӗн тунӑ ӗҫсемшӗн тав сӑмахӗсем каларӗҫ. Депутатсем Станислав Андреевич ыйтӑвне тивӗҫтерчӗҫ.
Чӑваш Республикин Президент Администрацийӗн йӗркелӳпе тӗрӗслев Управленийӗн пуҫлӑхӗн ҫумӗ — вырӑнти хӑйтытӑмлӑх органӗсемпе ӗҫлекен пай пуҫлӑхӗ В. Г. Орлов Станислав Андреевич Николаев ячӗпе ӑшӑ сӑмахсем каласа ӑна вырӑнти хӑйтытӑмлӑх органӗсенче тухӑҫлӑ вӑй хунӑшӑн ЧР Президенчӗн Тав ҫырӑвне пачӗ.
Депутатсем район депутачӗсен Пухӑвӗн председателӗ — район пуҫлӑхӗ пулма В. Н. Григорьева, район депутачӗсен Пухӑвӗн председателӗн ҫумне В. И. Петрова суйларӗҫ.
В. В. Александров хӑйне район депутачӗсен Пухӑвӗн председателӗнче ӗҫленӗ вӑхӑтра пулӑшу кӳнӗшӗн пухӑннисене тав турӗ.
Депутатсем ҫавӑн пекех Красноармейски район администрацийӗн пуҫлӑхӗн ӗҫӗсене Красноармейски район администрацийӗн пуҫлӑхне контрактпа ҫирӗплетиччен пурнӑҫласа пыма район администрацийӗн пуҫлӑхӗн пӗрремӗш ҫумӗ Н. И. Антонов ҫине хучӗҫ.
Депутатсем кунпа пӗрлех Красноармейски район администрацийӗн пуҫлӑхӗн должноҫне ҫирӗплетме район депутачӗсен Пухӑвӗнчен конкурс комиссийӗн йышне 5 ҫынна кӗртрӗҫ, конкурс комиссийӗн членӗсене ҫирӗплетме ЧР Президенчӗ патне тухасси пирки йышӑну турӗҫ.
Малалла ларура финанс пайӗн пуҫлӑхӗ Р. А. Николаева (Роза Александровна депутатсемпе пухӑннӑ ҫынсен ыйтӑвӗсене те хуравларӗ), пурлӑх тата ҫӗр хутшӑнӑвӗсен секторӗн заведующийӗ В. П. Петров, вӗрентӳ пайӗн пуҫлӑхӗн ҫумӗ М. Д. Голубев, йӗркелӳпе тӗрӗслев ӗҫӗн управленийӗн пуҫлӑхӗ В. Ю. Иванов, культура, спорт, ҫамрӑксемпе ӗҫлекен пай пуҫлӑхӗ А. Н. Лебедев тухса каларӗҫ. Депутатсем вӗсемпе те тивӗҫлӗ йышӑнусем турӗҫ.
+6.3 °C
