Электронлă вулавăш

(сăнав)

Икĕ пуçлă çĕлен,

Виçĕ пуçлă çĕлен,

Çичĕ пуçлă çĕлен

Тĕнчере пурри çинчен

Илтнĕ эп юмахсенче.

Икĕ питлĕ пепке,

Виçĕ питлĕ пепке,

Çичĕ питлĕ пепке

Тĕнчере пурри çинчен

Эп илтмен халиччен.

Усал сăмах пек,

Суя сăмах пек,

Хура çăхан явăнать,

Çӳл тӳпене варалать.

Ултав çăхав пек,

Суя çăхав пек,

Хура çĕлен шăвăнать,

Çавра çĕре варалать.

Хура çăхан, хура çăхан,

Çӳл тӳпере эс пăнчă пек.

Хура çĕлен, хура çĕлен,

Çак çĕр çинче эс хăмпă пек.

Хура çăхан, хура çăхан,

Хуракăшпа ан тавлаш.

Хура çĕлен, хура çĕлен,

Ыр пăланпа эс ан тавлаш.

Хуракăшсем вĕçнĕ чух

Кам-ха сана асăрхать.

Ыр пăлансем чупнă чух

Кам-ха сана пуç таять.

Ĕлĕк-авал çĕр çинче

Аслă Атăл хĕрринче

Пурăннă, тет, пер чухăн:

Тăхăр ывăл çемйинче

Пулнă, теççĕ, çав çыннăн.

Те телейлĕ пулманран,

Те инкек-мĕн нумайран,

Хайхи тăхăр ывăлран

Пĕр ывăль те утайман,

Вăтăр çула çитиччен

Ура çине тăрайман.

Ир пуçласа çĕрлеччен

Çав çын пĕччен ĕçленĕ.

Тăхăр ывăл утайман,

Алла ним ĕç тытайман,

Пулнă пурте утаман,

Анчах уссийĕ пулман.

Мĕн-мĕн туса пăхман-ши

Çак инкеке сиресшĕн,

Мĕн чул куççуль юхман-ши

Карчăкпала старикĕн?

Киреметне чӳкленĕ,

Туррине те пуççапнă,

Юмăçне те çӳренĕ,

Хĕрт-суртне те ыр тунă,

Анчах инкек сирĕлмен —

Тăхăр ывăл сипленмен.

Кунĕн-çĕрĕн тенĕ пек,

Пĕрре те ларса канман.

Килĕрен çӳренĕ тек

Старик пурнăç ăнманран.

Кăвакарса-шуралса,

Пĕрмай пынă ватăлса.

Телей çукшăн хурланса,

Малалла