Электронлă вулавăш

Кунта эсир кĕнекесен списокне куратăр. Вĕсене кĕртнĕ вăхăтпа йĕркеленĕ. Юлашкинчен кĕртнĕ кĕнекесем çулте, каярах кĕртнисем аяларах вырнаçнă.

Кĕнеке ячĕ çине пуснă хыççăн эсир унпа тĕплĕн паллашма пултаратăр: унта хайлавсен списокĕ пулĕ.

ББК 84 Чув 7-5

К21

Карягина М.Ф. Хум пӑшӑлтатӑвӗ. Сӑвӑсем. — Шупашкар: П-п: «Пӑлхар», 1995. — 128 с.

Марина Карягинӑн чӑваш поэзийӗнчи хӑйне евӗр уҫӑмлӑ, ҫепӗҫ, пысӑк туйӑмлӑ сассине ҫак кӗнекене вуласан пӗлме пултаратӑр.

ISBN 5-7670-0924-4

© «Пӑлхар», 1995 ç.

84.3 Чув

Э84

Аркадий Ĕçхĕл. Вăхăт таппи. Статьясем. — Шупашкар: Чăваш кĕнеке издательстви, 1982. — 304 с.

Ку кĕнекене паллă чăваш писателĕ Аркадий Эсхель кулленхи пурнăç кăларса тăратакан çивĕч ыйтусемпе çырнă статьясене, чăвашсен литературăпа искусствăри паллă çыннисене халалланă очерксене кĕртнĕ.

© Чăваш кĕнеке издательстви, 1982 ç.

А 48

Василий Алентей. Пограничниксем. — Шупашкар: Чăваш АССР государство издательстви, 1955. — 32 с.

Кĕнекере Василий Алентейĕн калавĕсене тупма пултаратăр.

С (Чув)

А90

Степан Аслан. Куçа-куçăн. Капкăн библиотеки 2(35)№. Шупашкар, КПСС Чăваш обкомĕн издательстви, 1977. — 42 с.

Чăвашсен паллă çыравçи Степан Степанович Аслан — «Ахрат», «Алла-аллăн», «Хăват», «Сехмет» романсемпе ытти чылай-чылай кĕнекесен авторĕ — кулă-шӳт çын ĕмĕрне тăсма пулăшнине самантлăха та манмасть, «Капкăн» валли калав çине калав çырать. Çапла ывăнма пĕлмесĕр ĕçле-ĕçле, канма пĕлмесĕр шӳтле-шӳтле утмăла çитрĕ вăл. Çитмĕле те çитĕ, унтан — сакăрвуннăпа тăхăрвунна... «Хăш чух кулмасăр чун ниепле те тӳсмест, — тет Степан Степанович. — Ара, путишле ĕç-пуç тупăнсах тăрать-çке пурăнан пурнăçра. Пĕри урлă пусса йăнăш тăвать, тепри кукăр аллипе ăна-кăна çаклатма тăрăшать, виççĕмĕшсем ӳсĕр пуçăн çапкаланса çӳреççĕ, янттине хапсăнаканнисем те пур. Вĕсемпе эпĕ...»

Вĕсемпе Степан Аслан куçа-куçăн калаçма именсе тăмасть, калас сăмаха тӳррĕн, пĕр кукăртмасăр калать, айăпа кĕнисене пит те вырăнлă йĕпле-йĕпле илет. Эппин, вулакансем, паллашар-ха вăл «Куçа-куçăн» мĕнлерех калаçнипе, паллашар та унăн ĕçне хак парар.

Çĕпритун Шăпчăк. Кулăш кустăрми. — Вăрнар: Вăрнар типографийĕ, 1992. — 84 с.

Шӳтлĕ калавсемпе йĕплĕ сăвăсем. Петĕр Ялкирпа И. Иванов пухса хатĕрленĕ.

© Чăваш кĕнеке издательстви, 1992 ç.

С (Чув)

А48

Григорий Алентей. Тантăшсем. Виçĕ калав. Шупашкар, Чăваш АССР государство издательстви, 1952. — 42 с.

Ку кĕнекене Григорий Алентейĕн виçĕ калавĕ кĕнĕ: «Тантăшсем», «Вагонра», «Туссем».

© Чăваш АССР государство издательстви, 1952.

С (Чув)

А90

Степан Аслан. Ял калавĕ. Шупашкар, Чăваш АССР кĕнеке издательстви, 1963. — 102 с.

Ку кĕнекене Степан Асланăн калавĕсемпе очеркĕсем, фельетонĕсем тата «Юман паттăр» юмах кĕнĕ. Вĕсенче вулакан ял пурнăçĕпе çывăхрах паллашма пултарĕ.

© Чăваш АССР кĕнеке издательстви, 1963 ç.

С (Чув)

Т26

М. Твен. Том Сойер темтепĕр курса çӳрени. Шупашкар, Чăваш кĕнеке издательстви, 1979. — 232 с.

«Том Сойер темтепĕр курса çӳрени» — хаваслă, çав вăхăтра тарăн шухăша яракан кĕнеке. Пĕр ĕмер каялла Америкăри пĕчĕкрех хулара пурăннă Том Сойер ятлă арçын ача çинчен çырса кăтартнă унта.

Чăвашла Феодосия Ишетер куçарнă.

© Чăваш кĕнеке издательстви, 1979 ç.

ББК 84 Чув 7–5

А36

Айхи Г.Н. Сăвăсемпе поэмăсем. — Шупашкар: Чăваш кĕнеке издательстви, 1994. — 239 с.

Кĕнекене чăвашсен паллă поэчĕн Геннадий Айхнн тĕрлĕ çулсенче çырнă сăввисемпе поэмисене кĕртнĕ. Поэтшăн чи кирли — чун ирĕклĕхĕпе шухăш гармонийĕ, вăл çынсем хушшинче тăванлăхпа ирĕклĕхĕн сывă туйăмне шырать.

ISBN 5-7670-0795-0

© Чăваш кĕнеке издательстви, 1994 ç.

ББК 84 Чув 7–5

М88

Мранька Н.Ф. Ĕмĕр сакки сарлака. Роман. 3-мĕш том. Шупашкар: Чăваш кĕнеке издательстви, 1989. — 608 с.

Паллă писателĕн революци умĕнхи чăваш халăх пурнăçне кăтартса паракан романĕ.

ISBN 5-7670-0164-2

© Чăваш кĕнеке издательстви, 1989 ç.