Туссем
Ах, эпир аплаччĕ,
Ах, эпир каплаччĕ,
Ах, пурăнаканччĕ
Çамрăк вăхăтра.
Туслăн çӳрекенччĕ,
Çĕр çĕмĕрекенччĕ,
Чул тĕпретекенччĕ
Эпĕр пурнăçра.
Ах, юратаканччĕ,
Ах, ыталаканччĕ,
Ах, чуп тăваканччĕ
Çамрăк хĕрсене!
Кун-çулсем иртсессĕн,
Вăхăтсем çитсессĕн,
Саланса пĕтсессĕн
Тĕрлĕ çĕрсене,
Пĕр-пĕрне курмастпăр,
Туслă пурăнмастпăр,
Тĕплĕн калаçмастпăр,
Хаклă тусăмсем.
Халь ăçта çӳретĕр,
Еплерех ĕçлетĕр,
Мĕн çĕмĕрттеретĕр,
Ман юлташăмсем?
Ах, пуçтарăнасчĕ,
Кĕреке пухасчĕ,
Юрă шăратасчĕ,
Тусăмсем, пĕрре!
Эпĕр пухăнсассăн,
Пĕр-пĕрне курсассăн,
Хăвăрттăн, хавассăн
Тапĕ ман чĕре.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...