Ан çиллен

Аркадий Русаков | Сăвă | 575


Ăнсăртран сăхсан сана çĕлен,

Эс ăна, тархасшăн, ан çиллен.

Ху асăрхануллă пулманран

Вăл пултарать лартма сана суран.

Çĕлен сăхать сайра хутра çынна,

Кӳрентерсессĕн çеç çав çын ăна.

Эс ан çилен пыл хурчĕ сăхнине,

Илсе пăрах çеç унăн сăннине.

Сана сăхма пултарнăшăн çав хурт,

Тен, айăплийĕ мар-ши эсĕ ху?

Хуртпа сăпайлă çын хăйне тытсан,

Сăхмасть ăна пыл хурчĕ нихăçан.

Çилленерех пăхсан сана тусу,

Çав самантрах ан усăнтăр сăмсу.

Кăшт ил хăвна пăхса, шухăшласа,

Тен, çилентернĕ эсĕ каласа

Тусна начар сăмах сисмесĕрех?

Ыйт каçару вара унран тӳрех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем