Телей çăлтăрĕ

Юратсассăн çут тĕнче епле хитре,

Вылянать-çке ăшă кулă сăн-питре.

Варкăш çил те сан аллу пек туйăнать,

Çӳл тӳпе те сан кĕлӳ пек курăнать.

Юратсассăн пурăнас, ĕçлес килет,

Çутă ĕмĕт çĕн вăйпа чуна çĕклет.

Асăмра та, шухăшра та эс кăна,

Ир те каç умра куратăп пĕр сана.

Юратсассăн юрлама пуçлать тĕнче,

Телей çăлтăрĕ çиçсе чĕнет инçе.

Çепĕç, ăшă туйăм пирĕн чĕрере

Сивĕнми хĕрӳ упрантăр ĕмĕрех?

Çĕнĕ комментари хуш