Чиперкке


Волжанкăри врачсем сиплев пуçличчен медицина справки ыйтнипе Натали юн тĕрĕсленин результачĕсене илме кайрĕ. «Чим-ха, сана врач курасшăн, юн йĕкеллех мар пулас сирĕн»,- терĕ çамрăк медсестра.-Вăл иккĕмĕш хутра, кабинет номерĕ...» Чунĕ сӳ! туса кайрĕ хĕр арăмăн ырă мара сиссе.

«Эсĕ халиччен сар ӳкнипе чирлемен-и? Мĕн те пулин ыратмасть-и?»- ыйтрĕ ватă, самăртарах врач.

«Çук».- хуравларĕ Натали.

«Тĕрĕссине калам-ха. Сан юнра ВИЧ-инфекцийĕ тупăннă, СПИД та теççĕ ăна: синдром приобретенного иммундефицита. Илтнĕ-и ку чир çинчен? Халĕ ĕнтĕ санăн хушаматна та, ятна та, ху ăçта ĕçленине те, çемйӳ çинчен те каласа памалла пулать. Саккун çапла хушать...»

Малалла тухтăр мĕн калани Наталин хăлхине кĕмерĕ тесен те юрать. Пуçран чукмарпа çапнă пекех пулчĕ уншăн çакă хăрушă хыпар. Темĕскер хуравларĕ вăл ыйтусем çине, тем каларĕ- пурте тĕлĕкри пек пулчĕ уншăн. Хваттерне мĕнле çитнтне те ас тумасть. Мĕншĕн-ха вăл? Мĕнпе айăпа кĕчĕ-ха вăл Турă умĕнче? Чылайччен шухăша путса ларчĕ кухньăра. Пĕтĕм пурнăçне аса илчĕ хăйĕнне. Куççулĕ те типрĕ нумай йĕнипе. Юлашкинчен çак шухăш пырса çапрĕ пуçне- ун пĕтĕм инкекĕ Аликра. Вăл пулман пулсан, ăнăçсăр юрату çуралман пулсан чĕрере, тен, телейĕ те урăхларах пулĕччĕ, пурнăç урапи те урăх çулпа чупĕччĕ. Çакăн хыççăн хăйĕн чи хитре кĕпине, Алик юратаканнине, тăхăнчĕ. Уринче- йăлтăртатса тăракан туфли. Куçĕсене виçеллĕ таран тушпа сăрланă, тутисене писев сĕрнĕ. Тĕкĕр умĕнче илемлĕрен те илемлĕ, куç курса савăнмаллăх чиперкке тăрать. Мĕнле арçын чăттăр ун çине ытарайми куçсемпе пăхмасăр?

Çирĕппĕн утса кĕчĕ вăл фирма директорĕн кабинетне.

«О-о-о! Эсĕ паян принцесса пекех илемлĕ»,- савăнса-тĕлĕнсе кĕтсе илчĕ Чиперккене Алик.-« Отпуск усса каять пулмалла сана».

«Тавтапуç санаторишĕн»,- яштака урисене пĕр пĕрин çине хурса хуравларĕ Натали.-«сансăр тунсăхласа çитрĕм эпĕ...»

Арçын чăтаймарĕ, çак куç тулли илеме хăйĕнчен вĕçертме те шутламарĕ. Юрату вăййи вăхăтĕнче Чиперкке Алике тутинчен юн тухмаллах çыртса илчĕ. «Мĕн эсĕ, халиччен арçын курман пек»,- мăкăртатрĕ директор. Хăр арăм ăна хăйĕнчен ямарĕ, татах та татах чуп турĕ. «Юрĕ, юлашки хут пулатăп санпа»,- пăшăлтарĕç Чиперкке тутисем...

«Ăçта кайса кĕрĕн эсĕ манран?»

«Эсĕ мана пĕрре çеç мар аса илĕн-ха малашне»,- калаçа-калаçа тумланчĕ Натали. – «Юрĕ, тамăкра тĕл пуличчен»...

«Мĕн эсĕ...»- ним калама аптраса ларса юлчĕ Алик...

Почтăра Натали пĕтĕм укçине яла, амăшĕ патне куçарса пачĕ, ун хыççăн чиркĕве кĕрсе Турă Амăшĕ турăш умне çурта лартса чылайччен шухăша кайса тăчĕ. Каçхи автобуспа санаторине пырса çитрĕ вăл. Çĕрĕпех ĕçлекен барта ирчченех ларчĕ пĕчченех, хăйĕн çумне çыпăнакан пĕр арсынпа та калаçмарĕ. Кăвак çутă палăрма пуçласан Атăл çыранĕ еннеле утрĕ. Канатлă çул çывĕнчи юман çумне тайăнса чылайччен вăранакан çут çанталăк илемĕпе киленсе тăчĕ. Август уйăхĕ пулин те каçсем ăшă тăраççĕ кăçал. Лăпкă шăплăхра Наталипе Чиперкке сасă хăпартсах калаçни илтĕнмест, мĕншĕн тесен ку тавлашуллă калаçу шалта,чунра,чĕрере иртет.

«Малтанах асăрхаттарнă эпĕ сана: туйăмсене мар, ăс тăна ытларах итлемелле»,- тет Натали.

«Мĕн, эпĕ хĕр арăм мар-им? Мĕнла хĕр арăм вăл туйăмсемсĕр, юратусăр пурăнсан?»- ыйтупа хуравлать Чиперкке.

«Юратусăр пурăнма йывăр пулĕ-ха, анчах та виçи пулмалла пек...Кăмăл-сипет пирки те манмалла мар».

«Пурнăç пĕрре çеç килет, çак çĕр çинче эпир хăнара кăна. Савăнса юлас кăштах терĕм-çке».

«Савăнтăн, юратрăн ытлашшипех. Юлашкинчен юхха пулса тăтăн вĕт. Халĕ акă пуриншĕн те тӳлеме лекет. Пĕчĕк ывăлна кам пăхса ӳстерĕ?»

«Унăн ашшĕ те пур...Тата эпĕ ун валли çителĕкех укçа-тенкĕ хăваратăп.»

« Кĕмĕлпе аннене улăштарма çук паллах. Ку чир вăл- çылăхусемшĕн çӳлтен янă айăплав.»

«Килĕшетĕп санпа...»

Çак калаçу вĕçленсен Натали-Чиперкке «Чăнкă сăрт» ятлă кану çурчĕ еннелле хывнă сукмакпа аялалла утрĕ...

Тӳпере юлашки çăлтăрсем сӳнсе пыраççĕ. Чĕвĕл! сас пачĕ ирхи кайăк. Пĕр çăлтăр çуттăн çунса Атăл шывне ӳкрĕ, чăшăл! туса сӳннĕн туйăнчĕ...

... Володя (хушма ячĕ-Пупсик) - пулăç. Хыркассинче пурăнать пулин те çу каçичченех Сĕктер поселокĕ çывăхĕнчи пĕр утрав çинче кун кунлать те каç тăвать. Çĕр пӳрт те чавнă вăл унта, КАМАЗ автомобиль аккумуляторĕсемпе усă курса çутă кĕртнĕ хăйĕн çуртне, радио-магнитофон та итлеме пултарать. Ир-ирех тухать моторлă киммипе юхан шыв çине, лартнă тетелĕсене тĕрĕслет. Тытнă пуллине е бизнесменсене, е канакансене сутать. Пурăнмаллăх çитет. Кашни уйăхрах ун патне рыбнадзор инспекторĕ килсе каять, «хырçă пуçтарма» ĕнтĕ. Паян та пĕр тетелне сĕтĕрсе кăларчĕ те Пупсик пуллине суйласа хучĕ. Тепĕр тетелĕ темшĕн йывăррăн тухать. «Çтерлĕк мар-ши?» - хыпăнса ӳкрĕ пулăç. Вăйне пухса туртса кăларса пырать тетелне. Ара, ку мĕн тамаши тата? Тетелте... Шывра кӳпчесе кайнă хĕр арăм вилли...

Петĕр хусахра нумай çӳремерĕ. Арăмне пытарнă хыççăн çулталăкран тепре авланчĕ. Алик, чăнах та, нумай асăнчĕ Чиперккене, хăй СПИДпа чирлине пĕлсе Мускаври пĕр чаплă больницăра чунĕ тухичченех...

■ Страницăсем: 1 2 3 4 5

Çавăн пекех пăхăр

Вулавçăсен шухăшĕ Вулавçăсен шухăшĕ


Евгений (2013-10-08 22:38:47):

Аттен хайлавне перремеш хут вуларам, чанах та талант иккен! Ыттисене те курас килет....Лапка сывар,атте, эс яланах пирен асра!!

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Г.Зотова (2013-10-10 15:56:43):

Калава интересленсе вуласа тухрăм. Килĕшрĕ.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

dweworriexesk (2013-12-03 19:53:42):

Moжем собрaть для Ваc пo интeрнeт kонтaкты тoлbko Bашиx пoтенциальных клиeнтов несkолbko десятков тысяч мeнее чем зa cyтkи ICQ: 446444644 Skype: skype: rwer.wqerq Teл +79IЗ39З6878 Email: tatkor79@gmail.com

Чĕлхе илемлĕхĕ: чаплах   мар | Шухăшĕ: мухтамаллах   мар | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: