Алтăр çăлтăр
Каçхине, урамра
Тинкеретĕп тӳпене.
Алтăр Çăлтăр ялкăшса
Илĕртет-çке хăй патне.
Мĕн каласшăн-ши мана?
Эп пăхатăп сăнаса.
Пур-ши пурăнăç çӳлте?
Кам ӳкернĕ тӳпене?
Алтăр Çăлтăр йăл кулать
Вăртăнлăха кăтартать:
«Ыр сунаççĕ çӳлтисем»
Веçех сăнаççĕ вĕсем.
Ăçталла эс çул тытатăн,
Кампала сăмах хушатăн?
Тантăшна ура хуратăн,
Ун çинчен сăмах ваклатăн…
Çӳлтисем вĕсем кураççĕ,
Хут çине çырса пыраççĕ.
Вăхăт çитсен ыйту параççĕ,
Хуравне вĕсем кĕтеççĕ.
Çăлтăр ӳкрĕ çĕр çине
Эп пăхатăп ун çине.
Чун хурланса килчĕ ман
Тӳпе çăлтăр çухатнишĕн.
Вулавçăсен шухăшĕ
Çĕнĕ комментари хуш
Admin (2008-11-22 16:46:16):
Юлашки икĕ куплечĕ пулса çитеймен пулас. Темскер такăнни сисĕнет.