Михаил Ахманэ

Михаил Егорович Ахманэ (Львов) 1931 çулхи чӳк уйăхĕн 10-мĕшĕнче Чăваш Республикин хальхи Муркаш районĕнчи Ахманере çуралнă. Москакасси тата Мăн Сĕнтĕр шкулĕсенче вĕреннĕ. Пĕрремĕш сăвви 1947 çулта «Çĕнтерӳ ялавĕ» райхаçатра кун çути курнă. 1953 çултанпа «Ялавпа» «Тăван Атăлта», сăвă пуххисенче тата тĕрлĕ хаçатсенче пичетленет.

1956 çулта Красноярск тăрăхне куçса кайнă. Телецентр тунă çĕрте, вăрман хуçалăхĕнче ĕçленĕ. Халĕ те Çĕпĕртех, Юксеево ялĕнче пурăнать.