Сайта кӗр | Регистраци | Сайта кӗрсен унпа туллин усӑ курма пулӗ
 +22.3 °C
Икӗ куяна хӑвалакан пӗрне те тытайман.
[ваттисен сӑмахӗ]
 

Хыпарсем: концертсем

Культура
Culture.cap.ru сӑнӳкерчӗкӗ
Culture.cap.ru сӑнӳкерчӗкӗ

Пӗлтӗр 100 ҫул тултарнӑ Чӑваш патшалӑх юрӑпа ташӑ ансамблӗ ҫав датӑна халалланӑ программӑпа пӗлтӗр 9 хулара пулнӑ.

Концерт учрежденийӗнче пӗлтернӗ тӑрӑх, театрализациленӗ гастроль программипе Екатеринбург, Тӗмен, Нефтеюганск, Нижневартовск, Сургут, Ханты-Мансийск, Пермь, Мускав тата Чулхула хулисенче пулнӑ.

 

Хулара
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкарта кӗмӗл волонтёрсем валли ёлка ирттернӗ. Ӑна йӗркелекенни — Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центр.

Хастар ватӑсене социаллӑ учрежденири «Палан» хор тата коллективӑн солисчӗсем Зинаида Никифорова, Галина Осипенко тата Вячеслав Судаков хӑйсен пултарулӑхӗпе савӑнтарнӑ. Центра ташлама ҫӳрекенсем те уява кӑмӑлтан хутшӑннӑ. Эльвира Зеленкова ятлӑ хастар ватӑ «Жизнь» сӑвва вуласа панӑ май юрӑ-кӗвӗ, хавас кӑмӑл тӗрлӗ йывӑрлӑха ҫӗнме пулӑшнине палӑртса кӑтартнӑ.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Чӑваш Енре пӗр-пӗр спектакле, концерта е курава хулана каймасан та курма пулать. Пирӗн тӑрӑхра кашни эрнере «Культурная среда» (чӑв. Культура хутлӑхӗ) проект пурнӑҫа кӗрет. Ҫавна май пултарулӑх коллективӗсем муниципалитетсене ҫитсе хӑйсен ӗҫӗсене кӑтартаҫҫӗ.

Чӑваш патшалӑх академи симфони капелли хальхинче Вӑрнара ҫитнӗ. Унта артистсем «Вокальная карта Чувашии» (чӑв. Чӑваш Ен вокал карти) музыка проекчӗпе паллаштарнӑ.

Чӑваш Енӗн тава тивӗҫлӗ артисчӗ Андрей Макаров, симфони капеллин хорӗн артисчӗсем Вера Иванова, Лия Александрова, Юрий Унегеров, Вячеслав Вахтеркин чӑваш композиторӗсен кӗвӗленӗ юрӑсене шӑрантарна. Оркестр артисчӗсем Илья Алексеев (аккордеонпа), Максим Нелюбин (сӗрме купӑспа) паллӑ кӗвӗ-ҫеммӗпе паллаштарнӑ.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Чӑваш Енре пӗр-пӗр спектакле, концерта е курава хулана каймасан та курма пулать. Пирӗн тӑрӑхра кашни эрнере «Культурная среда» (чӑв. Культура хутлӑхӗ) проект пурнӑҫа кӗрет. Ҫавна май пултарулӑх коллективӗсем муниципалитетсене ҫитсе хӑйсен ӗҫӗсене кӑтартаҫҫӗ.

Чӑваш патшалӑх академи симфони капелли хальхинче Вӑрнара ҫитнӗ. Унта артистсем «Вокальная карта Чувашии» (чӑв. Чӑваш Ен вокал карти) музыка проекчӗпе паллаштарнӑ.

Чӑваш Енӗн тава тивӗҫлӗ артисчӗ Андрей Макаров, симфони капеллин хорӗн артисчӗсем Вера Иванова, Лия Александрова, Юрий Унегеров, Вячеслав Вахтеркин чӑваш композиторӗсен кӗвӗленӗ юрӑсене шӑрантарна. Оркестр артисчӗсем Илья Алексеев (аккордеонпа), Максим Нелюбин (сӗрме купӑспа) паллӑ кӗвӗ-ҫеммӗпе паллаштарнӑ.

 

Персона
culture.ru сайтри сӑн
culture.ru сайтри сӑн

Ӗнер Шупашкарта Раҫҫей шоу-бизнес ҫӑлтӑрӗ Игорь Николаев концерт лартнӑ. Вӑл ун чухне хӑйӗн аслашшӗ (е какашшӗ, «дедушка» тенипе пӗлме ҫук) чӑваш пулнине, йӑх-тымарӗпе мӑнаҫланнине пӗлтернӗ.

«Эпӗ манӑн чӑваш тымарӗ пулнине яланах пӗлнӗ, анчах ҫакна питӗ пӗлтерӗшлӗ тесе шутламан. Паян вара ҫакна каласшӑн: манра чӑваш юнӗ чупнӑшӑн мухтанатӑп», – тенӗ Игорь Николаев.

Хыпар ҫӑлкуҫӗ: https://vk.com/wall-194537172_18402
 

Культура
Культура училищин афиши
Культура училищин афиши

Раштав уйӑхӗн 5-мӗшӗнче Шупашкарти Ф.П. Павлов ячӗллӗ музыка училищинче «Павлов кунӗсем» фестивале халалланӑ мероприятисен ярӑмӗнчи черетлӗ концерт иртӗ. Тӗрӗсрех, унпа фестиваль вӗҫленӗ.

Училище сцени ҫине учрежденин чи лайӑх коллективӗсем, унтан тӗрлӗ ҫулта вӗренсе тухнисем (вӗсем паян ҫӗршыври тӗрлӗ хулара ӗҫлесе пурӑнаҫҫӗ) тухӗҫ.

Уяв программинче – тӗнче тата хамӑр ҫӗршыври классика хайлавӗсем тата чӑваш композиторӗсен сочиненийӗсем янӑрӗҫ.

Концерт 18 сехет те 30 минутра пуҫланӗ.

Хыпар ҫӑлкуҫӗ: https://vk.com/wall-170179245_8176
 

Раҫҫейре
Ирина Васильева архивӗнче сӑнӳкерчӗк
Ирина Васильева архивӗнче сӑнӳкерчӗк

Шупашкарта пурӑнакан нумай ачаллӑ Васильевсем чӳк уйӑхӗн 28-мӗшӗнче Кремльти концертра пулнӑ. Ҫавӑнта кайса курма вӗсем Ирина Дубцован «Главное – семья» (чӑв. Чи кирли – ҫемье) мультимеди проектӗнче ҫӗнтернӗрен тивӗҫнӗ. Унта Васильевсем «Спорт ҫемйи» номинацире палӑрнӑ.

Ирина тата Владимир Васильевсем – ҫичӗ ача амӑшӗпе ашшӗ. Чи асли — 20 ҫулта, кӗҫӗнни — 2-ре. Васильевсен ачисем ашшӗ-амӑшӗн ҫулӗпе кайнӑ – каратэпе кӑсӑкланаҫҫӗ.

Ҫемье пуҫлӑхӗ Владимир — каратэ енӗпе тӗнче чемпионӗ. Ирина — каратэпе хура пиҫиххин пӗрремӗш данне тивӗҫнӗ.

Хыпар ҫӑлкуҫӗ: https://vk.com/wall-90291590_21610
 

Персона
Культура институчӗн сӑнӳкерчӗкӗ
Культура институчӗн сӑнӳкерчӗкӗ

Чӑваш патшалӑх культурӑпа ӳнер институтӗнче Сергей Казаковӑн пултарулӑх каҫӗ иртнӗ. Ӑна асӑннӑ шкулӑн преподавателӗн юбилейне халалланӑ.

Юбилей каҫӗнче юрӑ-кӗвӗ янӑранӑ, ура ҫапса ташланӑ.

«Жизнь в ритме» ят панӑ концерта пухӑннисем – институт ертӳҫисем тата Каҫал тӑрӑхӗнчи ентешӗсем юбиляра чунтан саламланӑ.

Хыпар ҫӑлкуҫӗ: https://vk.com/wall-1559050_23517
 

Культура
Cap.ru сӑнӳкерчӗкӗ
Cap.ru сӑнӳкерчӗкӗ

Шупашкара В. С. Попов ячӗллӗ пысӑк ача-пӑча хорӗ пуҫласа килӗ. Вӑл Чӑваш патшалӑх филармонийӗн сцени ҫине нарӑс уйӑхӗн 12-мӗшӗнче тухӗ.

Ача-пӑча коллективӗн репертуарӗнче –

«Веселый ветер», «Орлята учатся летать», «Учитель наш», «Трус не играет в хоккей», «Мой щенок», «Вместе весело шагать», «Крылатые качели», «Прекрасное далеко», «По секрету всему свету», «Улыбка», «Одна земля на всех» тата ытти юрӑ. Вӗсене Александра Пахмутова, Владимир Шаинский тата Евгений Крылатов композиторсем Юрий Энтин, Михаил Танич, Николай Добронравов, Василий Лебедев-Кумач сӑввисемпе юрра хывнӑ.

 

Культура
Чӑваш патшалӑх юрӑпа ташӑ ансамблӗн сӑнӳкерчӗкӗ
Чӑваш патшалӑх юрӑпа ташӑ ансамблӗн сӑнӳкерчӗкӗ

Чӑваш патшалӑх юрӑпа ташӑ ансамблӗ Димитровграда концертпа кайӗ.

100 ҫулхи коллектив Самар облаҫӗнчи ҫав хулара чӳк уйӑхӗн 15-мӗшӗнче пулӗ.

Концерт программине вырӑс, чӑваш, тутар, мари, мӑкшӑ тата пушкӑрт халӑхӗсен культурипе пуянлатӗ. Паллӑ наци композиторӗсен хайлавӗсем, илемлетнӗ халӑх юррисем, хальхи вӑхӑтри композицисемте пулӗҫ. Программӑна «Пӗрлехи ҫемьере» сюита вӗҫлӗ.

Хыпар ҫӑлкуҫӗ: https://vk.com/wall-107821026_4240
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 52
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (08.09.2025 15:00) сайра пӗлӗтлӗ ҫанталӑк, атмосфера пусӑмӗ 757 - 759 мм, 21 - 23 градус ӑшӑ пулӗ, ҫил 2-4 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ӗҫре асӑрхануллӑ пулмалла, хӑвӑр ҫине пысӑк ӗҫсем илмелле мар. Харпӑр пурнӑҫ тӗлӗшпе вара эрне тухӑҫлӑ — ҫӗнӑ паллашусем, романтика хутшӑнӑвӗсем кӗтеҫҫӗ. Эрнекун — йывӑртарах кун, вырсарникун вара ӑнӑҫлӑ пулӗ.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хуть те кам тухсан та
пӗтӗм кил-йышпа тухаҫҫӗ
кил-йышри арҫын
хуҫа хӑй
хуҫа тарҫи
хӑнана ӑсатма никам та тухмасть
хуҫа арӑмӗ
хуҫин ҫитӗннӗ ачисем