Кӑҫал республикӑри чи лайӑх ялти культура ҫурчӗсене – 2,25 млн, чи лайӑх 11 ӗҫченне преми евӗр хавхалантарма 825 пин тенкӗ уйӑрса парӗҫ. Хушӑва республика премьер-министрӗ Сергей Артамонов алӑ пуснӑ.
Пулӑшӑва 18 округ тивӗҫӗ. Чи пысӑк гранта Вӑрнар округне уйӑрса парӗҫ – пӗтӗмпе 375 пин тенкӗ. Йӗпреҫ, Комсомольски округӗсем 300-шер пин тенке тивӗҫӗҫ. Канаш, Муркаш, Шупашкар тата Шӑмӑршӑ округӗсене 225-шер пин тенкӗ парӗҫ.
Шупашкар округӗнчи 18-ти хӗр, Шупашкарти колледжра вӗренекенскер, ашшӗн ячӗпе 850 пин тенкӗ кредит илнӗ те пӗтӗм укҫана ултавҫӑсене куҫарса панӑ.
Палламан ҫын хӗре кредит илнӗ хыҫҫӑн укҫана «хӑрушсӑр счет» ҫине куҫарма хушнӑ. Хӑйне шӑнман пӑр ҫине лартса янине вӑл кая юлса ӑнланнӑ.
Ку тӗслӗх тӗлӗшпе пуҫиле ӗҫ пуҫарнӑ.
Кӑрлач уйахӗн 8-мӗшӗнче Шупашкар округӗнчи Янӑш ялӗнче 2010-2020 ҫулсенче ЧР Элтеперӗ пулнӑ Михаил Игантьева асӑнса волейбол турнирӗ иртнӗ.
Пурӑннӑ пулсан Михаил Васильевич ҫак кун 64 ҫул тултармаллаччӗ. Турнира офциаллӑ майпа уҫнӑ ҫӗре унӑн мӑшӑрӗ Лариса Юрьевна, ывӑлӗ Иван, Шупашкар округӗн пуҫлӑхӗ Владимир Михайлов, ҫывӑх тусӗсем, хальхи тата унчченхи депутатсем хутшӑннӑ.
Пӗрремӗш вырӑна «Итмар» команда тухнӑ. Кӗмӗл медале «Спартак» команда тивӗҫнӗ. Виҫҫӗмӗш вырӑна вара «Инвал» команда йышӑннӑ.
Паян ҫур ҫӗр иртсен Шупашкар округӗнчи Ҫӗнӗ Тутаркасси ялӗ патӗнче пулнӑ аварире 16-ри каччӑн пурнӑҫӗ татӑлнӑ.
Малтанлӑха палӑртнӑ тӑрӑх, «Сузуки» машинӑпа пынӑ 18-ти водитель руле итлеттереймесӗр хирӗҫ ҫул ҫине тухса кайнӑ та «Хендайпа» ҫапӑннӑ. «Сузукире» хыҫалти ларкӑчра 16-ри икӗ каччӑ пулнӑ.
Шел те, вӗсенчен пӗри пульницӑна темиҫе сехетрен вилнӗ.Ҫакӑ паллӑ: икӗ машина водителӗ те урах пулнӑ.
Шупашкар тӑрахӗнчи Ишлейре пурӑнакан Ольга Рогова картишӗ юмаха ҫаврӑннӑ. Ку пирки Телеграмри «Чӑваш Ен калаҫать» каналта пӗлтернӗ.
Хӗрарӑм ҫулсеренех юртан хитре кӳлепесем ӑсталать иккен. Кӑҫал унӑн картишӗнче ҫӑкӑр-тӑварпа кӗтсе илекен чӑваш пикине, вырӑс пӑхаттирӗсене курма пулать.
Ӗнер Шупашкар округӗнчи Чӑрӑшкасси ҫывӑхӗнче, «Шупашкар — Сӑр» ҫул ҫинче, авари пулни пирки пӗлтернӗччӗ. Унта Пӑрачкав округӗн администрацийӗн ӗҫченӗсем вилнӗ.
Аса илтеретпӗр: «Тойота» хирӗҫ ҫул ҫине тухса «Лада Грантӑпа» ҫапӑннӑ. «Грантӑра» округ администрацийӗн пуҫлӑхӗн экономика, АПК тата финанс енӗпе ӗҫлекен заместителӗ Татьяна Галахова, Ял хуҫалӑх, экономика тата инвестици ӗҫӗн управленийӗн пуҫлӑхӗн заместителӗ Елена Абрамова, администраци водителӗ Александр Горский пулнӑ.
Чӑваш Енри ветеринари инспекторӗсем ҫак енӗпе саккуна пӑхӑннине пилотсӑр вӗҫекен аппаратсемпе тӗрӗслеҫҫӗ. Ку ӗҫе вӗсем кӑҫалхи авӑн уйӑхӗнче тытӑннӑ.
Кӗске вӑхӑтрах Муркаш, Патӑрьел, Елчӗк, Сӗнтӗрвӑрри тата Шупашкар тӑрӑхӗсенчи 14 объекта тӗрӗсленӗ. Тӑхӑр объектра дезинфекци хӳтлӗхӗ, ятарлӑ карта пулман. Пӗр хуҫалӑхра шута илмен 15 выльӑха тупса палӑртнӑ.
Кӑлтӑк тӗлӗшпе хуҫалӑхсен ертӳҫисем ячӗпе асӑрхаттару хучӗсем ҫырса панӑ.
Андрей Малахов ертсе пыракан «Песни от всей души» кӑларӑма Чӑваш Енри пачӑшкӑ хутшӑннӑ. Тӗрӗсрех каласан, виҫӗ ҫӗртен: Шупашкар районӗнчи, Мускаври тата Калининградри — трио.
Калининград облаҫӗнчи Гусеври Георгий пачӑшкӑ, Мускаври Дмитрий пачӑшкӑ тата Чӑваш Енри Максим пачӑшкӑ «Нас ждут» юрра юрланӑ.
Максим пачӑшкӑн пултарулӑхри хушма ячӗ — Nastoyatel). Максим Куриленко 30 ҫул Екатеринбургра пурӑннӑ, радиостанцире ӗҫленӗ, рэп вуланӑ. Православи институтӗнчен вӗренсе тухнӑ хыҫҫӑн 2004 ҫулта Чӑваш Ене куҫса килнӗ, Шупашкар районӗнчи чиркӳре ӗҫлеме тытӑннӑ. Вӑл — ҫичӗ ача ашшӗ.
Шупашкар районӗнче уйӑх ҫурӑ каялла ҫухалнӑ арҫынна шыраҫҫӗ.
41 ҫулти Александр Леонидович Томский килтен юпа уйӑхӗн 20-мӗшӗнче «Лада Приора» машинӑпа тухса кайнӑ. Явӑш арҫынни хӑй ӑҫта ҫул тытнине килтисене пӗлтермен.
Арҫын 165 сантиметр ҫӳллӗш, вӑтам пӳ-силлӗ, ҫӳҫӗ кӑштах кӑвакарма пуҫланӑ, куҫӗ хӑмӑр тӗслӗ.
Хӑй сӑрӑ курткӑпа, сӑрӑ джинс шӑлаварпа пулнӑ.
Чӑваш Енре ҫуралса ӳснӗ, тӗнчипе ятлӑ-сумлӑ тӗпчевҫӗ Никита Бичурин ҫуралнӑранпа килес ҫулхи авӑн уйӑхӗнче 250 ҫул ҫитӗ. Ҫавна пирӗн республикӑра сумлӑн уявлама палӑртаҫҫӗ.
Чӑваш Енре тӗрлӗ мероприяти ирттернӗ, ун валли ӗҫлӗ ушкӑн туса хурӗҫ. Кун пек йышӑнӑва Чӑваш Ен Элтеперӗ Олег Николаев раштав уйӑхӗн 6-мӗшӗнче алӑ пуснӑ.
Никита Яковлевич, — монголовед, синолог, прозаик, очеркист, сӑвӑҫ. 1777 ҫулхи авӑн уйӑхӗн 9-мӗшӗнче Ҫӗрпӳ уесӗнчи (халӗ Чӑваш Енӗн Шупашкар районӗ) Типнер ялӗнче ҫуралнӑ. 1853 ҫулхи ҫу уйӑхӗн 23-мӗшӗнче Санкт-Петербург хулинче вилнӗ.
Бичурин ӗҫӗсене Раҫҫейре кӑна мар, Европӑра та хакланӑ. 1828 ҫулта ӑна Раҫҫей ӑслӑлӑхсен академийӗн член-корреспондентне суйласа илнӗ. 1831 ҫулта Парижри Ази обществин шутне кӗртнӗ. 1834, 1839, 1843, 1849 ҫулсенче вӑл Раҫҫейӗн ӑслӑлӑх шайӗнчи чи пысӑк паллине, Демидов премине, тивӗҫнӗ.
+15.3 °C