Сайта кӗр | Регистраци | Сайта кӗрсен унпа туллин усӑ курма пулӗ
 0.0 °C
Ҫиччӗ виҫ те пӗрре кас.
[ваттисен сӑмахӗ]
 

Софья Савнеш: Хӗрарӑмсем черкке тӗпӗнче хуйхине путараҫҫӗ

Софья Савнеш12.02.2017 22:133404 хут пӑхнӑ

 

Юлашки вӑхӑтра ял эрех ӑшне путни кулянтарать. Арҫынсем кӑна мар, хӗрарӑмсем те черкке енне туртӑнаҫҫӗ. Намӑс-симӗс пирки манса пыраҫҫӗ. Ачисен умӗнче хӑть вӑтанасчӗ.

Пӗррехинче чӳречерен пӑхрӑм. Курах кайрӑм: ӳсӗр хӗрарӑм урам варрипе саркаланса, тайкаланса утать. Чим-ха, ара, ку манӑн класс ертӳҫи вӗт. Хӗллеччӗ. Хайхискер юр тӑрӑх нуски вӗҫҫӗнех утрӗ. Ҫӑматне аллинче тытнӑ. Пӗр кинемей патӗнчен килнине тӳрех чухларӑм. Ялан ҫавӑнта пухӑнаҫҫӗ вӗсем. Лешӗн патӗнчен тухнӑ чухне пушмакне те тӑхӑнайман шельмӑ ӳсӗр хӗрарӑмӗ. Тепӗр тесен, кунран тӗлӗнмерӗм. Вӑл тахҫанах черкке тӗпӗнче телей шырать. Упӑшкине пытарнӑ хыҫҫӑн пурнӑҫ тӗллевне ҫухатрӗ вӑл. Турӑ ача-пӑчаллӑ пулма пӳрмерӗ вӗсене. Питӗ лайӑх вӗрентекенччӗ вӑл. Ачасемпе пӗрле ялсем тӑрӑх концертсемпе ҫӳретчӗ. Чӑваш литературипе чӗлхин урокӗсене питӗ лайӑх ертсе пыратчӗ. Упӑшки шартлама сивӗре шӑнса вилнӗ хыҫҫӑн пурнӑҫ кустӑрми аялалла кусма пуҫларӗ унӑн. Ҫурчӗ ӗҫкӗҫсен йӑвине ҫаврӑнчӗ. Кунӗпе кам кӑна хутламасть-ши унта? Йӗркеллӗ пурӑннӑ хӗрарӑмах ҫапла пулса кайрӗ. Мӗн тӑвӑн ӗнтӗ: хуйхӑ ҫынна пусарать, тӗрӗс ҫул ҫинчен пӑрать.

Ялти тепӗр хӗрарӑм та упӑшкине ытла та ир пытарчӗ. Вӑл та эрех аварне путрӗ. Халӗ кашни кун тенӗ пекех ӳсер ҫӳрет вӑл. Ачи-пӑчи ӳссе тухса кайнӑ, ҫемье ҫавӑрнӑ. Асанне-кукамай ятне илтнӗ хӗрарӑм хӑй тӗпсӗр авӑра лекнине ӑнланмасть.

Тепӗр хӗрарӑм, Люда ятлӑскер, лавккара ӗҫленӗ чухнех эрех ӗҫме тытӑнчӗ. Лавккара темиҫе хӗрарӑм пухӑнса ӗҫетчӗ. Хӑй шутсӑр чееччӗ. Лавккана килекен ӳсер ҫынсене улталатчӗ кӑна. Ҫапла эрех ӗҫнӗ укҫине хӑйӗн кӗсйинчен кӑлармастчӗ. Кайран ӗҫрен кайрӗ пушшех те эрех нумай ӗҫме пуҫларӗ. Ҫӗнӗ ҫул уявӗнче клуба тухса ларчӗ вӑл. Малтанах палласа илеймерӗм. Пичӗ-куҫӗ шыҫӑнса ларнӑ, этем сӑнӗ юлман.

Вӑт ҫапла пурӑнать ялти хӑш-пӗр хӗрарӑм. Вӗсене нимӗн те кирлӗ мар. Картишри выльӑх выҫӑ тӑрать-и, пӳртре тирпейсӗр-и — пур-пӗрех. Хуйхине эрех чӗрккинче пытараҫҫӗ вӗсем.

 

Комментари:

Запомните // 1699.84.0765
2018-05-06 17:57
Древняя Восточная мудрость гласит: "Хотите испортить общество - испортите женщину". В стране, где женщина испорчена, нет ничего святого.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org