Тутар ӳнерҫин ӗҫӗ (Б.И.Урманче. Ага-Базар. 1970). http://www.bolgar.info/photo/image-37
Хула ячӗ ака сӑмахранах тухнӑ тесе шутлаҫҫӗ. Калас пулать, унашкал сӑмах венгр чӗлхинче те пур. Пӗлтерӗшӗ те унӑн ҫавнашкалах темелле. Пӗтӗмӗшле пӗлтерӗш вара ак ҫапларах пуль тесе шутлаҫҫӗ:
Кун пирки Линвгофорумра кӑштах вуласа пӑхӑр: http://lingvoforum.net/index.php?topic=2767.900
1)Чӑн малтанах палӑртса хумалалла: йӗркевсене кармаҫӑварсем, балбессем, бомжсем, ҫапкаланчӑксем валли мар, ЧӖЛХЕҪӖСЕМШӖН тата ЧӖЛХЕПЕ ҪЫХӐННӐ ТИЕКСЕМШӖН ӑсталаҫҫӗ. Йӗркевсене "аяларахри" шайсене ҫитересси — пачах урӑх ыйту.
Малалла...
Хӑшпӗрисен шучӗпе Хӗл Мучин ҫӗршывӗ Вологда облаҫӗнчи Аслӑ Устюг хулинче.
Анчах та ҫакӑ тӗрӗс мар.
Мӗншӗн тесен асӑннӑ хула Хӗл Мучин мар, Дед Мороз текен персонажӑн тӑван ҫӗршывӗ.
Хӗл Мучи вара Атӑл леш енчи, Йӑлӑмри ӗнтӗ, Северный поҫҫолӑкӗнче. Мӗншӗн тесен ҫак поҫҫолӑк Чӑвашстанӑн чи ҫурҫӗрте вырнаҫнӑ ҫынсемлӗ вырӑнӗ шутланать.
Акӑ вӑл, хайхи поҫҫолӑк
Ку сӑна ак ҫак тӗлтен илтӗмӗр: http://infojd.ru/28/zavoljskoe-severny.html
Чĕмпĕрте Ёё саспалли ячĕпе палăк пур.
Эп вара Шупашкарта палăк лартма сĕнетĕп. Паллах, асăннă саспалли ячĕпе мар. Чăваш Çырулăх йĕркевĕсен 75-мĕш параграфĕ ячĕпе. Анчах та скрижальсем çине çав текста çырса хунă чух
Эпир Чĕмпĕрсенчен мĕнпе кая?
Çырулăхăн 75-мĕш параграфĕпе çак сайтрах паллашма пулать.
Орфографин, Пунктуацин, Грамматика Нормисен, Лексикологи Ыйтӑвӗсен Шурчанов юлташ хӑй вӑхӑтӗнче алӑ пусса ҫирӗплетнӗ йӗркевӗсем пур. Халӗ вӑйра тӑраканнисем.
Чылайӑшне ҫавӑ килӗшмест. Уйрӑмах леш хайхи пӗрле, уйрӑм е дефиспа ҫырас ыйтусем пӑлхантараҫҫӗ.
Кивӗ йӗркевсем патне таврӑнасси пирки пӗрмай ыйту хускатаҫҫӗ.
Анчах та ҫыру культурине апла тумасӑрах лайӑхлатма пулать. Мӗншӗн тесен вӑйра тӑракан йӗркевсем пӗрле ҫырма чармаҫҫӗ.
Кам та кам правилӑсене вуласа курнӑ, ҫавӑ ҫакна питӗ аван ӑнланать.
МИХАИЛ ФЁДОРОВ
сонет
Шӗнерпуҫ. Самарти семинари.
Хусанта та вӗреннӗ иккен.
Сӑвӑҫ ҫырнӑ поэмӑн тымарӗ
Ҫавсенче аталаннӑ-тӑр, тен.
Ӗнтӗ мӗскӗн Хӗветӗр сӑнарӗ,
Кириле те Энтрисемпелен,
Ассенче пурӑнать халиччен.
Вӗсене чӑваш халӗх манмарӗ.
Тӗлӗнтермӗш хайлав "Арҫури"—
Хурапха Михалин тӗп еткерӗ.
Чӑн та, йышсӑр унпа пӗр ретри.
Кам кӑна-ши ӑна тимлемерӗ!
Малашне те, ҫулсем иртнӗҫем,
Килӗҫ пулӑхлӑ ҫӗн сисӗмсем.
ИВАН ЮРКИН
Ӑна Юман Йӳркки Иванӗ тет.
Анчах апла теме сӑлтав ҫукрах-тӑр.
Йӗри-тавра суя хыпар ан сартӑр
Шупашкарти яваплӑхсӑр "эстет".
Хуҫа пулмашкӑн тивӗҫ харпӑр автор
Хӑй ячӗпе хӑех: суйлать — "тӗртет",
Ҫапла вара культурӑна кӗртет.
Ку тӗлӗшпе тупаймӑн урӑх "фактор".
Ҫыравҫӑ Юркина халалласа
Хитре сонет ҫырасшӑнччӗ —пулмарӗ...
Уни-кунилӗх илчӗ тӑлласа.
Ытти валли ак вырӑн та юлмарӗ.
Апла пулин те тепӗр яхӑнта
Тӗллевӗм пурнӑҫланӗ, тупата!
АГАФЬЯ ГАВРИЛОВА
Трибуна патнелле утать хӗрарӑм.
Унта тухмашкӑн унӑн тивӗҫ пур.
Мӗн-ма тесен хӗрарӑма "чармаҫҫӗ"
Синкерлӗ эшафот ҫине тухма та.
Ӳссех пырать пурсӑмӑрӑн та парӑм.
Пӑтрашӑнать Мускав та Питӗрпур.
Ҫуралайман-ха чӑн-чӑн халӑх влаҫӗ,
Асав шӑлсен саккунӗ вара ватӑ.
Вӑл янтӑлатӗ тӗрмере айсарӑм
Е, йӑлмаклавлӑх, ҫирӗп кӑна шнур...
Переҫҫӗ, асаплаҫҫӗ, сӑнчӑрлаҫҫӗ —
Хастарлӑхшӑн кӗтет ҫапла награда.
Политика, тӗтре пек, ярӑм-ярӑм...
Чи кирлине ҫапах та витӗр кур:
Ирӗклӗхе ҫеҫ тӗнчере хаклаҫҫӗ,
Ӑна мухтанӑ авалхи Эллада.
ХУРИ
Ирӗке кӗрешӳсӗр илеймӗн.
Тимофей Николаев (Хури)
Ячӗпе паян кун кам киленмӗ?
Хура халӑхшӑн ҫуннӑ чӗри!
Кӗрешӳ ҫухатусӑр пулаймӗ.
Тимахвийӗн шӑпи те тискер.
Темӗн тӗрлӗ хӗн-хур курнӑскер,
Йӑнӑш утӑм та тунӑ чылай-мӗн.
Урӑха та манмашкӑн май ҫук:
Хусанти тӗрмере ларнӑ чух
"Чӑваш халӑх историне" ҫырнӑ.
Вӑл унпа хавхаланнӑ иккен.
Чӑнахах та, пулни-иртнинчен
Уйӑраймӗ пире нимле ширма!
НЬЮТОН МОНОЛОГӖ
Ларать хускалмасӑр сӗтелӗм ҫинче
Черныл усракан тӗксӗмрех кӗленче.
Мӗнпур вӑйсем-ҫке шайлашнӑ, сӑна,
Епле асӑрхаймӑпар эпӗр ҫакна?
Енчен, кӗленче хускалтӑр тесен,
Тӗртетӗп ӑна кӑшт ҫеҫ айккинчен.
Кашни япала тапранмӗ нихҫан
Е куҫӗ пӗр хӑвӑртлӑхпа вӑл ялан —
Ӑна тивекен вӑйсем шайлашсан.
Калатпӑр хӑвӑртлӑх улшӑннине
Леш "хӑвӑртлану" ятпа ку чухне.
Халь пирӗн ӑшра пӗр шухӑш шӑвать:
Мӗскершӗн-ши хӑвӑртлӑх шав улшӑнать?
Сӑлтавӗ ун — вӑй-ха. Пирӗн, паллах,
Тата тӗрӗсрех ҫыхӑну тупмалла.
Шупашкарта ҫывӑх вӑхӑтра (08.10.2025 21:00) тӗтреллӗ ҫанталӑк, атмосфера пусӑмӗ 757 - 759 мм, 7 - 9 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
Акапасар
+10.3 °C