Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Качакан сухалӗ вӑрӑм та ӑсӗ кӗске.
[ваттисен сӑмахӗ]
 

Хыпарсен ҫыххи: Республикӑра

Республикӑра
Суд приставӗсен архивӗнчи сӑн
Суд приставӗсен архивӗнчи сӑн

Элӗк районӗнчи 53 ҫулти арҫын пӗр ҫул ывӑлӗшӗн алимент тӳлемен. Парӑм ҫав хушӑра 221 пин тенке ҫитнӗ.

Арҫын вӑй питти пулсан та ӗҫе вырнаҫма васкаман. Ку кӑна мар, вӑл ӗҫ вырӑнӗ тупас тесе ӗҫпе тивӗҫтерекен центра кайса шута та тӑман. Ҫапла вӑл пӗлсе тӑрса алимент тӳлемен. Суд приставӗ унпа калаҫни те усӑ кӳмен. Арҫынна административлӑ майпа явап тыттарса 10 талӑклӑха хупнӑ. Анчах кун хыҫҫӑн та вӑл алимент тӳлемен. Ун тӗлӗшпе пуҫиле ӗҫ пуҫарнӑ. Кун хыҫҫӑн тин арҫын парӑма татнӑ.

Хыпар ҫӑлкуҫӗ: https://vk.com/wall-217040306_252
 

Республикӑра
чувашинформ.рф сӑнӳкерчӗкӗ
чувашинформ.рф сӑнӳкерчӗкӗ

Чӑваш Енри тӳре-шарапа халӑх тетелӗсем урлӑ ҫыхӑнма пулать. Республикӑри мӗнпур ведомствӑпа патшалӑх учрежденийӗсен патшалӑх пабликӗсем пур. Унта влаҫ органӗсен ӗҫӗ-хӗлӗпе паллашма ҫеҫ мар, тӳре-шара патне ыйту ҫырса яма та пулать.

Паянхи куна республикӑра 2 пин ытла патшалӑх пабликӗ пур. Вӗсен пӗтӗмӗшле аудиторийӗ паянхи пӗр миллион ҫынран иртет.

Чылай паблик — «Контактра». Унсӑр пуҫне «Пӗр класрисем» халӑх ушкӑнӗнче те йӗркеленӗ. Телеграмра та влаҫ органӗсен тата тӳре-шаран каналӗсем пур.

 

Республикӑра
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Авӑн уйӑхӗн 6-мӗшӗнче каҫхине Атӑл леш енчи Сосновкӑри вӑрман участокӗнче пушар пулнӑ. Специалистсем палӑртнӑ тӑрӑх, вӑл ҫутҫанталӑка пула тухнӑ. Пушар 0,1 гектар ҫинче алхаснӑ. Ӑна, телее, хӑвӑртах сӳнтернӗ.

Ӗнер Хӗрлӗ Чутай тата Етӗрне районӗсенче те уй-хирти типӗ курӑк ҫуннӑ. Ӑна пушарнӑйсем хӑвӑртах сӳнтернӗ.

Типӗ курӑк тӑтӑшах ҫуннине палӑртмалла. Авӑн уйӑхӗн 5-мӗшӗнче Ҫӗрпӳ тата Шупашкар районӗсенче унашкал тӗслӗх пулнӑ.

 

Республикӑра
t.me/chuv_kray каналтан илнӗ сӑнӳкерчӗк
t.me/chuv_kray каналтан илнӗ сӑнӳкерчӗк

Чӑваш Енре пурӑнакансем хӑйсен ывӑл-хӗрне вырӑссен авалхи ячӗсене хума юратаҫҫӗ. 8 уйӑхри статистикӑна тишкерсен пирӗн республикӑра Сухвисемпе Тарисем, Кириласемпе Макҫӑмсем йышлӑ.

Сӑмах май каласан, асӑннӑ тапхӑрта 6 491 пепке ҫут тӗнчене килнӗ, вӗсенчен 3 333-шӗ — арҫын ачасем, 3198-шӗ — хӗрачасем.

Арҫын ачасене Артём, Матвей, Роман, Михаил, Александр, Максим, Иван, Кирилл, Егор, Лев, Даниил, Тимур, Дмитрий, Илья, Арсений, Тимофей, Марк, Давид, Никита, Павел ят хуракансем йышлӑ. Хӗрачасене — Ева, Анна, София, Виктория, Ксения, Дарья, Варвара, Мария, Милана, Анастасия, Полина, Валерия, Арина, Василиса, Елизавета, Мирослава, Кира, Екатерина, Алиса, Александра.

Хыпар ҫӑлкуҫӗ: https://t.me/chuv_kray/1796
 

Республикӑра
Транспорт прокуратури тунӑ сӑн
Транспорт прокуратури тунӑ сӑн

Авӑн уйӑхӗн 5-мӗшӗнче 19 сехетре Канашра хоппер йышши тӑхӑр вакун рельсран тухса кайнӑ. Ку, ахӑртнех, тиев ӗҫӗсене тӗрӗс мар йӗркеленипе пулса тухнӑ.

Станци ертӳлӗхӗ вакунсем рельсран тухса кайнине вӑрттӑнлӑхра хӑварма шутланӑ. Анчах тепӗр ирхине вырӑна вакунсене тӑратма пулӑшакан пуйӑс чӗнсе илнӗ. Ҫавна май ку пулӑм пирки ыттисем те пӗлнӗ.

Вырӑна транспорт прокурорӗн пулӑшуҫи ҫитнӗ. Ведомство ӗҫ-пуҫа тишкерӗ.

 

Республикӑра
"Про Город" архивӗнчи сӑн
"Про Город" архивӗнчи сӑн

Паян Вӑрнар районӗнче пӑр ҫунӑ. Кун пирки "Про Город" хаҫата халӑх корреспонденчӗ пӗлтернӗ.

Хаҫата хыпарланӑ тарӑх, пӑр 14 сехет те 40 минутра ҫунӑ. Ҫакна Кӳтӳмер ялӗнче пурӑнакансем видео тата сӑн ӳкернӗ. Ҫынсем пӑр пӑрҫа пысӑкӑш ҫуни пирки хыпарланӑ.

Аса илтерер: синоптиксем ҫак кунсенче ҫумӑр ҫавасси пирки пӗлтернӗччӗ. Паян вара аслатиллӗ ҫумӑр ҫума пултарасси ҫинчен асӑрхаттарнӑ.

Хыпар ҫӑлкуҫӗ: https://pg21.ru/news/89663
 

Республикӑра
t.me/chebcentr21 сӑнӳкерчӗкӗ
t.me/chebcentr21 сӑнӳкерчӗкӗ

Паян Шупашкарта ваттисен ҫуртӗнче (халӗ апла каламаҫҫӗ-ха. Стационар уйрӑмӗ теҫҫӗ) пурӑнакан икӗ ватӑ ҫемье ҫавӑрнӑ.

Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи стационар уйрӑмӗнче пурӑнакан ҫулланнӑ икӗ ҫын ҫемье ҫавӑрнӑ.

Галина Александровна тата Сергей Степанович Мильковсене унта ӗҫлекенсем ӑшшӑн саламланӑ. 70 урлӑ каҫнӑ кинемейпе мучи пӗрле телевизор пӑхаҫҫӗ, хаҫат-журнал вулаҫҫӗ, уҫӑлма та пӗрле тухса кӗреҫҫӗ, учрежденире иртекен мероприятисене те пӗрле хутшӑнаҫҫӗ.

Хыпар ҫӑлкуҫӗ: https://t.me/chebcentr21/4035?single
 

Республикӑра
panoramapro.ru сайтри сӑн
panoramapro.ru сайтри сӑн

Улатӑрта пурӑнакан 81 ҫулти хӗрарӑм патне палламан ҫынсем шӑнкӑравласа тӑванӗ аварие лекни пирки, ӑна явап тытасран хӑтарма укҫа кирли ҫинчен пӗлтернӗ. Ватӑскер ӗненнӗ, счечӗ ҫинчен пысӑк укҫа илме те килӗшнӗ.

Анчах кинемей пӑлханчӑклӑ пулнине Наталья Рехванова социаллӑ ӗҫчен асӑрханӑ. Вӑл заведующипе Ольга Моторинӑп пӗрле кинемее ҫав ҫынсем ултавҫӑ пулнине ӗнентерме пултарнӑ, полицие кайма ӳкӗте кӗртнӗ. Ҫапла вӗсем ватӑ хӗрарӑма ултавҫӑсен аллине лексе укҫа ҫухатасран хӑтарнӑ.

Хыпар ҫӑлкуҫӗ: https://21.мвд.рф
 

Республикӑра
smartik.ru сайтри сӑн
smartik.ru сайтри сӑн

Канашри хӗрарӑм декретра ларнӑ чухне укҫа ӗҫлесе илме шутланӑ. Ун патне мессенджерта ӗҫ пирки сӗнӳ килнӗ. Ҫапла вӑл ӗҫлеме килӗшнӗ.

Кун хыҫҫӑн вӑл сайтра регистрациленнӗ, счет ҫине укҫа хунӑ та инструкципе килӗшӳллӗн тӗнче тетелне тишкернӗ, тӗрлӗ отеле бронь тунӑ. Куншӑн счет ҫинчен илнӗ укҫана ӑна тавӑрса пама шантарнӑ. Ҫитменнине – нумайрах, процентсемпе.

Хӗрарӑм укҫа ӗҫлесе илнӗ-ха. Вӑл 11 пин тенкӗ шалу илнӗ, 400 пин тенкӗ вара ҫухатнӑ.

Хыпар ҫӑлкуҫӗ: https://t.me/mvd_chuvashia/1578
 

Республикӑра
bangkokbook.ru сайтри сӑн
bangkokbook.ru сайтри сӑн

Етӗрне районӗнчи полицейскисем Талуй ялӗнче 39 ҫулти арҫыннӑн килӗнче 800 грамм тарӑ (порох), патронсем, Калашников автомачӗн макетне тупнӑ. Хӑй вӑл Шупашкарта пурӑнать, ҫулла вара Талуй ялӗнче амӑшӗн килӗнче пулнӑ.

Арҫыннӑн килте ҫар хатӗрӗсем пулма пултарни пирки полицие ҫынсем пӗлтернӗ. Пакунлисем малтан унран ҫар припасӗсем пурри-ҫукки пирки ыйтнӑ. Лешӗ каланӑ тӑрӑх, ҫук. Анчах ухтарсан ав мӗн чухлӗ япала тупӑннӑ.

Ҫар припасӗсем тата сирпӗнекен хатӗрсем упранӑшӑн арҫын тӗлӗшпе икӗ пуҫиле ӗҫ пуҫарнӑ.

 

Страницӑсем: 1 ... 66, 67, 68, 69, 70, 71, 72, 73, 74, 75, [76], 77, 78, 79, 80, 81, 82, 83, 84, 85, 86, ...622
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 15:00) пӗлӗтлӗ ҫанталӑк, атмосфера пусӑмӗ 742 - 744 мм, 8 - 10 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
пӗтӗм кил-йышпа тухаҫҫӗ
хуҫа хӑй
кил-йышри арҫын
хуҫин ҫитӗннӗ ачисем
ӑсатма тухни — ҫылӑх, юрамасть
хуҫа тарҫи
хуть те кам тухсан та
хуҫа арӑмӗ
хӑни ҫулне ахаль те пӗлет, ӑсатмасӑр та