Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Ерипен каян мала тухнӑ, хытӑ каян кая юлнӑ.
[ваттисен сӑмахӗ]
 

Хыпарсен ҫыххи: Республикӑра

Республикӑра
www.cheaz.ru сайтран илнӗ скриншот
www.cheaz.ru сайтран илнӗ скриншот

Иртнӗ эрнекун, авӑн уйӑхӗн 23-мӗшӗнче, Чӑваш Ен Элтеперӗ Олег Николаев республикӑри темиҫе ҫынна патшалӑх наградисемпе чыслама йышӑннӑ. Вӗсен йышӗнче сывлӑх сыхлав отраслӗнче тӑрӑшакансем те, ҫӑлавҫӑ та, промышленноҫра вӑй хуракансем те пур.

«Чӑваш Республикин промышленноҫӑн тава тивӗҫлӗ ӗҫченӗ» ята тивӗҫнӗ 6 ҫынтан тӑваттӑшӗ Шупашкарти электроаппаратура заводӗнче тӑрӑшать. Ҫав йышра — пурлӑхпа техника снабженийӗн пайӗн пуҫлӑхӗ Ирина Ландарь, станоксемпе слесарь ӗҫӗсен контролёрӗ Валентина Макарова, планпа диспетчер пайӗн бюро пуҫлӑхӗ Тамаа Семёнова, изделисемпе инструментсен комплектовщикӗ Тамара Сергеева.

 

Республикӑра
archive.56 сайтри сӑн
archive.56 сайтри сӑн

Муркаш районӗнчи Ярапайкасси ял тӑрӑхӗн администрацийӗнче ӗҫлекен хӗрарӑма суд тунӑ. Вӑл ӗҫ вырӑнӗпе усӑ курнӑ. Ӑна 50 пин тенкӗлӗх штрафланӑ.

2020 ҫулхи чӳк уйӑхӗнче вӑл ял тӑрӑхӗн пуҫлӑхӗн тивӗҫӗсене пурнӑҫланӑ. Ун чухне вӑл палӑка юсама тата Иштерек ялӗн хапхине ҫӗнетме строительство организацийӗпе килӗшӳ алӑ пуснӑ. Тепӗртакран вӑл ӗҫе йышӑнни пирки акт алӑ пуснӑ. Хӑй вара ӗҫсене вӗҫлеменнине пӗлсех тӑнӑ. Ҫапла организацие 88 пин тенкӗ куҫнӑ. Ку ял тӑрӑхӗн администрацине ҫавӑн чухлӗ тӑкак кӳнӗ.

Хыпар ҫӑлкуҫӗ: https://pg21.ru/news/81837
 

Республикӑра
ШӖМ тунӑ сӑн
ШӖМ тунӑ сӑн

Авӑн уйӑхӗн 23-мӗшӗнче полицейскисем Кӳкеҫ ҫывӑхӗнче, М-7 ҫул ҫинче, арҫын ҫул хӗррипех утнине асӑрханӑ. Вӑл хӑй ӑҫта пулнине ӑнланманни палӑрнӑ.

Пакунлисем ватӑ арҫынна полици уйрӑмне илсе ҫитернӗ.

64 ҫулти арҫыннӑн ҫумра телефон пулман. Вӑл ӑҫтан пулнине ыйтса пӗлнӗ. Хайхискер Карачураран иккен. Вӑл каҫхине тӑванӗсене каламасӑр килтен тухса кайнӑ. Полицейскисем ӑна киле илсе ҫитернӗ.

Тӑванӗсем каланӑ тӑрӑх, арҫын ӑс-тӑнӗ арпашӑннипе аптӑрать. Эппин, пакунлисем ӑна вӑхӑтра пулӑшнӑ.

Хыпар ҫӑлкуҫӗ: https://pg21.ru/news/81825
 

Республикӑра
cap.ru сайтри сӑн
cap.ru сайтри сӑн

Чӑваш Енре «Телейлӗ ачалӑх – ачасен куҫӗпе» акци пуҫланнӑ. Унта кашниех хутшӑнма пултарать: шкул ачисем, ача пахчин шӑпӑрланӗсем, вӗрентекенӗсемпе ашшӗсемпе амӑшӗсем.

Телейлӗ ачалӑх ҫулталӑкӗ валли логотип тата девиз шухӑшласа кӑлармалла. Ӑна видеоролик, хӑтлав, сӑнӳкерчӗк пек хатӗрлеме пулать. Е шухӑша хут ҫине ҫырса кӑтартмалла, файла molod9@cap.ru электронлӑ почтӑна ямалла.

Чи интереслӗ проектсемпе ЧР Пуҫлӑхӗ Олег Николаев авӑн уйӑхӗн 30-мӗшӗнче иртекен «тӳрӗ линире» паллаштарӗ.

 

Республикӑра
ФСБ тунӑ сӑн
ФСБ тунӑ сӑн

Шупашкар районӗнчи упӑшкипе арӑмӗ маркӑламан пирус сутнине палӑртнӑ. Ҫапла пӗлтерет ШӖМ.

Вӗсене электронлӑ пирус курупкинче упранӑ. Ӑна вара, саккунпа килӗшӳллӗн, маркӑламалла мар. Ҫапла майпа вӗсем ултава пытарас тенӗ ахӑртнех.

Мӑшӑр ҫак пируссене Шупашкарти, Ҫӗнӗ Шупашкарти тата ытти хулари суту-илӳ вырӑнӗсенче сутнӑ. Ведомство тӗрӗслев ирттернӗ вӑхӑтра складра 100 пин ытла пачка пирус тупнӑ. Пӗтӗмпе – 10 миллион ытла тенкӗлӗх.

Халӗ йӗрке хуралҫисем ҫак маркӑламан пируса ӑҫтан кӳрсе килниен уҫӑмлатаҫҫӗ.

 

Республикӑра
"Про Город" сайтӗнчи сӑн
"Про Город" сайтӗнчи сӑн

Ӗнер республикӑра ҫил-тӑвӑл алхаснине, ҫил Шупашкарти професси колледжӗн тӑррине сӳнине пӗлтернӗччӗ.

Ӗнер "Мега Молл" суту-илӳ комплексӗ ҫывӑхӗнче пысӑк баннер ӳксе 5 машинӑна сиенлетни пирки те хыпарланӑччӗ. Пӗр машинӑра 2 ача пулнӑ, вӗсем суранланнӑ - килте амбулатори мелӗпе сипленеҫҫӗ.

Элӗк районӗнче те пӗр харпӑр ҫурт тӑррине ҫил сӳнӗ. 7 районти 17 ялта электроэнерги сӳннӗ. Пӗтӗмпе 19 йывӑҫ тӳннӗ. Шупашкарта йывӑҫ ӳкнипе пӗр хӗрарӑм аманнӑ. Вӑл килте сипленет.

Хыпар ҫӑлкуҫӗ: https://pg21.ru/news/81749
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енри темиҫе ҫынна федераци судйи пулма ҫирӗплетнӗ. Ҫавна ӗнентерекен удостоверенисене вӗсене ӗнер панӑ. Документа Чӑваш Енри тӗп федераци инспекторӗ Григорий Сергеев савӑнӑҫлӑ лару-тӑрура тыттарнӑ.

Мероприятие Чӑваш Енӗн Верховнӑй сучӗн председателӗ Анатолий Петров, унӑн ҫумӗсем Галина Савелькина тата Марина Блинова, Чӑваш Енри Суд департаменчӗн управленийӗн пуҫлӑхӗн тивӗҫне пурнӑҫлакан Рената Макаричева хутшӑннӑ.

РФ Президенчӗн Владимир Путинӑн хушӑвӗпе федераци судйин удостоверенийӗсене Чӑваш Енӗн Верховнӑй сучӗн судйине Елена Никитинӑна, Шупашкар районӗнчи судӑн судйине Алина Лукинана, Шупашкарти Ленин районӗн сучӗн судйине Алексей Дмитриева панӑ.

 

Республикӑра
ainews.kz сайтри сӑн
ainews.kz сайтри сӑн

Патӑрьел районӗнчи нумай ачаллӑ хӗрарӑм хальхинче колони-поселенире 5 уйӑх ларӗ. Алимент тӳлеменшӗн вӑл унччен административлӑ майпа явап тытнӑ. Анчах усси пулман - вӑл 3 ачишӗн пурпӗрех алимент тӳлеме пуҫламан.

Хӗрарӑмӑн вара ачисене укҫан палӑшма майсем пулнӑ. Вӑл калӑма ҫӳренӗ, унӑн хуҫалӑх та пур. Парӑмӗ 600 пин ытла тенкӗ пухӑннӑ.

Хӗрарӑм судра айӑпне йышӑннӑ.

 

Республикӑра
digital.cap.ru сӑнӳкерчӗкӗ
digital.cap.ru сӑнӳкерчӗкӗ

Чӑваш Енре ҫитес виҫӗ ҫулта 3 пин ИТ-специалист ҫитмӗ. Ҫакӑн пек пӗтӗмлетнӗ республикӑн Цифра аталанӑвӗн, информаци политикин тата массӑллӑ коммуникацисен министерстви регионти пысӑк ИТ-компанисене явӑҫтарнӑ ыйтӑм тӑрӑх.

«Ку вӑл пысӑк цифра. Ҫавӑнпа та эпир ИТ-компанисемпе тата вӗренӳ заведенийӗсемпе пӗр шухӑшлӑ пулса кадрсене хатӗрлес ыйтупа ӗҫлеме палӑртатпӑр», — тенӗ ведомство ертӳҫи Кристина Майнина.

 

Республикӑра
ШӖМ тунӑ сӑн
ШӖМ тунӑ сӑн

Ку шӑматкун Пӑрачкав районӗнчи Анастасово ялӗнчи сутуҫӑ лавккана ҫитнӗ те - алӑкӗ уҫӑ. Шалта никам та пулман, анчах икӗ ещӗк эрех ҫухалнӑ.

Ҫакна кам тунӑ? Кӳршӗ ялта та такам лавккана кӗме хӑтланнӑ-мӗн. Ялти ҫынсем ун умӗнче шавланине илтнӗ. Полицейскисем пӗр ҫын килӗнче шӑпах вӑрланӑ эрех кӗленчисене тупнӑ. Кил хуҫи ӑнлантарнӑ тӑрӑх, ӑна пӗлӗшӗ илсе килнӗ. Йӗрке хуралҫисем унӑн 49 ҫулти пӗлӗшне тытса чарнӑ. Вӑл судпа унччен те айӑпланнӑ. Лавкка алӑкне ҫӗмӗрнӗ лума та ҫавӑнтах тупнӑ.

 

Страницӑсем: 1 ... 126, 127, 128, 129, 130, 131, 132, 133, 134, 135, [136], 137, 138, 139, 140, 141, 142, 143, 144, 145, 146, ...630
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (15.06.2025 21:00) пӗлӗтлӗ ҫанталӑк, атмосфера пусӑмӗ 744 - 746 мм, 15 - 17 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лӑпкӑ эрне пулӗ. Ӑна юратнӑ ҫынпа пӗрле ирттерӗр. Хӑвӑр кутӑнлашмасан кӑмӑл улшӑнмӗ. Халӗ сире япӑх шухӑшсемпе кӑмӑл-туйӑм сиен кӑна кӳрӗҫ. Ку сире юратнӑ ҫынпа хирӗҫтерме те пултарӗ. Кайран вара мирлешме йывӑр пулӗ.

Ҫӗртме, 15

1922
103
Ҫеҫпӗл Мишши, паллӑ чӑваш сӑвӑҫи ҫут тӗнчерен уйрӑлнӑ.
1931
94
Абашев Владимир Никифорович, чӑваш литература тӗпчевҫи ҫуралнӑ.
1977
48
Алка Александр Егорович, чӑваш сӑвӑҫи, ҫыравҫи, драматургӗ, тӑлмачӗ, критикӗ вилнӗ.
2003
22
Шемекеев Виталий Дмитриевич, чӑваш сӑвӑҫи, ҫыравҫи ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуть те кам тухсан та
хуҫа хӑй
хуҫа тарҫи
хӑнана ӑсатма никам та тухмасть
хуҫа арӑмӗ
хуҫин ҫитӗннӗ ачисем
кил-йышри арҫын