Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Ҫӑкӑр-тӑвар хире-хирӗҫ.
[ваттисен сӑмахӗ]
 

Хыпарсем: ӑмӑртусем

Спорт

Ирӗклӗ мелпе кӗрешекен чӑваш хӗрӗсем Варшавӑра иртнӗ «Poland Open» пӗтӗм тӗнчери турнирта медале тивӗҫнӗ. Ӑмӑртӑва Польшӑри, Францири, Турцири, Молдавири, Кӑркӑстанри тата Венгрири спортсменсем хутшӑннӑ.

65 ҫула ҫитичченхи виҫере ылтӑн медале Мария Кузнецова ҫӗнсе илнӗ. Финалта вӑл Молдавири Ирина Рингачи кӗрешӳҫӗрен вӑйлӑрах пулнӑ. Вероника Чумикова 57 килограмчченхи виҫере Венгрири Эмесе Баркуна ҫӗнтернӗ.

Пирӗн хӗрсен ылтӑн медальсемпе пӗрлех бронза та пур. Раҫҫейӗн тӗнче класлӑ спорт мастерӗ Евгения Захарченко 72 килограмчченхи виҫере, Анастасия Яковлева 59 килограмчченхи виҫере виҫҫӗмӗш вырӑна тухнӑ.

 

Спорт

Шупашкарти «Юман» дружини чӳк уйӑхӗн вӗҫӗнче Мускава тухса кайӗ. Следж-хоккей командине ҫӳрекен маттур ачасем Мускаври тантӑшӗсемпе ӑмӑртӗҫ. Унччен вӗсем апла тупӑшӑва хутшӑнса курман.

Тӗрӗссипе, ачасен кун пек ушкӑнӗсем те сахал. Следж-хоккей команди пирӗн ҫӗршывра иккӗ кӑна: пӗри — Мускавра, тепри — Чӑваш Енре.

«Юман» ушкӑна «Это чудо» (чӑв. Ку вӑл тӗлӗнтермӗш) ыр кӑмӑллӑх фончӗ йӗркеленӗ. Занятисем Чӑваш кадет корпусӗ ҫумӗнчи Регионти хоккей центрӗнче иртеҫҫӗ. Унта 8 ҫултан пуҫласа 15 ҫула ҫитичченхи ачасем ҫӳреҫҫӗ.

Ушкӑнӑн тӗп тренерӗ Александр Ларионов каланӑ тӑрӑх, следж-хоккей пайташӗсен шайби пысӑкрах, ун варринче сасӑ кӑларакан 8 шар пур. Ӑна хоккеистсем илтчӗр тесе ҫапла тунӑ. Тренер шӑхличӗ те тӗрлӗрен. Пӗри шайба зонӑна лексен шӑхӑрмалли, тепри хапхаҫӑна шайбӑран хӳтӗленмеллине систерет.

 

Пӑтӑрмахсем
cap.ru сайтри сӑнӳкерчӗк
cap.ru сайтри сӑнӳкерчӗк

Юпа уйӑхӗн 17-мӗшӗнче Ҫӗрпӳре мотокросс енӗпе ӑмӑрту иртнӗ. Унтан хурлӑхлӑ хыпар ҫитнӗ. Тупӑшу вӗҫленсен унта хутшӑннӑ пӗр спортсмен вилнӗ. Вӑл 70 ҫулта пулнӑ.

Мотокросра ачасем, ҫамрӑксем, аслисем тата ветерансем тупӑшнӑ. 70 ҫулти арҫын финиша ҫитнӗ хыҫҫӑн хӑйне япӑх туйнӑ. Вӑхӑт нумай та иртмен – вӑл вилнӗ.

Следстви комитечӗ малтанлӑха палӑртнӑ тӑрӑх, арҫын чӗре чирне пула вилнӗ. Халӗ кун тӗлӗшпе тӗрӗслев иртет.

Хыпар ҫӑлкуҫӗ: https://pg21.ru/news/67451
 

Спорт

Чечняри Грозный хулинче AKHMAT RACE-2020 гонка иртнӗ. Чӑваш Енри Андрей Васильев иккӗмӗш вырӑна тивӗҫнӗ.

Гонка ҫутӑллах пуҫланнӑ, вӑл 4 сехете тӑсӑлнӑ. Вӑл вӗҫлениччен тӗттӗмленме те ӗлкӗрнӗ. Ҫул ҫинче вара ҫутӑ пулман.

Андрей Васильевӑн командинче тӑватӑ ҫын пулнӑ. Пирӗн ентешсӗр пуҫне унпа пӗрле Ивано Твердохлебов, Алексей Савин, Артем Ражко тупӑшнӑ.

 

Чӑваш чӗлхи

Икӗ ҫулта пӗрре иртекен Кашкарти Махмут ячӗллӗ Пӗтӗм тӗнчери калавсен ӑмӑртӑвӗ кӑҫал иртесси пирки йӗркелӳҫӗсен комитечӗ пӗлтерет. Кӑҫал вӑл VI хут иртӗ.

Йӗркелӳҫӗсем каласа панӑ тӑрӑх ӑмӑртӑва хутшӑнас килсен ирӗклӗ темӑпа калав ҫырмалла, ӑна чӳкӗн 15-мӗшӗччен ярса памалла. Пӗр автортан икӗ калавран ытла йышӑнмаҫҫӗ.

Конкурса хутшӑнас тесен унччен маларах ниҫта та пичетлемен хайлав тӑратмалла, унӑн калӑпӑшӗ 1 пин сӑмахран ытларах пулмалла (10 пинрен ытла мар). Калава kmahmut2020@gmail.com адреспа ярса памалла. Автор кам пулнине ҫирӗплетекен ӗҫлӗ хутсем уйрӑм файлпа пулмалла.

Ҫӗнтерӳҫӗсене кӑҫал раштав уйӑхӗнче палӑртӗҫ. Пӗрремӗш вырӑна тухни 25 пине тивӗҫӗ, 2-мӗш вырӑна тухни — 20 пине, 3-мӗш вырӑнти — 15 пине. Ҫавӑн пекех хавхалану парни те пур — 10 пин Турци лири.

Ӑмӑрту ҫинчен тӗплӗнрех пӗлес тесен Еврази ҫыравҫисен пӗрлӗхӗн (Турци) сайтне кӗрсе пӑхма пулать е Ҫыравҫӑсен ирӗклӗ пӗрлӗхне (Чӑваш Ен) шӑнкӑравлама май пур: 8-961-348-73-89.

 

Спорт
cap.ru сӑн ӳкерчӗкӗ
cap.ru сӑн ӳкерчӗкӗ

Ку канмалли кунсенче Тутарстанра Хусан марафонӗ иртнӗ. Ку мероприяти Wanda Age Group тӗнче танлаштарӑмӗнче пӗрремӗш хутчен официаллӑ квалификациллӗ старт пулса тӑнӑ.

Ӑмӑртӑва хутшӑннӑ 8 пин ытла спортсмен 3-42,2 ҫухрӑма парӑнтарнӑ. Палӑртмалла: спортсменсен ҫулӗ Хусанти илемлӗ вырӑнсем урлӑ выртнӑ.

Питӗ кӑмӑллӑ: 42,2 ҫухрӑмлӑ дистанцире пирӗн ентеш, тӗнче класлӑ Раҫҫей спорт мастерӗ Алина Прокопьева финиша чи малтан ҫитнӗ. Вӑл марафона 2 сехет те 34 минут та 14 ҫеккунтра парӑнтарнӑ.

Каласа хӑвармалла: пӗлтӗр те ҫак сумлӑ ӑмӑртура пирӗн ентеш мала тухнӑ. Алексей Александров 21,1 ҫухрӑмлӑ дистанцире пӗрремӗш вырӑн йышӑнна.

 

Спорт

Чӑваш Ен спортсменки Александр Козлова йывӑр атлетика енӗпе иртекен Раҫҫей ӑмӑртӑвӗнче абсолютлӑ ҫӗнтерӳҫӗ пулса тӑнӑ.

Республикӑн Спорт министерствинче пӗлтернӗ тӑрӑх, ӑмӑрту ҫак кунсенче Улатимӗр хулинче иртет. Етӗрне районӗнче ҫуралса ӳснӗ пике юниорсен ӑмӑртӑвӗнче чӑннипех те палӑрнӑ. Тӗнче класлӑ Раҫҫей спорт мастерӗ 59 килограмлӑ виҫере виҫӗ ылтӑн медаль ҫӗнсе илнӗ.

Спортсменка Валериан Соклов ячӗллӗ Шупашкарти спорт шкулӗнче Раҫей тава тивӗҫлӗ тренерӗ Геннадий Иванов патӗнче ӑсталӑха туптать.

 

Спорт
ЧР Спорт министерствин сайтӗнчи сӑнӳкерчӗксенчен хатӗрленӗ коллаж
ЧР Спорт министерствин сайтӗнчи сӑнӳкерчӗксенчен хатӗрленӗ коллаж

Ирӗклӗ мелпе кӗрешекенсен Чӑваш Енри шкулӗн хӗрӗсем ҫак канмалли кунсенче Хусанта иртнӗ Раҫҫей чемпионатӗнчен тӑватӑ медальпе таврӑннӑ. Ӑмӑрту Хусанти «Ак Барс» кӗрешӳ керменӗнче иртнӗ. Пирӗн хӗрсем унта пӗр ылтӑн, пӗр кӗмӗл тата икӗ бронза медальпе таврӑннӑ.

Чӑваш Ен Спорт министерствине пӗлтернӗ тӑрӑх, 57 килограмчченхи виҫере Вероника Чумикова бруят хӗрне Ирина Ологоновӑна ҫӗнтернӗ. Ҫапла майпа ентешӗмӗр Раҫҫей чемпионӗ ята тивӗҫнӗ.

Тӗнче класлӑ спорт мастерӗ Мария Кузнецова 65 килограмчченхи виҫере кӗмӗл призер пулса тӑнӑ. Пъедесталӑн виҫҫӗмӗш картлашки ҫине Раҫҫей спорт мастерӗ Евгений Захарченко тата ҫӗршывӑн спорт мастерӗ Анастасия Яковлева хӑпарнӑ.

 

Спорт
ЧР Спорт министерствин сайтӗнчи сӑнӳкерчӗксенчен хатӗрленӗ коллаж
ЧР Спорт министерствин сайтӗнчи сӑнӳкерчӗксенчен хатӗрленӗ коллаж

Ирӗклӗ мелпе кӗрешекенсен Чӑваш Енри шкулӗн хӗрӗсем ҫак канмалли кунсенче Хусанта иртнӗ Раҫҫей чемпионатӗнчен тӑватӑ медальпе таврӑннӑ. Ӑмӑрту Хусанти «Ак Барс» кӗрешӳ керменӗнче иртнӗ. Пирӗн хӗрсем унта пӗр ылтӑн, пӗр кӗмӗл тата икӗ бронза медальпе таврӑннӑ.

Чӑваш Ен Спорт министерствине пӗлтернӗ тӑрӑх, 57 килограмчченхи виҫере Вероника Чумикова бруят хӗрне Ирина Ологоновӑна ҫӗнтернӗ. Ҫапла майпа ентешӗмӗр Раҫҫей чемпионӗ ята тивӗҫнӗ.

Тӗнче класлӑ спорт мастерӗ Мария Кузнецова 65 килограмчченхи виҫере кӗмӗл призер пулса тӑнӑ. Пъедесталӑн виҫҫӗмӗш картлашки ҫине Раҫҫей спорт мастерӗ Евгений Захарченко тата ҫӗршывӑн спорт мастерӗ Анастасия Яковлева хӑпарнӑ.

 

Спорт

Ӗнер Патӑрьел районнне лаша спортне кӑмӑллакансем пуҫтарӑннӑ. Ӑратлӑ рысак лашасемпе тупӑшакансем лаша спорчӗн ветеранӗн Н.П. Кошкинӑн парнисене ҫӗнсе илессишӗн ӑмӑртнӑ. Хаклӑ парнесене тивӗҫес тесе хамӑр республикӑри 20 районпа хулари, ҫавӑн пекех ют регионсенчи маттурсем пухӑннӑ.

Финалти чупура пӗрремӗш вырӑна Патӑрьел районӗнчи Альберт Хамбиковӑн Кофеин лаши мала тухнӑ, иккӗмӗш вырӑнта – Шӑмӑршӑ районӗнчи Александр Максимовӑн Панчерӗ, виҫҫӗмӗшӗнче – Патӑрьел районӗнчи Алексей Красновӑн Победитель (чӑв. Ҫӗнтерӳҫӗ) лаши.

Хавхаланмалли тупӑшура Шупашкарти лаша спорчӗн шкулӗнчи Валерий Красновӑн Эпитаж ӑйӑрӗ ҫӗнтернӗ. Чӗмпӗр облаҫӗнчи Сергей Головинӑн Гамбит рысакӗ тата асӑннӑ тӑрӑхри Петр Сидоровӑн Мистер Детройчӗ те хуҫисене парне ҫӗнсе илме пулӑшнӑ.

Хыпар ҫӑлкуҫӗ: https://www.instagram.com/p/CFnCY1vAJly/
 

Страницӑсем: 1 ... 12, 13, 14, 15, 16, 17, 18, 19, 20, 21, [22], 23, 24, 25, 26, 27, 28, 29, 30, 31, 32, ... 78
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.11.2025 03:00) тӗтреллӗ ҫанталӑк, атмосфера пусӑмӗ 757 - 759 мм, 2 - 4 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Пултарулӑхпа, психологипе е медицинӑпа ҫыхӑннӑ ӗҫ сире социаллӑ статуса ӳстерме пулӑшӗ. Парӑмсемпе, кредитсемпе, налуксемпе ҫыхӑннӑ ыйтусем татӑлӗҫ. Эсир укҫапа ҫыхӑннӑ ӗҫсене лайӑх пурнӑҫласа пыратӑр. Ҫутҫанталӑка тухни, шыв процедурисем, сывлӑха ҫирӗплетмелли массаж курсӗ тата спорт сывлӑха тата нерв тытӑмне лайӑх витӗм кӳрӗҫ.

Чӳк, 30

1892
133
Лява Платтунӗ, чӑваш сӑвӑҫи, ҫыравҫи, тӑлмачӗ ҫуралнӑ.
1906
119
Базанов Николай Петрович, Пӑрачкав сӑвӑҫи ҫуралнӑ.
1906
119
Бусыгин Николай Иванович, Пӑрачкав сӑвӑҫи, тӑлмачӗ ҫуралнӑ.
1918
107
Чӗмпӗрти РКП(б) губкомра чӑваш секциӗ йеркеленнӗ.
1926
99
Мулюков Геннадий Фёдорович, чӑваш таврапӗлӳҫи, вӗрентекенӗ ҫуралнӑ.
1967
58
Чӑваш патшалӑх университетне И.Н. Ульянов ятне панӑ.
2000
25
Патшалӑх Канашӗ Чӑваш Республикин Конституцине йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫа арӑмӗ
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
хуҫа хӑй
ӑсатма тухни — ҫылӑх, юрамасть
хуҫа тарҫи
кил-йышри арҫын
пӗтӗм кил-йышпа тухаҫҫӗ