Чӑваш чӗлхине сарас, унӑн сумне ӳстерес, тӑван халӑх культурине хисепе хума вӗрентес тӗллевпе культура тата вӗренӳ учрежденийӗсем ҫеҫ мар, кирек мӗнле хастар та хӑйӗн тӳпине хывма пултарать.
Шупашкар хулинчи халӑхӑн социаллӑ ыйтӑвӗсене тивӗҫтерекен центр «Контактри» хӑйӗн страницинчен чӑвашла ӳкерсе илемлетнӗ турилккесене выляттарать. Черетлӗ вылява паян, Чӑваш чӗлхи кунӗнче, пӗтӗмлетнӗ. Хальхинче турилккене Светлана Гордеева ҫыравҫӑ тата ӳнерҫӗ ҫӗнсе илнӗ. Илемлӗ турилккене унччен Крымра пурӑнакан арҫын патне ӑсатнӑ.
«С Днём чувашского языка! Тӑван чӗлхене юратар, манар мар, туссем! Ачасене те чӑвашлах вӗрентер. Пӗр чӗлхе — пӗр ӑс, икӗ чӗлхе — икӗ ӑс, виҫӗ чӗлхе — виҫӗ ӑс», — тесе ҫырса хунӑ учреждени конкурса пӗтӗмлетнӗ май.
Нарӑс уйӑхӗн 19-мӗшӗнче Ҫеҫпӗл Мишши ячӗллӗ Чӑваш патшалах ҫамрӑксен театрӗнче «Эхо войны» (чӑв. Ҫӗнтерӳ ахрӑмӗ) балладӑпа паллаштарӗҫ. Ӑна Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине халалланӑ.
Проекта театрӑн тӗп режиссёрӗ Дмитрий Михайлов вӑрҫӑ мӗнне пӗлекен поэт-классиксен сӑввисене тӗпе хурса хатӗрленӗ.
Балладӑри пластикӑшӑн явапли — Пушкӑртстан Республикин тава тивӗҫлӗ артистки, культурӑн тава тивӗҫлӗ ӗҫченӗ Рамиза Мухаметшина яваплӑ. Ӗпхури балетмейстерпа тетар унччен те пӗрлехи проектсене пурнӑҫа кӗртнӗ.
Спектакле илемлетекенни — Дмитрий Михайлов.
Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта «Лица Победы» (чӑв. Ҫӗнтерӳ сӑнӗсем) сӑнӳкерчӗксен куравӗ уҫӑлнӑ. Ӑна Тӑван ҫӗршывӑн аслӑ вӑрҫинче ҫӗнтернеренпе 80 ҫул ҫитнине халалланӑ
Сӑнӳкерчӗксенче Тӑван ҫӗршывӑн аслӑ вӑрҫине хутшӑннӑ, халӗ Шупашкарта пурӑнакан ватӑсем сӑнланнӑ. Вӗсен ҫамрӑк чухнехи тата хальхи сӑнӳкерчӗкӗсене вырнаҫтарнӑ.
Курава аслӑ Ҫӗнтерӗвӗн логотипӗпе илемлетнӗ.
Кашни ветеран ҫинчен кӗскен каласа кӑтартнипе пӗрлех вӗсен кунҫулӗпе тӗплӗнрех паллашас текенсен QR-кодпа усӑ курма май пур.
Курав ҫулталӑкӗпех ӗҫлӗ.
Хӗрлӗ Чутай округӗнчи Ҫӗнӗ Атикасси ялӗнче пурӑнакан Клавдия Ижетниковӑна, 101 ҫулти ветерана, Ҫӗнтерӳ пулнӑранпа 80 ҫул ҫитнине халалланӑ медальпе чысланӑ.
Клавдия Гавриловнпа 1942 ҫулта фронта хӑйӗн ирӗкӗпе кайнӑ, автомат ротинче Серпуховшӑн ҫапӑҫнӑ. Унта вӑл йывӑр аманнӑ – кӑкӑрне ванчӑк кӗрсе ларнӑ.
Вӑрҫӑ хыҫҫӑн Клавдия ача чухнехи ӗмӗтне пурнӑҫланӑ – вӗрентекен пулнӑ. Ӗмӗр тӑршшӗпех педагогикӑра ӗҫленӗ вӑл. Мӑшӑрӗпе 3 ача ҫуратса ӳстернӗ.
2025 ҫула пирӗн республикӑра ҫӗнтерӳ темине халаллӗҫ. Кун пирки республикӑн влаҫ органӗсен официаллӑ порталӗнче пӗлтернӗ. Ку сӗнӗве Чӑваш Ен Элтеперӗ Олег Николаев та ырласа йышӑннӑ. Ҫак ыйтӑва Чӑваш Республикин Элтеперӗ ҫумӗнчи общество канашӗн ларӑвӗнче хускатнӑ.
2025 ҫула ҫӗнтерӳ темине халаллани ытахальтен мар. Ҫитменнине килес ҫул пирӗн ҫӗршыв Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине уявлӗ.
Шупашкар хулинчи «кӗмӗл» волонтёрсем #ровесникиПобеды (чӑв. Ҫӗнтерӳ тантӑшӗсем) челленджа хутшӑнаҫҫӗ. Ӑна вӗсем Аслӑ Ҫӗнтерӳ кунне халалланӑ.
Челленджа Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӑн «кӗмӗл» волонтёрӗсем пуҫарнӑ. Унта чи малтан хутшӑнни — Аделия Львова. Хӗрарӑм 1945 ҫулта ҫуралнӑ. Унӑн ашшӗ Тӑван ҫӗршывӑн аслӑ вӑрҫине хутшӑннӑ.
Челленджа Аслӑ Ҫӗнтерӳ ҫулӗнче ҫуралнӑ кирек кам та хутшӑнайӗ. Вӗсен хӑйсемпе тата Тӑван ҫӗршывӑн аслӑ вӑрҫипе ҫыхӑннӑ аса илӳсене ҫырса илсе тӗнче тетелне #ровесникиПобеды хештегпа вырнаҫтармалла.
Елчӗк районӗнчи арҫын ача Мускавран чемпион пулса таврӑннӑ.
Миша Миллин вырӑнти «Улӑп» спорт шкулӗнчи ирӗклӗ мелпе кӗрешекенсен секкцине ҫӳрет. Ачана ӑсталӑха Сергей Александров тренер хӑнӑхтарать. Ҫамрӑк спортсмена вӑл Спорт (ирӗклӗ) кӗрешӳ енӗпе иртекен регионсем хушшинчи турнира кайма сӗннӗ.
2013–2015 ҫулсенче ҫуралнӑ, 25 килограмран ҫӑмӑлтарах таякан арҫын ачасемпе кӗрешсе Елчӗк арҫын ача ыттисене ҫӗнтерме пултарнӑ.
Чӑваш хӗрарӑмӗ Пӗтӗм Раҫҫейри конкурса хутшӑнса иккӗмӗш вырӑна тухнӑ.
Сӑвӑ илемлӗ вулакансен тата патриотла юрӑсен конкурсне Совет Союзӗн халӑх артистне, Раҫҫей Федерацийӗн Ӗҫ геройне Василий Лановоя асра тытнине палӑртса йӗркеленӗ.
Пултарулӑх ӑмӑртӑвне ҫӗршывӑн кашни регионӗнчен тенӗ пек хутшӑннӑ. Пурӗ 200 ҫын ӑмӑртнӑ.
Чӑваш Енрен унта эстрада юрӑҫи тата сӑвӑҫи Валентина Семёнова хӑй ҫырнӑ «Своих не бросаем» сӑвӑпа тата «Десятый наш десантный батальон» юрӑпа хутшӑннӑ. Сумлӑ жюри ентешӗмӗр пултарулӑхне иккӗмӗш вырӑнпа хакланӑ.
Шупашкар районӗнчи Чӑрӑшкассинчи вӑтам шкул Ҫӗнӗ ҫула черетлӗ ҫитӗнӳпе кӗтсе илет. Унти чӑваш чӗлхипе литературине вӗрентекен Алина Николаева «Контактра» ушкӑнри шкул пабликӗнче пӗлтернӗ тӑрӑх, «чӑваш чӗлхипе литература вӗрентекенӗсем ҫулсеренех район шайӗнчи уроксен фестивальне хутшӑнаса пӗр-пӗрин опычӗпе паллашаҫҫӗ. Кӑҫал ӑна Сӑрпа Хусан чиккисен хӳтӗлевҫисене халалласа ирттернӗ».
Л.В. Пучков ячӗллӗ Чӑрӑшкасси шкулӗнчи 5 класс ачисем ҫав урокра поэзин тӗнчин асамлӑхӗпе, сӑвӑ ҫырас вӑрттӑнлӑхсемпе паллашнӑ. Урока хаваслӑрах, тухӑҫлӑрах тума инҫет мелпе ҫитнӗ Юрпике (Шупашкарти пукане театрӗн артистки Оля Тарасова) пулӑшнӑ.
Фестиваль валли ирттернӗ 25 минутлӑх видеоурока район шайӗнчи жюри ҫӗнтерӳҫӗсен йышне кӗртнӗ.
+4.3 °C
