Ака уйӑхӗн 13-шӗнче Ленинград облаҫӗн Пушкин хулинче вырнаҫнӑ Питӗр патшалӑх ял хуҫалӑх университетӗнче II-ш Чӗлхе фестивалӗ иртет. Фестивалти хӑнасене чӑваш чӗлхипе Питӗрти Чӑваш ҫамрӑкӗсен инициативлӑ ушканӗ паллаштарать.
Пуш уйӑхӗн 28-мӗшӗнче Красноармейскинче черетлӗ 11-мӗш «Шетмӗпе Ҫавал кӗввисем» фестиваль иртрӗ.
Фестивале Красноармейски районӗн администраци пуҫлӑхӗн ҫумӗ Н.И. Антонов уҫрӗ. Тивӗҫлӗ ҫынсене тӗрлӗ хутсемпе парнесем парса тухнӑ хыҫҫӑн концерт пуҫланчӗ. Конкурса хутшӑнакансем 4 сехет хушшинче 40 юрӑ патнелле юрласа пачӗҫ — пурин те тенӗ пекех пӗрремӗш вырӑна йышӑнас кӑмӑл пысӑк пулчӗ.
Те вӗсен районӗнчи ушкӑнсемпе юрӑҫсем пӗрремӗш вырӑна йышӑнманнине пула, те урӑх сӑлтава пула ҫӗнтерӳҫӗсен ячӗсене вӗсен сайтӗнче тупма йывӑр. Мӗнех, шыраса пӑхар.
* Чи чаплӑ хор произведенийӗ: ку номинацире кам мала тухни паллӑ мар;
* Вокал ушкӑлӗ валли ҫырнӑ чи чаплӑ произведени — маларах асӑнтӑмӑр ӗнтӗ, ку номинацире Шупашкар районӗнчи Анатолий Печников ҫӗнтернине;
* Пӗччен юрлакан валли ҫырнӑ чи чаплӑ произведени: кунта кам мала тухни паллӑ мар;
* Ача-пӑча валли ҫырнӑ чи чаплӑ произведени: кунта тахӑшӗ малал тухнӑ ӗнтӗ, паллӑ мар;
* Халӑх юррине чи лайӑх илемлетни: ку номинацире те кам мала тухни паллӑ мар;
* Чи лайӑх юрлакан хор: тахӑш хорӗ лайӑхрах юрланӑ ӗнтӗ.
Иртнӗ эрнере Муркаш районӗнче вӗренекенсем хушшинче чӑваш халӑх юррисене юрлакансен «Саркайӑк» ятлӑ II-мӗш фестивалӗ иртрӗ. Фестивале Муркаш районӗнчи Республика Кунне халалласа чӑваш халӑх пултарулӑхне упраса хӑварма ирттереҫҫӗ. Конкурса 7-18 ҫулхи ачасем хутшӑнма пултараҫҫӗ, ҫавӑн пекех ушкӑнпа юрлама юрамасть.
Ку хутӗнче фестивале пурӗ 34 ача хутшӑнчӗ — вӗсем пурте икшер юрӑ юрласа пачӗҫ. Конкурса хаклакансем 5 лауриатпа 5 дипломанта суйласа илчӗҫ. Кубока Шомик шкулӗнче вӗренекен Поляков Алексей ҫӗнсе илчӗ. Ҫавӑн пекех вӑл Муркаш район администрацийӗн вӗрентӳ, ҫамрӑксен политики, физкультурӑпа спорт уйрӑмӗн ертӳҫи ячӗпе Республика конкурсне каймалли хут илчӗ. Алексей Поляков Республика шайӗнче иртекен конкурсра ҫӗнтерессе пӗтӗм Муркаш районӗ шанать пулӗ. Эпир те ӑна ҫав конкурса ӑнӑҫу сунатпӑр.
Ҫӗртме уйӑхӗн 30-мӗшӗнче Тутарстанӑн Элмет районӗнчи Патраклӑ ял тӑрӑхӗнче Тутарстанӑн Чулман Атӑлӑн леш енче пурӑнакан чӑвашсен «Учук» пӗрремӗш уҫӑ фестивалӗ иртрӗ. Фестиваль 8 сехетре пуҫланчӗ. Икӗ вӑкӑра пусса Турра кӗл туса чӳклерӗҫ. 10 сехетре вара фестиваль уҫӑлчӗ — фестивале курма килнӗ хӑнасем умӗнче юрӑ-ташӑ ушкӑнӗсем хӑйсен пултарулӑхне кӑтартрӗҫ.
Фестиваль вӗҫӗнче вара Шупашкартан килнӗ артистсем (К. Голубева, А. Шадриков, А. Васильев, В. Кузнецова, П. Ермолаев) юрӑсемпе савӑнтарчӗҫ.
Фестивале лайӑх хатӗрленӗшӗн Chuvash.Org пӗрлӗх Альмукова Инна Ивановнӑна, Тутарстан чӑвашӗсен диапорин ертӳҫине Яковлев Константин Геннадьевича, вӑхӑтлӑ информаципе тиӗҫтернишӗн "Сувар" хаҫат редакцине тата ытти пулӑшакансене пысӑк тав сӑмахӗ каласшӑн.
Шӑматкун Шупашкарта Республика Кунӗн уявӗ шутне кӗрекен «Раҫҫей ҫӑлкуҫӗсем» фестиваль уҫӑлчӗ. Фестивале уҫас умӗн фестивалье хутшӑнакан ушкӑнсем театрализацилесе утса тухрӗҫ. Наци вулавӑшӗнчен пуҫласа Хӗрлӗ лапам таринех юрласа та ташласа утрӗҫ. Фестивале Германири, Словакинчи, Белоруссинчи ушкӑнсем хутшӑнчӗҫ. Вӗсем Раҫҫейри тӗрлӗ регионсенчен килнӗ ушкӑнсемпе перле утрӗҫ. Утакан колоннӑн вӗҫӗнче вара Республикӑри пултарулӑх ушкӑнесем утрӗҫ.
Ламапа утса ҫитнӗ хыҫҫӑн фестиваль уҫӑлчӗ. Малтан фестивале Олег Овельев радиоведущийпе Чӑваш халӑх артистки Светлана Бубнова ертсе пычӗҫ. Каярахпа вӗсене паллӑ юрӑҫ Августа Уляндинӑпа Алексей Болдырев телеведущий улӑштарчӗҫ. Фестивале уҫнӑ хыҫҫӑн хӑнасем хӑйсемпе пӗрле илсе килнӗ ҫалкуҫ шывӗсене пӗрле пуҫтарчӗҫ, салам сӑмахӗсене каларӗҫ. Н.В. Фёдоров тухса сӑмах каларӗ, фестивале хутшӑнакан ушкӑнсене саламларӗ.
Вырсарникун, ҫӗртме уйӑхӗн 24-мӗшӗнче фестиваль малалла тӑсӑлчӗ. Фестивале хутшӑнакан ушкӑнсем Шупашкар 500 ҫул тултарнӑ ятпа хисепленекен культурӑпа кану паркӗнче, Суту-илӳ ҫурчӗ умӗнче, «Мега Молл» суту-илӳ комплексӗ умӗнче, Чӑваш Республикин Наци вулавӑшӗ умӗнче хӑйсем пултарулахӗпе савӑнтарчӗҫ.
Ҫу уйӑхӗн 25-мӗшӗнче Элӗк салинче «Виръял шевлисем» ятлӑ XII-мӗш регионсем хушшинчи чӑваш эстрада юррисен фестивалӗ иртрӗ. Фестивале 70 ытла юрӑҫ хутшӑнчӗҫ. Вӗсен Чӑваш Енӗн 11 районӗсенчен, тата ҫавӑн пекех Тутарстанпа Чӗмпӗр облеҫӗсенчен ҫитрӗҫ.
Комсомольски районӗнчи Алина Просвирнова фестивальте «Тупатӑпах» юрра юрласа кӑтартрӗ, уншӑн вара вӑл чи пысӑк оценкӑсене тивӗҫрӗ. «Гран-при» номиницишӗн 46 хутшӑнакан кӗрӗшрӗҫ пулин те ӑна Алина Просвирнова ҫӗнсе илчӗ.
Чӗмпӗр чӑвашӗсем пӗлтереҫҫӗ:
Область филармонийӗнче юрӑҫӑсен “Чӑваш шӑпчӑкӗ” фестивалӗ иртрӗ. Унта районсенче ҫӗнтернӗ 18 ҫын хутшӑнчӗ.
Наци культурисен центрӗпе чӑваш культура пайӗ “Чӑваш шӑпчӑкӗ” фестивале саккӑрмӗш хут ирттерчӗҫ. Кӑҫалхи уява И.Я.Яковлев ҫуралнӑ куна халалланӑ. Ытти ҫулсенчи фестивальсемпе танлаштарсан саккӑрмӗшӗ ҫамрӑкланнипе уйрӑлса тӑрать. Ҫамрӑк ӑру чӑваш кӗвви-cӗмми патне туртӑнни чӑваш этеплӗхӗ малашне те аталаннине ҫирӗплетет.
Юрӑҫсене саламласа, ырӑ сунса наци культурисен центрӗн директорӗ С.А.Орлова сӑмах каларӗ, УОЧНКА ячӗпе – В.И.Сваев.
А.Н.Чурбанов (жюри председателӗ), УОЧНКА председателӗ В.И.Сваев, О.Н.Мустаев тележурналист, Раҫҫейри Писательсен тата Журналистсен пӗрлӗхӗн членӗ, “Канаш” хаҫатӑн ҫырусен пайӗн пуҫлӑхӗ А.Г.Дмитриев, пӗрремӗш “Чӑваш шӑпчӑкӗн” лауреачӗ, “Эревет” ушкӑн юрӑҫи В.П.Сорокин, УОЧНКА ӗҫтӑвкомӗн культура енӗпе ӗҫлекенӗ Г.М.Никитина тyрӗсене, паллах, чи пултаруллӑ юрӑҫӑсене тупса палӑртма йывӑр пулчӗ. Ҫапах та вӗсем хaйсен тивӗҫне лайӑх пурнӑҫларӗҫ.
Чӑваш халӑх культурине аталантарассишӗн ырми-канми тӑрӑшнӑшӑн, “Чӑваш шӑпчӑкӗ” фестивале хутшӑннӑшӑн ятарлӑ дипломсене Николай Убамзаров (Ульяновск районӗ, Унтaр), Марина Петрова (Чaнлӑ районӗ, Аслӑ Нагаткин), Марина Карамзина (Ульяновск хули, Засвияжски районӗ), Варвара Ерофеева (Вешкайма районӗ, Каркиел), Екатерина Угасина (Кивӗ Майна районӗ, Дмитриево-Помряскино), Раиса Никонорова (Ульяновск районӗ, Шумовка), Дмитрий Ахмеров (Чaнлӑ районӗ, Пухтел), Лена Стефейкинӑпа Надя Воробьева (Ульяновск районӗ, Унтaр), Александр Варзаровпа Кристина Хубахова (Ульяновск районӗ, Аслӑ Ключище), Надежда Спиридонова, Елена Демидова, Надежда Ильмукова (Чартаклӑ районӗ, Уcaркка), Ирина Пузырникова (Cинкeл районӗ, Уличе) тивӗҫрӗҫ.
| ПУШ | 22 |
Чӑваш наци конгресӗ, Чӑваш Республикин культура, национальноҫсен ӗҫӗсен, информаци политикин тата архив ӗҫӗсен министерстви 2007 ҫулхи пуш уйӑхӗн 23-24-мӗшӗнсенче «Кӗмел сасӑ» ятлӑ тӗнчери чӑваш эстрада юррисен VIII фестивалне ирттерет!
Тутар, Пушкӑрт, Чӑваш республикисенчи, Чӗмпӗр, Саратов, Самар, Тюмень облаҫӗсенчи тата ытти регионсенчи чӑвашсен чи пултаруллӑ эстрада юрӑҫисем хутшӑнаҫҫӗ.
Хӑнасем - иртнӗ фестиваль ҫӗнтерӳҫисем: Вячеслав Христофоров, Лариса Васильева, Михаил Федоров, Ирина Сафандеева, Полина Борисова, Алена Акӑшпи тата чӑвашсен ытти паллӑ эстрада ҫӑлтӑрӗсем.
Фестиваль концерчӗсем Чӑваш Республикин культура училищин вӗрентӳ театрӗнче (Шупашкар хули, Энтузиастсен урамӗ, 26-мӗш ҫурт) иртеҫҫӗ. 18 сехетре пуҫланать. Билет хакӗ 80 тенкӗ.
Пурне те пырса курма чӗнетпӗр!!!
Ҫакӑн пек фестиваль Ульяновскра улттӑмӗш хут иртрӗ. Унта 15 районтан 146 ача хутшӑнчӗ. Ҫамрӑк артистсене кӗпeрнаттӑр пулӑшаканӗ Т. Сергеева, УОЧНКА ертӳҫи В. Сваев, тӗп вӗрентӳ департамӗнчӗн тӗп специалисчӗ Ф. Улендеева саламланӑ.
Жюри ачасен пултарулӑхне тӑватӑ номинаципе хакланӑ: юрӑ, ташӑ, сӑвӑ вуласси, музыка инструменчӗпе каласси. Ҫӗнтерӳҫӗсене Хисеп хучӗсем, парнесем парса чысланӑ.
Чӑваш Енре Ҫеҫпӗл Мишши ҫуралнӑранпа 107 ҫул ҫитнине паллӑртаҫҫӗ.
Чӳк уйӑхӗн 17-мӗшӗнче Канаш районӗнчи Ҫеҫпӗл ялӗнче «Ҫеҫпӗл сасси» ятлӑ регионсем хушшинчи фестиваль иртрӗ. Йӑлана кӗнӗ тӑрӑх уяв 1999 ҫулхи чӳк уйӑхӗнче уҫӑлнӑ «Ҫеҫпӗл Мишшин тӑван ҫӗрӗ» мемориаллӑ комплексра иртнӗ. Комплексра кашни ҫул регионсем хушшинчи фестиваль, тата «Ҫеҫпӗл кӑвайчӗ» ятлӑ ҫамрӑк сӑвӑҫсен конкурсӗ иртет. Ку ҫулта фестивале Патӑрьел, Вӑрнар, Комсомольски, Красноармейски, Шупашкар, Ҫӗрпӳ, Шӑмӑршӑ, Елчӗк тата Тӑвай районӗсенчи ушкӑнсем хутшӑннӑ. Уява ҫавӑн пекех Тутарстан Республикӑри Теччӗ хулинчи хӑнасем те ҫитнӗ.
-0.7 °C