Хисеплӗ пенсионерсем, вӑрҫӑ тата ӗҫ ветеранӗсем!
Пӗтӗм тӗнчери ватӑ ҫынсен кунӗ ячӗпе чи ӑшӑ кӑмӑлтан саламланине йышӑнсамӑр!
Халӑхӑн йӑли-йӗркин шанчӑклӑ управҫисем, пурнӑҫри паха опытпа ӑс-хакӑл ҫӑл куҫӗ пулнӑ май, эсир республикӑн ылтӑн фончӗ шутланатӑр. Истори тапхӑрӗсене вӗҫе-вӗҫӗн татӑлми ҫыхӑнтарса хӑвӑрӑн аслӑ та тарӑн пӗлӗвӗре ҫамрӑк ӑрӑва паратӑр, суйласа илнӗ ӗҫе чунтан юратма тата чи пӗлтерӗшли — ҫамрӑксене ӗненме вӗрентетӗр, ӑна ҫемьере сыхласа упратӑр, ҫирӗп ӗненӳ вара ҫынна мӗн пур йывӑрлӑха ҫӗнме тата тулли те телейлӗ пурнӑҫпа пурӑнма пулӑшать.
Паянхи Чӑваш Ен тивӗҫлипе мухтанакан чылай япалана эсир тунӑ тата килес ӑрусемшӗн шанчӑклӑн сыхласа хӑварнӑ. Вӗсен шутӗнче: промышленноҫӑн пысӑк предприятийӗсемпе архитектура палӑкӗсем, автомобиль тата чукун ҫулсем, пурӑнмалли микрорайонсем. Эсир ырми-канми тӑрӑшнине пула вӑрҫӑ хыҫҫӑнхи ҫулсенче ял хуҫалӑхӗ вӑй илсе тӗрекленнӗ, республикӑра пӗрремӗш трактор туса кӑларнӑ, йӗркеллӗ пурӑнма лайӑх майсем туса хунӑ.
Эпир сирӗн ҫитӗнӗвӗрсемпе чун-чӗререн хавхаланатпӑр, сиртен тӗслӗх илетпӗр, пурнӑҫри хастарлӑхӑршӑн савӑнатпӑр.
Вӑрман отраслӗн хисеплӗ ӗҫченӗсем тата ветеранӗсем!
Сире професси уявӗ ячӗпе саламлатӑп!
Вӑрман — пирӗн ҫӗршывӑн тӗп пуянлӑхӗсенчен пӗри. Ӑна пулас ӑрусем валли упраса хӑварас тӗллев ӑсчахсене, экологсене, историксене, хамӑрӑн ҫутҫанталӑка, унӑн илемне тивӗҫлипе хаклакан мӗн пур ҫынна пӗрлештерет. Вӑрман пурлӑхӗпе тирпейлӗ усӑ курасси, ӑна пуянлатасси — профессионалсен кӑна мар, Чӑваш Республикинче пурӑнакан кашни ҫын тивӗҫӗ.
Хальхи вӑхӑтра Чӑваш Ен вӑрманҫисем пушарсене, типӗ ҫанталӑка пула сиенленнӗ вӑрмансене чӗртессипе вӑй хураҫҫӗ, ҫак ӗҫе 685 гектар ҫинче пурнӑҫланӑ та ӗнтӗ. Мӗн пур шайри бюджетсенчен вӑрман хуҫалӑхне тӗревлеме сахал мар укҫа уйӑраҫҫӗ. Кӑҫал кӑна ҫак сферӑна аталантармашкӑн 256 млн тенкӗ ытла уйӑрма палӑртнӑ, ҫакӑ 2010 ҫулхинчен икӗ хут пысӑкрах. Вӑрман пушар службине йӗркеленӗ. Паян ӑна пушарсемпе кӗрешмелли ятарлӑ ҫӗнӗ техникӑпа, оборудованипе тивӗҫтернӗ, ун ҫумӗнче талӑкӗпех диспетчер пункчӗ ӗҫлет, вӑрмансене авиаци пулӑшнипе тата ҫӗр ҫинчи патруль сӑнаса тӑраҫҫӗ.
Умра татса паман ыйту нумай-ха.
Хаклӑ ентешӗмӗрсем!
Ульяновск облаҫӗнче иртекен Чӑваш Республикин
Культура кунӗсене хутшӑнакансем тата Пӗтӗм Раҫҫейри «Акатуй» чӑваш наци уявӗн хӑнисем!
Раҫҫейри чӑвашсем йышлӑн пурӑнакан регионсем хушшинчи культура ҫыхӑнӑвӗсем ҫултан-ҫул ҫирӗпленсе, вӑйланса пыраҫҫӗ. Ульяновск облаҫӗнче иртекен Чӑваш Республикин Культура кунӗсем тата Пӗтӗм Раҫҫейри «Акатуй» чӑваш наци уявӗ — пӗр-пӗринпе килӗшӳллӗн, туслӑн хутшӑнса ӗҫленине ҫирӗплетекен ырӑ тӗслӗх.
Чӗмпӗр ҫӗрӗ чӑваш культурипе искусствин тата ҫут ӗҫӗн вун-вун паллӑ ӗҫченне ҫуратса ӳстернӗ. Ҫак пархатарлӑ вырӑнтах Уралпа Атӑл тӑрӑхӗнчи вак халӑхсене ҫутта кӑларас енӗпе ырми-канми тӑрӑшнӑ, тӑван халӑхне ҫырулӑх тата Ҫӗнӗ Халалӑн Турӑ Ҫырӑвӗсене парнеленӗ Иван Яковлевич Яковлев паллӑ ҫутта кӑларакан ҫуралса пурнӑҫ ҫулӗ ҫине тӑнӑ.
Ҫак тӑватӑ кун илемлӗхе юратакан ҫынсен чӗринче чи ҫутӑ туйӑмсемпе палӑрса юласса, вӗсене чӑваш наци культурипе историйӗн калама ҫук пуян еткерӗпе туллин паллашма, Ульяновск облаҫӗпе Чӑваш Республики хушшинчи культура ылмашӑвӗсене кӑна мар, чӑваш ҫыннисем пурӑнакан Раҫҫейри пӗтӗм регион, ҫавӑн пекех ун тулашӗнчи мӗнпур вырӑн хушшинчи культура ылмашӑвӗсене те анлӑрах тума пулӑшасса шанса тӑратӑп.
Хӗрачасем, хӗрсем, хӗрарӑмсем! Асаннесем, кукамайсем! Чӑваш халӑх сайчӗ сире пурне те ҫуркуннехи пӗрремӗш уяв ячӗпе, Хӗрерӑмсен кунӗ ячӗпе саламлать!
Ҫуркуннехи тавралӑх епле капӑр, эсир те ҫавӑн пекех илемлӗ пулӑр, ҫуркуннехи ҫил епле ӑшӑ эсир те ҫӑвӑн пекех ӑшӑ кӑмӑллӑ пулӑр.
Телей, юрату ан иксӗлтӗр сирӗн пурнӑҫра!
Хаклӑ хӑнасем, сайтҫӑсем, чӑвашлӑхшӑн ырми-канми ӗҫлекенсем!
Сире пурне те ҫитсе пыракан 2011 ҫул ячӗпе саламлатпӑр! 2011 ҫул хӗвелтухӑҫ гороскопӗпе кушак/кролик ҫулӗ пулать.
Ҫӗнӗ ҫул сире ыррине ҫеҫ кӑтарттӑрччӗ, ывӑррине чӑтса ирттерме вӑй патӑрччӗ. Кӳрӗнтернине каҫарӑр, ырӑ тӑвакана — вӑй ырӑ самах каласа хӑват парӑр. Ҫӗнӗ ҫула ҫутӑ ӗмӗтсемпе кӗтсе илмелле пултӑр, начарри кивӗ ҫулта юлтӑр. Пурнӑҫра телей, ӗҫре ӑнӑҫу, пӗр-пӗрин хушшинче килӗшӳ сунатпӑр!
Хисеплӗ хӑнасем, чӑваш тетелӗн хастар ӗҫтешӗсем!
Chuvash.Org пӗрлӗх сире пурне те Ҫӗнӗ Ҫул ячӗпе сире пӗтӗм чунтан саламлать!
2009 ҫулта япӑх пулӑмсем кив ҫулта юлчӑр, лайӑххи — ҫӗн ҫулта пулӑшса пытӑр! Кӳрӗнтернине каҫарар, усал сунар мар, ырӑ тӑвакана — мухтар! Япӑххине асӑнмалла ан пултӑр, ырри тупӑнсах тӑтӑр!
Ҫапла пултӑр!
Хаклӑ хӑнасем, юлташсем, туссем, чӑвашлӑхшӑн ырми-канми ӗҫлекенсем! Chuvash.Org пӗрлӗх сире пурне те ҫитсе пыракан Ҫӗнӗ Ҫул ячӗпе саламлать! Ҫитсе пыракан ҫӗнӗ ҫул сире пурне те ырлӑх-сывлӑх, иксӗлми телей парнелетӗр!
Начарри киввинче юлтӑр, ҫӗннинче лайӑххи ҫеҫ сире кӗттӗр!
| ЮПА | 23 |
2008 ҫулхи юпан 27-мӗшӗнче чӑваш тата танлаштаруллӑ литература пӗлӗвӗн кафедрин доценчӗ Валентина Георгиевна Николаева черетлӗ ҫуралнӑ кунне паллӑ тӑвать. Чун-чӗре тасалӑхӗпе, кӑмӑл-туйӑмсен ҫепӗҫлӗхӗпе сире ҫуралнӑ кун ячӗпе ӑшшӑн саламлатпӑр, ҫутӑ телейпе мал ӗмӗтлӗ ӑраскал сунатпӑр. Сывлӑхӑр ҫирӗп пултӑр, вӑрӑм ӗмӗр сукмакӗпе йывӑрлӑха туймасӑр, вӗсене ҫӗнтерсе малалла та ҫирӗппӗн утӑмлама, ҫемье ӑшшипе килӗшӗве упрама нихҫан сӳнми ӑшпиллӗхпе пархатарлӑх сунатпӑр.
Ялан Эсир хевтеллӗ пулӑр,
Телей ҫеҫ кӳтӗрччӗ кун-ҫулӑр.
Пучахлӑ тырӑ пуссипе
Тулли Алтӑр курки – Сире!
Саламласа факультет ӗҫченӗсем.
Интертетелти Чӑваш.орг кил йышӗн («чӑваш кил йышӗ») хисеплӗ членӗсем!
Тухӑҫ календарьӗпе Йӗкехӳре ҫулӗ ҫывхарса килет. Эсир хатӗрленӗ проекта пуҫарса янӑранпа икӗ ҫул анчах иртсе кайрӗ. Ҫак кӗске вӑхӑтра «чӑваш кил йышӗ» шухӑшланине пурнӑҫлама ӗлкӗртӗр, Интертетел историйӗнче чӑваш чӗлхи, культури, историне тӗпчесе вӗренмешкӗн виртуаллӑ уҫлӑхри пӗрремӗш центр уҫса ӗҫлеттерсе ятӑр. Кил ҫуртӑн пӗтӗм кӗтесӗсене кӑшлакан йӗкехӳресем ҫынсене чылай сиен кӳреҫҫӗ. Анчах Тухӑҫри Йӗкехӳре сиенрен ытларах пултарулӑхра ӑнӑҫу тата ӗҫре пӗрлӗх илсе килӗ. Пӗрлешӗнсе ӗҫлесен «чӑваш кил йышӗ» нумай ҫитӗнӳ тӑвӗ, хӑйсене тӗнчене пӗлтерме май тупӗ.
Сире ҫывхарса килекен Ҫӗнӗ ҫул ячӗпе саламлатпӑр! Сывлӑх, телей, пӗрлӗх тата ӗҫченлӗх сунатпӑр!
Питӗр хули тата Ленинград облаҫӗнчи Инициативлӑ чӑваш ҫамрӑкӗсен ушкӑнӗ.
Хаклӑ хӑнасем, юлташсем, туссем! Chuvash.Org пӗрлӗх сире пурне те ҫитсе пыракан Ҫӗнӗ Ҫул ячӗпе саламлать! 2008-мӗш ҫул Китай гороскопӗ йӗкехӳре ҫулӗ пулӗ. Ҫак ҫул сире пурне те ырлӑх-сывлӑх, иксӗлми телей, вӑрӑм кунҫул сунасшӑн!
Начарри кивӗ ҫулта юлтӑр, ҫӗнӗ ҫулта сире лайӑххи, телейлипе ырри кӑна лектӗр!
+3.3 °C