Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Пӑсма пӗр кун, тума виҫ кун.
[ваттисен сӑмахӗ]
 

Хыпарсем: пӑтӑрмахсем

Пӑтӑрмахсем
Прокуратура тунӑ сӑн
Прокуратура тунӑ сӑн

Паян ирхи 3 сехет те 44 минутра Атӑл леш енчи «Водник» кооперативра пушар тухни пирки пӗлтернӗ. Вӑл – Ҫӗнӗ Шупашкара хирӗҫ.

Пушара Чӑваш Енри тата Мари Элти ҫӑлавҫӑсем сӳнтернӗ. Ҫулӑм кирпӗч ҫурта тӗп тунӑ, кӳршӗсен пӳрчӗн фронтонӗ сиенленнӗ.

Пушара сӳнтерсен икӗ виле тупнӑ. Вӗсем – упӑшкипе арӑмӗ. Малтанлӑха пӗлтернӗ тӑрӑх, пушар юсавсӑр электропралука пула тухнӑ. Халӗ терӗслев пырать.

Хыпар ҫӑлкуҫӗ: https://pg21.ru/news/86778
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ака уйӑхӗн 29-мӗшӗнче Ҫӗнӗ Шупашкарти Химиксен тӑкӑрлӑкӗнчи 4-мӗш ҫуртра 4-мӗш хутри хваттер ҫуннӑ. Ӑна такам ятарласа чӗртсе янине палӑртнӑ.

Ҫав хваттере пула кӳршӗри тепӗр икӗ пӳлӗм шар курнӑ. Ҫӑлавҫӑсем ҫуртран 10 ҫынна урама кӑларнӑ. Пушара сӳнтернӗ ҫӗрӗ икӗ автоцистерна тата подъемник хутшӑннӑ.

Палӑртмалла: ҫулталӑк пуҫланнӑранпа республикӑра 523 пушар пулнӑ. Вӗсенче 26 ҫын вилнӗ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян 15 сехет те 25 минутра Шупашкарта Кадыков тата Бауман урамӗсем хӗресленнӗ вырӑнта машина электросамокатпа пынӑ 14 ҫулти арҫын ачана ҫапса кайнӑ.

Суранланнӑ ҫамрӑка пульницӑна илсе ҫитернӗ. Ӑна медпулӑшу параҫҫӗ.

Машина рулӗ умӗнче 22 ҫулти арҫын пулнӑ.

 

Пӑтӑрмахсем
"Про Город" сайтӗнчи сӑн
"Про Город" сайтӗнчи сӑн

Паян 19 сехет те 14 минутра Шупашкарти Патрис Лумумба урамӗнче 10-мӗш ҫурт ҫывӑхӗнче хӗр виллине тупнӑ. Малтанлӑха пӗлтернӗ тӑрӑх, 15 ҫулти хӗр 13-мӗш хутран ӳкнӗ.

Вырӑна оперативлӑ службӑсем ҫитнӗ. Следстви комитечӗн Чӑваш Енри следстви органӗсем ӗҫ-пуҫа тишкернине пӗлтернӗ.

Хыпар ҫӑлкуҫӗ: https://pg21.ru/news/86673
 

Пӑтӑрмахсем
"Про Город" сайтри сӑн
"Про Город" сайтри сӑн

Паян, ака уйӑхӗн 26-мӗшӗнче, Чулхула облаҫӗнчи Лысково районӗнче пулнӑ аварире 7 ҫын шар курнӑ. Шел те, вӗсенчен виҫҫӗшӗ вилнӗ. Иккӗшӗ – Чӑваш Енри хӗрарӑмпа ача.

«Лада» водителӗ тата «Киа» пассажирӗ авари вырӑнӗнчех сывлама пӑрахнӑ. 7 ҫулти арҫын ача вара пульницӑра вилнӗ. Ҫавӑн пекех Чӑваш Енри тепӗр ача тата икӗ арҫын аманнӑ. Вӗсем Чулхулари клиникӑра сипленӗҫ.

Хыпар ҫӑлкуҫӗ: https://pg21.ru/news/86624
 

Пӑтӑрмахсем
"Про Город" сайтӗнчи сӑн
"Про Город" сайтӗнчи сӑн

Ӗнер Шупашкар районӗнчи Самуккасси ялӗнче пурӑнакансем анкартинчи типӗ курӑка ҫунтарнӑ. Анчах ку пысӑк инкекпе вӗҫленнӗ. Ялта тӳрех виҫӗ пӳрт ҫунса кайнӑ.

Ку 14 сехетре пулнӑ. Ҫулӑм типӗ курӑк ҫинчен хуралтӑ таврашӗсем ҫине куҫнӑ. Ҫапла виҫӗ хуҫалӑх пӳрчӗ-качки шар курнӑ. Виҫӗ ҫуртӗнче те ҫынсем пурӑннӑ. Юрать-ха, хуҫисем чӗрӗ-сывах.

Хыпар ҫӑлкуҫӗ: https://pg21.ru/news/86514#bounce#bounce
 

Пӑтӑрмахсем
Следстви комитечӗ тунӑ сӑн
Следстви комитечӗ тунӑ сӑн

Ака уйӑхӗн 17-мӗшӗнче Куславкка районӗнчи Тӗрлемес ялӗнче 49 ҫулти хӗрарӑмӑн виллине тупнӑ. Следстви комитечӗ кун тӗлӗшпе пуҫиле ӗҫ пуҫарнӑ.

Ҫак тискер ӗҫе хӗрарӑмпа пӗрле пурӑннӑ 46 ҫулти арҫын тунӑ тесе шутлаҫҫӗ. Ӑна тытса чарнӑ.

Следстви палӑртнӑ тӑрӑх, ҫав кун каҫхине арҫын ӳсӗр пулнӑ. Вӑл хӗрарӑмпа хирӗҫсе кайнӑ та ӑна кӗлеткинчен тапса-ҫапса пӗтернӗ. Лешӗ кӑштахран сывлама пӑрахнӑ.

 

Пӑтӑрмахсем

Паян 10 сехет те 20 минутра Лапсар тӑкӑрлӑкӗнчи промзонӑра цистерна ҫуннӑ. Ҫӑра тӗтӗм ҫӳлелле мӑкӑрланса хӑпарнине ҫынсем те курнӑ.

Унта мазут цистернине демонтаж тунӑ. Сварка аппаратӗнчен тухнӑ ҫулӑм пайӑркине пула шаплатнӑ сасӑ пулнӑ.

Пушара 11 сехет те 45 минутра сӳнтернӗ. Ку пӑтӑрмах промзонӑри ытти предприяти умне хӑрушлӑх кӑларса тӑратман.

 

Пӑтӑрмахсем
"На связи" форумри сӑн
"На связи" форумри сӑн

Ҫӗнӗ Шупашкарти Тӗкӗрҫ тӑкӑрлӑкӗнчи 4-мӗш ҫурт, общежити,иккӗмӗш хут ҫуннӑ. Унта 2017 ҫулта пушар тухнӑ. Нумаях пулмасть каллех пушарнӑйсем ҫак адреспа ҫитнӗ. Хальхинче хваттер балконӗ ҫунма пуҫланӑ. Юрать-ха, никам та шар курман.

2017 ҫулта та пушарта аманакансем пулман. Ун чухне 8 ҫынна эвакуацилеме тивнӗ.

 

Пӑтӑрмахсем
"Про Город" сайтӗнчи сӑн
"Про Город" сайтӗнчи сӑн

Паян Ҫӗнӗ Шупашкарта ҫын чӳречерен ӳкнӗ. Телее, вилмеллех суранланман - васкавлӑ медпулӑшу вырӑна хӑвӑрт ҫитсе арҫынна пульницӑна илсе кайнӑ. Ку хыпара "Про Город" хаҫата халӑх корреспонденчӗ пӗлтернӗ.

Ку инкек 18 сехет те 31 минутра Кӑнтӑр урамӗнчи 12-мӗш ҫуртра пулнӑ. Арҫын 5-мӗш хутри чӳречерен ӳкнӗ. Хӑй 45 ҫулсенчи пек курӑнать.

Хыпар ҫӑлкуҫӗ: https://pg21.ru/news/86429
 

Страницӑсем: 1 ... 78, 79, 80, 81, 82, 83, 84, 85, 86, 87, [88], 89, 90, 91, 92, 93, 94, 95, 96, 97, 98, ... 428
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (12.07.2025 03:00) уяр ҫанталӑк, атмосфера пусӑмӗ 754 - 756 мм, 19 - 21 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 12

1907
118
Ҫулӗҫ Анатолий Степанович, чӑваш сӑвӑҫи ҫуралнӑ.
1918
107
Фролов Андрей Игнатьевич, Вӑтам Азире Совет влаҫӗшӗн кӗрешекен вилнӗ.
1920
105
Чӑваш облаҫӗн РКП(б) комитечӗ ӗҫлеме пуҫланӑ.
1928
97
Кузьмин Афиноген Иванович, литература тӗпчевҫи, ҫыравҫӑ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫа тарҫи
хуть те кам тухсан та
пӗтӗм кил-йышпа тухаҫҫӗ
хуҫа хӑй
кил-йышри арҫын
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫин ҫитӗннӗ ачисем