Кӑрлачӑн 23-24-мӗшӗсенче Шупашкарти 37-мӗш шкулта «Тӑван чӗлхепе литературӑна чи лайӑх вӗрентекен» конкурс иртнӗ. Ӑна хулари шкулсенче ӗҫлекен 14 учитель хутшӑннӑ.
Ҫӗнтерӳҫӗ ятне 60-мӗш шкулта ӗҫлекен Н.В. Александрова ҫӗнсе илнӗ. Иккӗмӗшпе виҫҫӗмӗш вырӑнта — 62-мӗш шкулти Н.И. Егорова тата 56-мӗш шкулти Н.В. Серебрякова.
Паян Шупашкарта «Чӑваш чӗлхине чи лайӑх вӗрентекен — 2025» конкурс пуҫланнӑ. Конкурса хула шайӗнче ирттереҫҫӗ.
Конкурсӑн жюри членӗ Елена Перепелкина «Хыпар» издательство ҫуртне пӗлтерне тӑрӑх, конкурс нумай ҫул хушши иртет.
«Ҫултан ҫул пирӗн питӗ пултаруллӑ учительсем палӑрса пыраҫҫӗ ҫак конкурс хыҫҫӑн. Тӗслӗхрен, Александр Марсович ҫинчен илтнӗ пулӗ. Пӗлтӗр Николаева Людмила ҫӗнтерчӗ. Эпир вӗсемпе савӑнатпӑр. Пирӗн ачасен пуласлӑхӗ чӑваш чӗлхине кам вӗрентнинчен, мӗнле вӗрентнинчен питӗ нумай килет. Ача чӑвашла калаҫса каясси, паллах, вӑл ҫемьерен пуҫланать. Анчах та шкулта мӗнле вӗрентеҫҫӗ ачана, ҫавӑнтан вӑл татах хавхаланать, пурнӑҫ ҫулӗпе малалла утнӑ чухне чӑваш чӗлхипе тата ытларах усӑ курма пуҫлать. Учительтен питӗ нумай килет», — тенӗ вӑл Нина Царыгина журналиста.
Чӑваш кӗнеке издательстви «Чӑваш романӗ» литература конкурсне кӑҫал та ирттерет.
Конкурса тӑратнӑ ӗҫсем чӑвашла пулмалла, урӑх чӗлхерен чӑвашла куҫарнӑ хайлавсене пӑхса тухмӗҫ. Конкурса халиччен пичетленмен хайлавпа хутшӑнмалла.
Конкурса тӑратакан хайлавсен тематики ирӗклӗ, калӑпӑшӗ – А4 форматпа 700 страницӑран ытла мар.
Конкурс ӗҫӗсене кӑҫалхи юпа уйӑхӗн 1-мӗшӗччен (авӑн уйӑхӗн 30-мӗшӗнче юлашки кун йышӑнаҫҫӗ) fed_ol@mail.ru электрон адреспа е почтӑпа ҫак адреспа ярса памалла: 428019, Шупашкар хули, Иван Яковлев проспекчӗ, 13-мӗш ҫурт, Чӑваш кӗнеке издательстви, «Чӑваш романӗ» конкурса».
Елизавета Долгова ҫыравҫӑ тата педагог Пӗтӗм тӗнчери тӗрӗксен патриотизм конкурсне хутшӑннӑ. Уншӑн вӑл Казахстанри «Bilim-Orkenieti» ӑслӑлӑхпа тӗпчев центрне тата «Жаңа Қазақстан» пӗрлешӗве тав туса халӑх тетелӗнчи хӑйӗн страницинче пӗлтернӗ.
Вёл хыпарланӑ тӑрӑх, конкурсра ҫӗнтерни чӑн-чӑн тӗлӗнтермӗш тата пысӑк савӑнӑҫ пулнӑ. Конкурса Казахстанри, Кӑркӑстанри, Узбекистанри, Азербайджанри, Туркменистанри тата Турцири хастарсем хутшӑннӑ.
Асӑннӑ конкурса тӗрӗк халӑхӗсен хушшинчи туслӑха ҫирӗплетес тӗллевпе ирттернӗ.
Пирӗн республикӑра пурӑнакансем Пӗтӗм Раҫҫейри «Моя въездная группа» II конкурса хутшӑнма пултараҫҫӗ. Конкурсӑн куҫӑнсӑр тапхӑрӗ ыран, кӑрлачӑн 10-мӗшӗнче, вӗҫленӗ. Куҫӑн тапхӑр нарӑс уйӑхӗн 12-14-мӗшӗсенче Мускаври «ЭКСПОЦЕНТРта» иртӗ.
Шупашкара кӗнӗ ҫӗре стела вырнаҫтарни тата кӗмелли илемлӗ вырӑн туса хуни ҫул ҫӳрекенсене тата та ытларах илӗртессе шанаҫҫӗ.
Хулана кӗмелли вырӑн епле пулмалли пирки хӑвӑр шухӑшӑра Шупашкар хулин музейпа туризм центрне пӗлтерме пултаратӑр.
Унӑн телефонӗ +7 (8352) 23-20-31 и 23-20-24. Электрон адрес: tic-cheb@mail.ru.
«Хыпар» издательство ҫурчӗн корреспонденчӗ «Мировая модель» (чӑв. Тӗнче моделӗ) конкурса хутшӑнӗ.
Татьяна Устинова издательство ҫурчӗ ирттернӗ «Краса масс-медиа Чувашии» (чӑв. Чӑваш Ен масс-медиавӗн илемӗ) конкурсра ҫӗнтернӗ мпй пӗтӗм тӗнчери «Мировая модель» (чӑв. Тӗнче моделӗ) конкурса тӳлевсӗр хутшӑнма сертификата тивӗҫнӗ. Конкурс ҫитес ҫулхи ҫуркуне Мускавра пулӗ.
Тӗп коронӑсӑр пуҫне Татьяна «Чӑваш Енӗн коммуникаципе масс-медиавӗн илемӗ» ята ҫӗнсе илнӗ.
Мускавра «Раҫҫейри воспитательсем» Пӗтӗм Раҫҫейри конкурс ҫӗнтерӳҫисене чысланӑ. Вӗсен йышне пирӗн ентеш те кӗнӗ.
Конкурса хутшӑнас тесе 4500 ытла ҫын заявка панӑ. Федераци тапхӑрне 500 ытла ҫын лекнӗ. Ҫӗнтерӳҫӗ ятне вара 70 ытла педагог тивӗҫнӗ.
Шупашкарти 201-мӗш ача пахчин логопечӗ Вера Горелова «Инклюзивлӑ вӗренӳ» вӗренӳ организацийӗн чи лай ӑх воспитателӗ» номинацире мала тухнӑ.
Информатика учителӗсем Яндекс пулӑшнипе пӗлӗвне анлӑлатнӑ.
Кӑҫалхи авӑн уйӑхӗнче «Яндекспа» Чӑваш Ен Вӗренӳ министерстви килӗшӳ алӑ пуснӑ.
Чӑваш Енри икӗ вӗрентекен Яндекс Учебникӑн предмет хӑнӑхтарӑвӗсен конкурсӗнче ҫӗнтернӗ. Унта пуре 20 ҫын палӑрнӑ-ха. Вӗсенчен иккӗшӗ — Чӑваш Енрен.
Ҫӗнтерӳҫӗсем компанин Мускаври офисӗнче стажировка тухнӑ. Ҫак чыса Улатӑрти 6-мӗш номерлӗ гимназири информатика учителӗ Денис Купцов тата Ҫӗмӗрлери 8-мӗш гимназири информатика учителӗАлександр Димитриев тивӗҫнӗ.
Ҫӗнӗ Шупашкарти 18-мӗш лицейра вӗренекен Яна Киселева Little Miss World Russia 2024 ята ҫӗнсе илнӗ. Конкурс Мускавра иртнӗ.
10 ҫулти Яна жюрие артистлӑхӗпе, пултарулӑхӗпе тӗлӗнтернӗ. Вӑл спортпа та туслӑ. Яна мӗн пӗчӗкрен илемлӗ гимнастикӑпа кӑсӑкланать. Унӑн аслӑ ӳсӗмри разряд пур ӗнтӗ. Вӑл ӑмӑртусенче 80 ытла награда ҫӗнсе илнӗ.
Республикӑра «Ҫулталӑкри ҫемьене» суйланӑ. Ҫӗнӗ Шупашкарти Александрпа Елена Максимовсем пӗрремӗш вырӑн йышӑннӑ. Вӗсем виҫӗ ачана воспитани параҫҫӗ: Мирослав, Сттепан, Мирослава. Максимовсем пӗрлешнӗренпе 28 ҫул ҫитнӗ.
Республика шайӗнче иртнӗ конкурса паян палӑртнӑ, Раҫҫейри Ҫемье ҫулталӑкне официаллӑ майпа хупнӑ. Максимовсем малтан муниципалитет шайӗнчи конкурсра ҫӗнтернӗ. Республика конкурсӗнче те вӗсем пултарулӑхӗпе палӑрнӑ.____
-25.7 °C