«Чувашский край» Телеграм-каналти видеоран илнӗ скриншот

Шупашкарти Валентина Алексеева «Раҫҫей пики 2024» илем конкурсӗнче ҫӗнтернӗ. Конкурса ӗнер, юпа уйӑхӗн 5-мӗшӗнче, пӗтӗмлетнӗ.

Аса илтерер: пирӗн республикӑран конкурса икӗ пике хутшӑннӑччӗ. Вӗсем — Валентина Алексеева тата Алла Кадеева.

"Чӑваш тӑрӑхӗ" каналтан илнӗ сӑнӳкерчӗк

Патӑрьел тӑрӑхӗнчи Шӑнкӑртам ялӗнче пурӑнакан Марина Умерова патшалӑх пулӑшнипе хӑйӗн ӗҫне йӗркелесе янӑ.

Марина сӑнанӑ тӑрӑх, илем индустрийӗнче аппарат косметологийӗпе усӑ курма ӑнтӑлакансем йышлӑ. Ҫамрӑк хӗрарӑм бизнес-план хатӗрленӗ, ӑна тухӑҫлӑ хӳтӗленӗ.

Патӑрьел хӗрарӑмӗ ятарласа вӗренсе тухнӑ хыҫҫӑн сертификат илнӗ, социаллӑ контрактпа усӑ курса «Эстетика» илем студийӗ уҫнӑ. Халӗ вӑл юратнӑ ӗҫӗпе чунтан аппаланать.

"Чӑваш тӗнчи" страницӑран илнӗ сӑнӳкерчӗк

«Раҫҫей пики» илем конкурсне хутшӑнакансем наци тумне те кӑтартнӑ.

Аса илтерер: унта Чӑваш Енрен Алла Кадеева тата Валентина Алексеева хӑйсен пултарулӑхне кӑтартма тивӗҫлӗ пулнӑ.

Конкурса хутшӑнакан пикесем валли тума чӑваш эрешне тата тӗсне тӗпе хурса хатӗрленине ӗнентереҫҫӗ.

Сӑмах май каласан, илем конкурсне паян, юпа уйӑхӗн 5-мӗшӗнче, пӗтӗмлетмелле.

"Чӑваш тӗнчи" пабликри страницӑран илнӗ сӑнӳкерчӗк

Чӑваш Енри икӗ хӗр илем конкурсне хутшӑннине Чӑваш халӑх сайчӗ пӗлтернӗччӗ-ха. Халӗ «Раҫҫей пики» сайтра онлайн сасӑлав пуҫланнӑ.

Ҫӗнтерӳҫӗ ятне тивӗҫесшӗн ӑмӑртакан 50 пике хушшинче Чӑваш Енри икӗ хӗр – Валентина Алексеева тата Алла Кадеева.

Пикесемшӗн кашни ҫын талӑкра пӗр хутчен сасӑлама пулать.

Нумай сасӑ пухнӑ 10 хӗр финалисткӑсен топ-20 списокне лекӗҫ.

t.me/chuv_kray каналтан илнӗ сӑнӳкерчӗк

Шупашкарти нумай ачаллӑ хӗрарӑм Чӑваш Ен чысне Раҫҫейри конкурсра хӳтӗлӗ.

«Миссис Раҫҫей 2024» илем конкурсне хутшӑнаканни — 43 ҫулти Оксана Гаус. Вӑл — виҫӗ ача амӑшӗ тата ӑнӑҫлӑ цифра коучӗ.

Чипер те яштака хӗрарӑм 2022 ҫулта Чӑваш Енре илем конкурсӗнче ҫӗнтернӗ, 2023 ҫулта «Персона года / Женщина года» (чӑв. Ҫулталӑкри персона / Ҫулталӑкри хӗрарӑм) ) премие тивӗҫнӗ.

Вӑл ҫӑмӑл атлетика енӗпе тӗнче класлӑ спорт мастерӗ, йӗтре тӗртессипе тата диск ывӑтассипе темиҫе хутчен те Раҫҫей чемпионки тата Чӑваш Ен рекордсменки пулса тӑнӑ.

Ҫӗрпӳри халӑха социаллӑ пулӑшу паракан центра ҫӳрекен ватӑсем кашни уйӑхра маникюр салонне ҫӳреҫҫӗ. Тепӗр тесен, апла мар. Чӗрнене сӑрлама ытти ҫӗрти ватӑсем те юратаҫҫӗ. Ҫӗрпӳри асӑннӑ центра ҫӳрекен ватӑсем вара ҫак пулӑшупа тӳлевсӗр усӑ курмап пултараҫҫӗ.

Чӑваш Енӗн Ӗҫ тата социаллӑ хӳтлӗх министерствинче пӗлтернӗ тӑрӑх, ваттисене хӑй тӗллӗн ӗҫлекен Любовь Федорова пулӑшать. Вӑл маникюр мастерӗ пулнӑ май вӗсен чӗрнине хитрелетет.

«Хӗрарӑм кирек темиҫере пулсан та хитре пуласшӑн, — тенӗ Любовь. — Вӗсем савӑннипе ҫуталса кайнине курсан ман чун савӑнать, ҫавӑнпа эпӗ вӗсене тӳлевсӗр йышӑнатӑп».

t.me/chuv_kray каналтан илнӗ сӑнӳкерчӗк

Шупашкарти Амӑшӗн палӑкӗ умӗнче виҫӗ пысӑк матрёшка вырнаҫтарнӑ. Вӗсене художниксем илемлетсе пӗтернӗ.

Шупашкара йӗркеленӗренпе 555 ҫул ҫитнине халалланӑ парнене Ксения Кокель, Василий Чапай, Яна Иванова художниксем сӑрласа илемлетнӗ.

Вӑл матрёшкӑсем Чӑваш Ен хӑнасене тарават тата нумай нациллӗ регион пулнине кӑтартса парать.

«Чувашский край» страницӑран илнӗ сӑнӳкерчӗк

Шупашкарти хӗрарӑм илем конкурсӗнче ҫӗнтернӗ.

Надежда Ускова "Мировая модель 2024" халӑхсем хушшинчи конкурса хутшӑннӑ. Вӑл 40 ҫултан аслисем хушшинче палӑрнӑ.

Надежда — усламҫӑ. Шупашкарти коопераци институтӗнче вӗреннӗ. Виҫӗ ача амӑшӗ пите илемлетме вӗрентекен курса ертсе пырать.

Коронӑна Шупашкар хӗрарӑмне Сергей Зверев стилист тата илем конкурсӗсен патши Руслан Бернес парнеленӗ.

Вера Иванова сӑнӳкерчӗкӗ

Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта тӗрлӗ темӑпа сӑнӳкерчӗксен куравне пӗрмаях ирттереҫҫӗ. Унта ватӑ ҫынсене явӑҫтараҫҫӗ. «Хӗл ытамӗнче» курава 85 ҫулти Вениамин Папченко та хутшӑннӑ. Вӑл учрежденин стационарӗнче пурӑнать.

«Фотокурав валли сӑн ӳкерӗнме ыйтрӗҫ те, килӗшрӗм», — тет иккен мучи.

Центрӑн пресс-секретарӗ Вера Иванова каласа кӑтартнӑ тӑрӑх, Вениамин Петровича сӑн ӳкерме питех те кӑмӑллӑ пулнӑ. «Ӑна кирек епле тӑма ыйтсан та кашнинчех унӑн ӑслӑ сӑнӗ куҫа тӑрӑнать. Вениамин Папченко — нумай вӗреннӗ ҫын. Мучи паян та кӗнеке вулама юратать», — каласа кӑтартать ватӑсене сӑн ӳкернӗ специалист.

Ватӑсен сӑнӳкерчӗкӗсене курсан пурте хавхаланаҫҫӗ: аслисем пурӑнма тата пурнӑҫпа килменме кая юлманнине ӑнланса илеҫҫӗ, ҫамрӑксем вара — тӑнлав пасарсан та хитре ҫын илемлӗ пулса юлассине.

Шупашкарта кӗҫех фонтансем ӗҫлеме тытӑнӗҫ. Урамсене илем кӳрекен тата халӑха савӑнтаракан ҫав вырӑнсем ҫу уйӑхӗн 1-мӗшӗнче ӗҫлесе кайӗҫ. Кун пирки хула администрацийӗнче пӗлтернӗ. Атӑл кӳлмекне вара акӑшсем илсе кайса ярӗҫ.

Иртнӗ ҫул хулара 14 фонтан ӗҫленӗ, вӗсене юпа уйӑхӗн 1-мӗшӗнче ӗҫлеме чарнӑ.

Шупашкар хули ҫывӑх вӑхӑтра татах та илемленсе кайӗ. Вӑл республика хӑнисене те килӗшет.