Улатӑрта пурӑнакан 40 ҫулти арҫынна ҫул ҫитмен ачана хур кӑтартнӑшӑн судпа айӑпланӑ.
Суд ҫирӗплетнӗ тӑрӑх, вӑл 8 ҫулти тӑван мар ывӑлне юратсах кайман, ӑна пӗрмай хӗненӗ, хур кӑтартнӑ. Ҫапла темиҫе уйӑх пулнӑ. Юрать-ха, паянхи кун ача амӑшӗпе ҫав арҫынран уйрӑм пурӑнать.
Ӑна тӗрмене хупмасӑр 3 ҫул та 2 уйӑхлӑха айӑпланӑ. Тӗрӗслев срокӗ – 2 ҫул ҫурӑ.
Улатӑрти 2-мӗш колонире ларакан Ангелина Антонова Пӗтӗм Раҫҫейри «А ну-ка, девушки» конкурса хутшӑннӑ, «Кил хуҫи хӗрарӑмӗ» номинацире ҫӗнтернӗ.
Ангелина кулинари блюдипе тӗлӗнтернӗ. Пӗрре пӑхсан, вӑл ахаль десерт пек. Анчах кассан унта хура, хӗрлӗ сарӑ тӗслӗ йӗрсем тухаҫҫӗ – Георгий хӑйӑвне аса илтерет вӑл. Торт ҫинче мастикӑран Ӗмӗр сӳнми ҫулӑм пулнӑ.
Сӑмах май, ку конкурс ҫулсеренех иртет. Унта пикесене тӗрлӗ номинацире палӑртаҫҫӗ.
Улатӑрти тухтӑрсем 92 ҫулти кинемей пурнӑҫне ҫӑлса хӑварнӑ. Пульницӑнӑ илсе ҫитерсе операци тунӑ хыҫҫӑн тепӗр икӗ сехетренех ватӑ палатӑра пулнӑ.
Ватӑ ҫынна ӗҫ кунӗ вӗҫленнӗ вӑхӑтра хырӑмӗн аял енчи пайӗ сулахай енчен хытӑ ыратнипе илсе пынӑ. Кинемее компьютер томографийӗ туса тӗрӗсленӗ те шыҫӑ (грыжа) тупса палӑртнӑ. Кинемее часрах операци сӗтеле ҫине вырттарнӑ.
Улатӑр хулинче пурӑнакан мӑшӑр «Тӑватӑ туй» телекӑларӑмра ӳкерӗннӗ. Ӑна «Пятница!» телеканалпа кӑтартаҫҫӗ.
Андрейпа Наталья халӑх тетелӗнче паллашнӑ. Каччӑ смартфонсем юсать, хӗр сӗтел-пукан фабрикинче ӗҫлет. Халӑх тетелӗнче пӗр уйӑх хутшӑннӑ хыҫҫӑн ҫамрӑксен пӗрлешме шухӑшланӑ. Вӗсен туйӗ 500 пин тенкӗлӗх иртнӗ. Ӑна «Пятница!» каналпа кӑтартнӑ. Кӑларӑмра Чӑваш Енри мӑшӑрпа тупӑшакансем, Мускаври тата Санкт-Петербурги хӗрсем, Натальйӑн кӗпине, каччӑн клеткӑллӑ костюмне, менюри «майонез ӑшӗнчи хӑяра» тиркенӗ. Вӗсен туйӗ япӑх иртнӗ теме ҫук: сӗтелӗ пуян пулнӑ, ҫав шутра – пулӑ вӑлчи те, сӑмакун та. Туйра мӑшӑр хитре ташланӑ. Анчах вӗсем телекӑларӑмра юлашки вырӑн йышӑннӑ. Унта Мускаври 18 ҫулти хӗр, «бохо» стилӗпе качча кайнӑскер, ҫӗнтернӗ.
Улатӑр районӗн тӗп пульницин хирургӗсем ватӑ хӗрарӑма операци туса пурнӑҫне ҫӑлнӑ. Халӗ вӑл хӑйне аванах туять.
Галина Парфеновнӑн ӳт температури хӑпарнӑ, хырӑмӗ ыратнӑ, кӑмӑлӗ пӑтраннӑ. УЗИ тунӑ хыҫҫӑн унӑн ват хӑмпинчен чулсем пулни палӑрнӑ. Пациентӑн ӳсӗмне кура тухтӑрсем малтан ӑна сиплеме йышӑннӑ. Анчах ку пулӑшман, чул ват хӑмпинчех юлнӑ.
Теветкеллӗ пулсан та кинемее операци тума тивнӗ. Телее, вӑл ӑна чиперех чӑтса ирттернӗ, майӗпен утса ҫӳреме пуҫланӑ. Тухтӑрсем ӑна кӑшт сӑнанӑ хыҫҫӑн киле янӑ.
Улатӑрта пурӑнакан хӗрӗхри вӑйпитти сакӑр ҫулти арҫын ачана хӗнесе пурӑннӑ.
Арҫын пӗрле пурӑнакан хӗрарӑмӑн ывӑлне юратман. Пӗлтӗрхи юпа уйӑхӗнчен пуҫласа кӑҫалхи кӑрлач уйӑхӗччен вӑл ӑна темиҫе те хӗненӗ. Хӗрарӑмпа ача ҫав вӑхӑтра арҫын патӗнче пурӑннӑ. Халӗ вӗсем ун патӗнчен тухса кайнӑ.
Арҫынна вара кӗҫех суд тӑвӗҫ.
Улатӑрта 55 ҫулти педофил 11 ҫулти хӗрачана тапӑннӑ. Ӑна тытса чарнӑ, пуҫиле ӗҫ пуҫарнӑ.
Следстви версийӗ тӑрӑх, кӑрлач уйӑхӗн 28-мӗшӗнче вӑл нумай хваттерлӗ ҫурт подъездӗнче хӗрачана тапӑннӑ. Ача киле таврӑннӑ чухне пулнӑ ку. Вӑл унӑн вӑйсӑрлӑхӗпе усӑ курса ун тӗлӗшпе ясар шухӑшӗсене пурнӑҫланӑ.
Следстви комитечӗ ҫак санӳкерчӗке лайӑх сӑнама ыйтать. Тен, вӑл тата кама-тӑр пусмӑрланӑ. Кун пирки пӗлтерекенсен информацийӗ вӑрттӑнлӑхра пулӗ.
Улатӑрта пурӑнакан Наталья Рябова Пӗрремӗш каналпа кӑтартакан «Асамлӑх уйӗ» кӑларӑмра ҫӗнтернӗ. Телевизорпа ӑна ӗнер, эрнекун, кӑтартнӑ.
Вӑл ыйтӑва тӗрӗс хуравланӑ: ӗлӗк халӑхра муфтӑна мӗнле чӗннӗ? Муфта.
Наталья 4150 очко пухнӑ. Унпа вӑл тӗпелте усӑ курмалли набора суйланӑ.
Улатӑрта пурӑнакан Иевлевсем туй тунӑранпа 55 ҫул ҫитнине паллӑ тунӑ. Нина Николаевнӑпа Николай Яковлевич ҫемье уявӗсен юбилейлӑ кӗнекине алӑ пуснӑ.
Иевлевсем икӗ ывӑл ҫуратса ӳстернӗ. Вӗсен халӗ икӗ мӑнук, кӗҫӗн мӑнук. Мӑнуксен йышӗ тата пысӑкланмалла, йыш хушӑнасса кӗтеҫҫӗ.
Иевлевсем хӑйсен йӑли-йӗркине пӑхӑнаҫҫӗ: ҫемьепе пӗрле ҫуралнӑ кунсене, Ҫӗнӗ ҫула, Раштав уявне паллӑ тӑваҫҫӗ.
Информатика учителӗсем Яндекс пулӑшнипе пӗлӗвне анлӑлатнӑ.
Кӑҫалхи авӑн уйӑхӗнче «Яндекспа» Чӑваш Ен Вӗренӳ министерстви килӗшӳ алӑ пуснӑ.
Чӑваш Енри икӗ вӗрентекен Яндекс Учебникӑн предмет хӑнӑхтарӑвӗсен конкурсӗнче ҫӗнтернӗ. Унта пуре 20 ҫын палӑрнӑ-ха. Вӗсенчен иккӗшӗ — Чӑваш Енрен.
Ҫӗнтерӳҫӗсем компанин Мускаври офисӗнче стажировка тухнӑ. Ҫак чыса Улатӑрти 6-мӗш номерлӗ гимназири информатика учителӗ Денис Купцов тата Ҫӗмӗрлери 8-мӗш гимназири информатика учителӗАлександр Димитриев тивӗҫнӗ.
-15.7 °C