Ольга Тургайӑн халӑх тетелӗнчи страницинчен илнӗ сӑнӳкерчӗк

Ольга Тургая Чӑваш Республикин Хисеп грамотипе наградӑлама йышӑннӑ. Хушӑва республика Элтеперӗ Олег Николаев ӗнер, юпа уйӑхӗн 15-мӗшӗнче, алӑ пуснӑ.

Ольга Николаевна – «Чӑваш Ен» патшалӑх телерадиокомпанийӗнче радиовещани пайӗнче шеф-редактор пулса ӗҫлет.

Вӑл 1963 ҫулта Свердлов облаҫӗнче Зюрзя разъездӗнче ҫуралнӑ. И.Н. Ульянов ячӗллӗ Чӑваш патшалӑх университетӗнчен вӗренсе тухнӑ. «Хатӗр пул» журналта, «Коммунизм ялавӗ» хаҫатра, «Ялав» журналта, Чӑваш Республикин Кӗнеке палатинче, телевиденире ача-пӑчапа ҫамрӑксен программисен аслӑ редакторӗ пулса та ӗҫленӗ.

Ольга Тургай — прозаик, публицист, драматург. Унӑн пьесисемпе республикӑри театрсенче спектакльсем лартаҫҫӗ. Вӑл — темиҫе кӗнеке авторӗ.

#пултарулӑх, #ят-сум, #чыславсем