cap.ru порталтан илнӗ сӑнӳкерчӗк

Шупашкарти электроаппаратура заводӗнче ҫӗнӗ производство участокне хута янӑ. Унта БЭМП сериллӗ микропроцессор блокӗсен сӑнавлӑ тӗслӗхӗсене туса кӑларӗҫ.

Асӑннӑ продукци хальхи вӑхӑтра питех те кирлӗ иккен, ӑна ыйтакансем нумай. Ҫавӑнпа заводра ку енӗпе ҫине тӑрса ӗҫлеме пуҫласшӑн.

«Производство участокӗ пысӑк мар, анчах унӑн пӗлтерӗшӗ пысӑк. Сӑнавлӑ тӗслӗхсемпе макетсем мӗнпур производствӑна витӗм кӳреҫҫӗ», —- тенӗ ҫӗнӗ участока уҫма хутшӑннӑ республикӑн промышленноҫпа энергетика министрӗ Александр Кондратьев.

#промышленность, #Промышленность министерстви