Паян Чӑваш Ен Правительствине ҫӗнӗрен йӗркелеме пуҫланӑ. Аса илтерер: ӗнер, авӑн уйӑхӗн 22-мӗшӗнче, Олег Николаев Чӑваш Ен Элтеперӗн должноҫне йышӑнчӗ. Ҫавӑн хыҫҫӑн вӑл республикӑн Правительствине отставкӑна ячӗ. Ҫавӑн пек тума саккун хистет.

Паян Олег Николаев чылай министра ҫӗнӗрен ҫирӗплетнӗ. Ҫав вӑхӑтрах пукансӑр юлнисем те пур. Вӗсем хальлӗхе иккӗн: вӗренӳ тата ҫамрӑксен политикин министрӗ пулнӑ Сергей Яковлев тата культура, национальноҫсен ӗҫӗсен тата архив ӗҫӗн министрӗнче ӗҫленӗ Роза Лизакова. Вӗренӳ министрӗн тивӗҫӗсене пурнӑҫлама Алла Салаевӑна, культура министрӗн тивӗҫӗсене пурнӑҫлама Светлана Каликовӑна шаннӑ.

#тӳре-шара, #ӗҫ вырӑнӗсем, #Культура министерстви, #Вӗренӳ министерстви, #хушусем