Электронлă вулавăш

Лантăш ӳсет вăрманта,

Вăрманта та, сулхăнта.

Эп кĕтетĕп савнине

Вăрманти лантăшпалан.

Хушса юрламалли:

Лантăшсем, лантăшсем —

Шурă пĕчĕк чечексем.

Лантăш чечекне юратсах,

Иртет ĕмĕр, тантăшсем.

Кĕтеп эпĕ çулсерен,

Лантăш ӳснĕ вăхăта.

Вăрмантан лантăшпалан,

Килĕ савни ман пата.

Хушса юрламалли.

Иртрĕç пиртен, тантăшсем,

Лантăш ӳснĕ вăхăтсем.

Лантăш чечекне курсан

Пăчăртанаç куççульсем.

Хушса юрламалли.

Вăрманти сулхăнта

Эп тĕлпултăм сана.

Чĕрери хĕм-вута

Сисрĕ лантăш кăна.

Вăрманта, ирĕкре

Лантăш шур çеçкере.

Лантăш шур çеçкере,

Юрату — чĕрере.

Лантăш — шурă шăрçа,

Эс ан лар пуç усса.

Туйăм хыççăн пырса,

Чуна патăм уçса.

Вăрманта, ирĕкре,

Лантăш шур çеçкере.

Лантăш шур çеçкере,

Юрату — чĕрере.