Динозавр


Динозаврпа çапăçрăм


Пĕррехинче эпĕ вăрмана кайрăм. Унта пĕр йывăç патĕнче динозавр çăмартисене куртăм. Вĕсен сарлакăшĕ — виçĕ метр. Пĕр çăмарти çурăлма пуçланă. Çав вăхăтра ман кĕсьере çилĕм пулнă иккен. Динозавр çури çăмарта хуппине çурса çут тĕнчене тухрĕ. Эпĕ унăн вырăнне шала кĕрсе лартăм та хуппине çыпăçтарса хутăм.

Динозаврăн амăшĕ килсен хăйĕн çурине курчĕ, анчах хуппине асăрхамарĕ. Вăл кашни çăмартине шăршласа пăхрĕ. Эпĕ кĕрсе ларнă çăмартана çăварĕпе тытрĕ те силлерĕ. Эпĕ çăмартаран тухса ӳкрĕм. Кайран динозавр çăварне çыпăçтарса хутăм та тарма пуçларăм. Динозавр пĕтĕм вăйран çăварне уçрĕ те манăн хыççăн чупма пуçларĕ. Хăваласа çитсен ман çине урипе пусса лартрĕ. Эпĕ ӳкрĕм.

Выртнă чухне хамăн пĕчĕк алăпа унăн урине хуçса пăрахрăм. Динозавр макăрма пуçларĕ. Эпĕ çав вăхăтра ура çине сиксе тăтăм та часрах килелле вĕçтертĕм...

Эпĕ хăранипе кăшкăрса вăранса кайрăм. Ку хăрушă тĕлĕк çеç пулнă иккен.

Ирина Ордикова | Юмах | ачасен пултарулăхĕ | ачасем валли | динозавр | 897