Пала

Ачалăха шырарăм

Утса-чупса та çаврăнса

Ачалăха шырарăм.

Йăлтах палланă вырăнсем,

Чун-чĕреме шуйхатрăм.

Авкаланса юхать Пăла

Тухăçалла вăраххăн.

Çĕклентерет чун-кăмăла,

Туймасп хама хăраххăн.

Çич кукăрлă çырма хĕрри,

Çеремĕ симĕс-симĕс.

Ăçта ачалăхăм йĕрри,

Çул хывса иртнĕ тикĕс.

Тен, ав, инçетлĕхĕн вĕçне

Кайса кăна çухалнă.

Çитесчĕ тетĕп, эх, вĕçсе

Мăшăр çунат хăлатăн.

Шухăшăмсен шуйхавĕнче

Тăратăп, Улăп евĕр.

Чăнах, епле хитре тĕнче!

Туссем, çакна пĕлсемĕр.