Ĕшне


Çуллахи ĕшне


Çулла ĕшнере, —

Çăтаах тĕнчере

Çĕр çырли пиçет кам валли?

Вут пек хĕмленсе,

Кăштах именсе

Мана çупăрлать кам алли?

 

Шăнк(ă)рав курăкĕ,

Çырла пурăкĕ...

Кирлĕ мар ним те, сапăрах!

Чун савни умра,

Юрату çумра...

Пулăшсам, ĕшне, ан пăрах!

 

Вăхăт, ан васкат,

Чуна ан хускат,

Юрататăп çав эп ăнах...

Ах, ĕшне, ĕшне,

Çуллахи ĕшне, —

Тĕлĕкре мар ку, чăн-чăнах!

Анатолий Ырьят | Сăвă | ĕшне | 371

Шухăшсем