«Чăтлăхна туртакан çул çинчен...»

Чăтлăхна туртакан çул çинчен

Пăрăнатăп паян — ан çиллен...

Шурлăху астарса çăтиччен

Яланхи çăкçăпа¹ кӳнтелен² —

Сисчевленнĕ ăс-тăн та чĕрем —

Тăрăнтарчĕç черетлĕ çĕмрен:

Ахăртнех, ӳкерме ураран —

Чарăнсан лайăхрах шутлама...

Хуравсем вăранаççĕ аран.

Сĕтĕретĕп каллех хам-хама

Паянтан урăхла çулпала,

Мана мар — хăвна-хăв ултала.

¹ çăкçă — хӳтĕлекен
² кӳнтелен* — курнине çирĕплетекен

Çĕнĕ комментари хуш