«Кам пултăн эсĕ, хăш утравран?..»


Кам пултăн эсĕ, хăш утравран?

Тĕлĕк пек хăвăрт иртрĕ-и умран.

Эп-и? Кунти. Çапла, кунтанах.

Тусăм? Çунатлă шур урхамах.

 

Анланмасассăн — кай, тĕлĕнех:

Юлăп яланлăх хам тĕллĕнех.

Пулмĕ никам та чун уçмалли,

Вăрттăн кăтартăп виç саспалли.

 

(Санăн чи савнă шеп кĕтесӳ)

Кантăк тарланă: «Э те эС, Ю...»

«Эпĕ Сана Юратнă», — вула.

Çулçă тăкать куççуллĕ хула...

 

Кам пулчĕ çавă, хăш утравран?

Тĕлĕк пек хăвăрт иртрĕ умран.

Эх, çилçунатăм, вутлă чĕрчун,

Пĕр санпа çеç йăпанĕ-тĕр чун.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: