Шурă ту ялĕсем
Пирĕн ял Шурă ту айĕнче,
Ту сулхăнĕ ăшĕнче.
Шурăту халăхĕ вĕренмен,
Вĕрентекене ĕненмен,
Пурăна киле куртăмăр,
Анлă çынсем пултăмăр.
Пирĕн ăнлă пуласси —
Чăвашла çыру вуласси.
Хусан чăваш хулинче,
Вĕреннĕ çынсем хушшинче,
Чăвашла хаçат кăларчĕç,
Тĕттĕме хăваласа ячĕç.
Чăвашла хаçат янăшăн,
Пире çутта кăларнăшăн,
Мĕн каласа тав тăвар
Епле майпа пулăшар?
Пулăшу кирлĕ пулсассăн,
Пире çыру ярсассăн
Пулăшма хатĕр тăрăпăр,
Ыйтнине тума тăрăшăпăр.
Ялпа пĕрле пухăнса
Чăвашла хаçат вуласа
Ялăмăр хуйхи пĕтрĕ,
Ĕмĕтленнĕ ĕмĕт çитрĕ,
Хура чăваш та сисрĕ.
Вулавçăсен шухăшĕ
Çĕнĕ комментари хуш
Добрый день! (2014-04-23 11:41:45):
к своему стыду я не знаю языка своих предков, кто нибудь может перевести стихи моего прадеда Ласса Хĕлипĕ (Аникина Филиппа Лазаревича), очень интересно узнать, что он писал.
С уважением, Елена (Brovko_e@bk.ru)