Такмаксем
Тапăр-тапăр тапăртатса
Ура хуçса ташлар-и?
Такмакĕсем шăнкăртатса
Çурхи шыв пек юхчĕр-и?
Эп те чăваш, эс те чăваш,
Юрă-ташă чăвашла.
Кам каларĕ: «Чăваш йăваш...»
Тух-ха, манпала ташла!
Курăпăр унта кам йăваш
Ташă картине тăрсан,
Шăхăрса тăрать вăш! та вăш!
Купăсçă хĕрсе кайсан.
Атăл хумĕ пек юхаççĕ
Нарсписем, Пинерписем...
Кĕçенсе ташша тухаççĕ
Çĕмĕрт куçлă каччисем!
Урай хăми шăтăртатса
Тăрать, мĕнле чăтать-ши?
Пĕр-пĕринчен сăмах вăлтса
Яш-кĕрĕм савăнать-ши?
Çамрăксем вăййа тухсассăн
Пĕтĕм тĕнче савăнать.
Ура хуçса ташласассăн
Урай хăми авăнать.
Атьăр, юрлар, атьăр, ташлар
Пĕрле пухăннă чухне.
Ĕмĕрлĕхех пĕрле пулар,
Упрар чăвашлăх йăхне.
Çĕр пин сăмах. Çĕр пин юрă.
Çĕр пин ташă пирĕн пур.
Чĕлхе çепĕç. Чунсем ырă.
Эпир — чăваш! Ай, тур-тур!..
Кам хитререх чăвашсенчен?
Кам ĕçченрех, ăслăрах?
Мĕнрен катăк ыттисенчен?
Çук, катăк мар, чаплăрах!
Эпир пулнă, пур, пулатпăр,
Эпир — чăваш çыннисем!
Пур, пулатпăр! Пур, юлатпăр
Чăн-чăн чăваш чунлисем!
Шухăшсем
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...