Такмаксем


Ĕлĕк хĕрсене çитернĕ

Каччăсем пылак канхвет.

Халĕ вара турттараççĕ

Йӳç тĕтĕмлĕ сигарет.

 

Клуб умĕнче шукăль каччă

Чикĕл-микĕлсем тăвать.

Сăрапа сăмакуна вăл

Лайăхрах хутăштарать.

 

Тапăннă пĕр хулиган

Урамра хĕрарăма.

Чупнă вăл милицине.

Вĕлерсен хушнă пыма.

 

«Арăмна миçе хĕнерĕн?» —

Суд тĕпченĕ арçына.

«Çук-çук-çук, — каланă лешĕ, —

Каннă кунсенче кăна».

 

Маруçа килне ăсатрăм,

Кăшт чуптурăм пĕрре çех.

Пите çуса асаплантăм:

Çăвăнмасть-çке сăр вуçех.

 

Вăл капла та килĕшет,

Вăл апла та мирлешет.

Вăл майне пĕлсе ишет:

Вăйсăрпа çеç кĕрешет.

 

«Хĕрлĕ кирпĕч ма çитмест-ши?», —

Теççĕ çурт тăвакансем.

Унпала куллен сăрлаç-мĕн.

Сăн-питне чиперккесем.

 

Хăшĕ ĕç тĕлне пĕлет,

Ĕçлемешкĕн тытăнать.

Туслă мар кам ĕçпеле,

Вĕрентме часрах пуçлать.

 

Элекçей элек сарать,

Пур çынна та варалать.

Арăмĕ çинчен те вăл

Анонимлă хут çырать.

 

Килте ларсах Уçтине

Ĕçри евĕр ĕшенет.

Тутине сăрлать, питне —

Ĕçчен каччăсем кĕтет.

 

Хушрĕç пĕр музыканта:

— Кай консерваторине.

— Ой, консерв çисе унта

Ыр куратăп, — тет, — тинех.

 

— Оидар кам вăл? — тесе

Ыйтрĕ класс учительтен.

Вăл каларĕ çур сехет:

Çав çын Рим патши иккен.

 

ВУЗ пĕтернĕ Валерьян

Илнĕ агроном ятне,

Анчах вăл яла кайман,

Кĕнĕ кирпĕч заводне.

 

Юрату тесен Терен

Уямасть хăй ĕçрине.

Тракторпах вăл вĕçтерет

Чуптумашкăн савнине.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: