Электронлă вулавăш

(Айтăш ташши)

 

Яшсем ташласа тухаççĕ:

Тăпăр-тăпăр-тăпăртăк,

Тăпăр-тăпăр-тăпăртăк,

Тăпăртатса-тăрстлатса,

Якăлт сиксе вăртлатса,

Ик урана хуçлатса

Сиксе тăрса силленсе

Ташлар пĕрре çеçмерле!

Çеçмерле те сĕнтĕрле!

 

Хĕрсем ташласа тухаççĕ:

Тăпăр-тăпăр-тăпăртăк,

Тăпăр-тăпăр-тăпăртăк,

Тăпăртатса-тăрстлатса,

Вăштăрт вĕçсе вăртлатса,

Аркă вĕçне хутлатса,

Ал-урана вылятса

Ташлар пĕрре пошкарла,

Пошкарла та шашкарла!

 

Яш-хĕрем пĕрле ташлать:

Тăпăртăк, тăпăртăк,

...Шашкар ташши çавнашкал,

Мухтанмастпăр, хăрамастпăр,

Эпĕр хамăр çавнашкал.

 

Çеçмерле, шашкарла,

Вăй çитмесен — кашкăрла,

Вăй çитменни пулас çук,

Çынран кая юлас çук.

 

Шашкарла-пошкарла

Хоçкаланса юлмалла.

Çеçмерле-сĕнтĕрле

Чиперленме пĕлмелле.

 

Яшсем юрласа ташлаççĕ:

Эпĕр кунта ташлани —

Атăл пулли выляни.

Хĕрсем юрласа ташлаççĕ:

Пулă нумай вылямасть,

Сар хĕр нумай ташламасть.

 

Яшсем:

Сар хĕр валли каччă пур.

 

Хĕрсем:

Каччă валли сар хĕр пур!

 

Пĕрле:

Пĕр пулар та пĕр выляр,

Яш ĕмĕрте ыр курар!

 

Харăс кĕрсе каяççĕ:

Тăпăр-тăпăр-тăпртăк,

Тăпăр-тăпăр-тăпăртăк,

Харăс-харăс тăрслатса,

Харăс-харăс тăрслатса,

Ик урана хуçлатса,

Аркă вĕçне хутлатса,

Ал-урана вылятса,

Якăлт сиксе вăртлатса

Тăпăртатса-тăрстлатса

Ташларăмăр шашкарла!

 

Шилĕк хыçĕнче:

Шашкарла-пошкарла...

Пирĕн ташши хамăрла.

 

1995, утă, 7–12.

Шупашкар — Кемĕр — Михалкка.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн