«Çил çаврăнать те çаврăнать...»

Виталий Станьял | Сăвă | 496


Маргарита Туринге юрăçа

 

Çил çаврăнать те çаврăнать,

Çул йыхăрать те йыхăрать.

Кама пулин те çул пулать,

Кама пулин те чун хушать —

Санпа мана, манпа сана

Инçе çула туртать.

 

Шап-шурă кĕмĕл чечекле,

Шап-шурă йăлтăр пĕрчĕкле

Çут тĕнчере илемлĕ чух

Хĕвел ăшшиллĕ ик куçу

Манпа сана, санпа мана

Телейлĕ çул сунать.

 

Кун çаврăнать те таврăнать,

Çул пĕрлешет те уйрăлать.

Кампа пулин те çул ăнать,

Кампа пулин те чун юрлать —

Манра санран, санран манра

Чун юратни юлать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем