«Юратăва эп упрама тухатăп...»1

«Юратăва эп упрама тухатăп...»

Юратăва эп упрама тухатăп,

Тытатăп аллăма эп çутă хĕç.

Пытан, тăшман. Пурĕпĕрех тупатăп.

Ку пулĕ ман чи пархатарлă ĕç.

Юратăва варалама памастăп,

Касатăп хĕçĕмпе тăшман пуçне.

Элекçĕ сăмахне шута хумастăп,

Çăхан сăхса шăтартăр ун куçне.

Кĕвĕçекенсемпе эп туслашмастăп,

Çунат ыйтатăп кайăк-кĕшĕкрен.

Çӳле вĕçме пачах та хăрамастăп,

Савни вĕçет пулсассăн манпалан.

Пĕрле, савни, юратăва упратпăр,

Кĕрешĕве тухатпăр уншăнах.

Телей тĕнчи эпир пĕрле шыратпăр,

Ăна эпир, савни, тупатпăрах.

08.08.2007