Йăва
Ачалăх иртнĕ çурт-йăва
Чĕнет çаплах чĕпписене.
Шур юр ларсан, тухсан çăва,
Кĕрхи кунра е çуркунне —
Кирек хăçан та чун туртать
Çитсе килмешкĕн çав çурта.
Атте-аннен кив пӳртĕнче
Пуçтарăнсассăн ачисем,
Кил хуçисен куçĕсенче
Савăнăçпа телей çиçет.
Хĕвел шевли вылять çуртра
Пурте пĕрле пухăннăран.
Йăмра çинче — курак йăви,
Кашни çулах унта — чĕпсем.
Атте-аннен телей, шăпи —
Вĕсем ӳстернĕ ачасем.
Чĕппи пăрахмĕ йăвине,
Ачи — хăй ашшĕ-амăшне.
Шухăшсем
Эпĕ те шанса пурăнатăп-ха...
Калав питĕ килĕшрĕ...
Илемлĕ...
Килĕшет)Питĕ "техĕмлĕ" сăвă!Кĕрхи ĕççи в...
Поклон тенисене ма вырăсла çыртăн вара?
Кун пек пысăк калăплă хайлава пысăк тала...
Лишь самые лучшие и эффективные методы и...
https://bit...
http://www...
Чăн та аван çырнă ...