Тăван чĕлхе
Юрататăп тăван чĕлхене —
Ăна парнеленĕ анне.
Аякра эп пулсан та ялтан
Манас çук чĕлхене нихăçан.
Анчах темшĕн тăван чĕлхепе
Хăш-пĕри именет пуплеме.
Чăвашла сăмахлать вăтанса,
Вырăсла калаçать такăнса.
Тин çуралнă пепке те хăш чух
Сăпкаран вырăсла çеç илтет.
Шутласамччĕ, тăван, ун пек чух
Ман чĕлхем куç кĕрет-çке пĕтет.
Эс, чăваш, ан имен нихăçан
Чăвашла пуплеме хулара.
Эс, чĕлхем, тепĕр алă çултан
Тата хытăрах янăра!
Вулавçăсен шухăшĕ
Çĕнĕ комментари хуш
Алин (2018-11-21 16:02:35):
Ай пит илемлĕ сăмахсемпе çырать-çке. Вулама илмемлĕ.
Влад Маскай (2018-12-01 03:01:17):
Тăван чĕлхене мухтани пур енчен те лайăх ĕнтĕ. "Эс,чĕлхем, тепĕр алă çултан тата хытăрах янăра",- тени вара килĕшсех каймарĕ мана.
"Алă çул"- аллă çӳл - темелле пулнă пулĕ. Ку пĕр енчен. Тепĕр енчен, паян кун чĕлхемĕрĕн янравĕ сахалтараххине систересшĕн калани, вырăнлă пек туйăнать, Шупашкарăмăрта çамрăксем ытларах вырăсла калаçнине шута илсен, анчах та 50 çул хушшиче мĕн курăпăр-ши текен шухăш та урăм-сурăм çаврăнать пуç тавра. Чăвашла витĕмлĕн янратса калаçас тесен ĕçе паянах кӳлĕнмелли çинчен ытларах çырни усăллăрах пулнă пулĕччĕ теес килет манăн.
Галина (2021-04-25 14:48:48):
Тĕрĕссине алă çул, кунта йăнăш çук
Галина (2021-04-25 14:49:12):
Тĕрĕссине алă çул, кунта йăнăш çук