Тăван енче

Юрий Леванов | Сăвă | 560


Аннеме

 

Тăван енре пулманччĕ тахçанах.

Çуралнă ялăм — асăмри сăпкаçăм.

Кунта килсе ак тухнă-тухманах

Хальхи кунран ачалăха эп каçрăм.

 

Чиркӳ янраттарса чан çапнă май.

Пехиллесе, аннем çапла калаçнă:

«Чухлатăп-ха, пурнассăм çук нумай,

Пулинччĕ ывăлăм чипер малашлă...»

 

Куçа хупсан иртни тухать ума.

Ял мар кунта, паян хула çĕкленнĕ.

Вăл ӳснĕ-ха, анчах мĕскер тума

Ман савăнăçăм питĕ пĕчĕкленнĕ?

 

Масар çинче ав шăплăх та шăпрах.

Чуна тĕм айĕнчи карта чат çывăх.

Анне тăприçĕм... палăксăр тăпра...

Кунта аса килет сăвап та çылăх...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: