«Юрату сӳннĕ чух пĕрисем, тен, туллин ахăлтатĕç...»

Виталий Станьял | Сăвă | 1968 | юрату | 397


Юрату сӳннĕ чух пĕрисем, тен, туллин ахăлтатĕç.

Теприсемшĕн пулсан — сӳнсе ларĕ çап-çутă хĕвел.

Хăшĕсем тарăхса пĕрчĕн-пĕрчĕн ука вĕçне татĕç,

Тăшмансем савăнсах юрату çине çакĕç йĕвен.

 

Чĕлпĕртен уртăнса, арçури пек сиксе тапаланĕç,

Лекрĕ-лекрĕ! тесе тытса хупĕç хӳме-картана.

Сӳнекен юрату умĕнче ан шыра лăпкă канăç:

Юрату çуралсан та, вилсен те — асап пĕр танах!

 

1968, çу, 12.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: