Электронлă вулавăш

Мана эс юрă парнелерĕн

Пĕлмесĕрех çавна.

Килленчĕклĕ туйса итлерĕм

Сан шăнкăрав сасна.

 

Эсех-ши-ех тесе хистевлĕ

Эп пăхрăм куç илми.

Чун хумхануллă: вăл... вăл... терĕ

Вăлах çунать сӳнми.

 

Татах та анлăрах эс килтĕн

Ун чух ман куç умне.

Юратăва аса эп илтĕм

Чăн саншăн çуннине.

 

Сан юрă йĕркисем вăратрĕç

Сӳнмен юратăва.

Ман чĕрене кĕрсе тапратрĕç

Пĕтмен ыратăва.

 

* * *

Чăнах, тахçанхи пулнă пулăм

Çунтармăшлă кĕчĕ чуна.

Тăрать ман куçра санăн кулă

Астарлă мана хумхатса.

 

Çулсем иртни те ман çухалчĕ

Каллех эп çирĕмре.

Ун чухнехи чĕре тапранчĕ

Кĕрсе каллех чĕрре.

 

Куçсем ман сан çинчен каймарĕç

Сыпса сан илеме.

Сӳнмен сан илеме пуç тайăм

Ан пĕлтĕр вăл сӳнме.

 

* * *

Мĕншĕн юрăсем юрлас мар

Уçă сасăпа?

Сăр çинче юхатчĕ кимĕ

Ирĕк юхăпа.

 

Шыв çинче янрать пĕр майсăр

Хут купăс сасси.

Хĕрпе каччă шăратаççĕ

Юрату кĕвви.

 

Тӳперен пăхать çут Уйăх —

Кĕмĕл сапалать.

Купăса хупланнă тунсăх

Уççăн палăрать.

 

Яш чухне кам ĕмĕтленмĕ

Савнă туспала

Кимĕпе юхма киленчĕк

Ирĕк юрăпа.

 

Хĕрпе каччă ыталанчĕç

Пĕтрĕ ирĕк сас.

Уйăх тӳперен сăнарĕ:

Ун çути хавас.

 

Мĕншĕн юрăсем юрлас мар

Уçă сасăпа?

Сăр çинче юхатчĕ кимĕ

Ирĕк юхăпа.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн