Хур кайăк çулĕ

Анатолий Смолин | Сăвă | 397


Хур кайăксем, мĕн-ма эсир вĕçетĕр

Карталанса, карла-карла, кăнтăралла?

Çитес инçетĕр çав тери инçе-тĕр,

Çапах та ăнтăлатăр малалла.

 

Хур кайăксем, мĕн-ма эсир вĕçетĕр

Çунатсемпе çухрăмсене çĕне-çĕне?

Таçти çĕре те çаврăнса çитетĕр,

Çитет-тĕр çул виçме çине-çине.

 

Хур кайăксем мана хурав памарĕç.

Салху санар тĕрленчĕ тӳпере.

Çапах та çутă шанăç çухалман-иç:

Хур кайăк çулĕ юлĕ ĕмĕре.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем