Электронлă вулавăш

Иван пичче пурнать ман кӳршĕре,

Ватах та мар, пĕлместĕп миçере.

Пур ямахачĕ: арăм, ывăлсем,

Ӳссе вăй илнĕ çамрăксем.

 

Эх, пĕвĕпе патвар

Ӳсеççĕ хĕрĕсем,

Хитрескерсем.

 

Кил-çурчĕ япăх мар,

Кăшт кивĕрех пулсан та — питĕ.

Хуралтăра: кĕлет, вите тата ытти те.

Кил картинче пур тĕрлĕ

Хур-кăвакал та выльăх-чĕрлĕх.

Тавах Турра, пурнаççĕ хирĕçӳсĕр,

Иван пичче пулман нихçан та ӳсĕр.

Хуçалăхра йĕркелĕх яланах.

Анчах...

Пĕр ăшă ирхине

Тем пулчĕ пиччене...

 

Шуйттан çури çакланнă пуль чунне.

Лара-тăра пĕлмесĕр уткалать,

Чарăнаймасăр калаçать.

Çитет, тен, пурăнмашкăн кив çуртра,

Чӳречисем ун ансăр та маччи лутра.

 

Пăсатăп та тĕпрен

Тăватăп кирпĕчрен

Кермен.

Каланă — тунă.

 

Сисмерĕ те ял-йыш — пăсса та хунă.

Иртет виç кун, виçĕ эрне —

Ял-йыш курмасть ĕç пынине.

Иван пичче çухатнă канлĕхне

Лавккасенче куллен чупать,

Темскер шырать —

Хăй каламасть-ха сăлтавне.

 

Сăмах кăна çӳрет ялта:

Çитмест иккен хăма, пăта,

Час-час халь эпĕ куршĕрен

Шăв-шав илтетĕп ирпелен.

Иван пичче, сăмах çӳрет,

Эрех сыпма пуçланă, тет.

Ял-йыш курать:

Хуçалăх юхăнать.

 

Пур ял-йыша пĕлсе тăма

Каласшăн хам сăмахăма.

Ĕçне тума тытăниччен,

Ишсе те çĕмĕрсе пăрахиччен

Çакна шута илесчĕ маларах:

Çĕмĕресси тăвассинчен çăмăлтарах

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн