Ирхине
Сир, анне, чӳрече каррине,
Кармашать кун çути тӳпене.
Ах, аннеçĕм-анне, кĕçĕр йăмăк çукран
Чĕлкĕм куç çĕрĕпе эп хупман.
Ах, пулманччĕ капла нихăçан, —
Йăмăк халь те килмен вăйăран.
Уç, анне, кантăка ик енне,
Çĕмĕрт кăчăк туртать хăй патне.
Ах, аннеçĕм-анне, мăшăрпа вăйăран
Йăмăк килчĕ киле — суя мар.
Ах, кĕмерĕ киле хапхаран,
Сывлăм çийĕн ик йĕр юнашар.
Тух, аннеçĕм, тух алăк умне,
Именет пуль çĕн мăшăр кĕме.
Ах, аннеçĕм-анне, йăмăка ан ятла,
Ыр сунса ыр кун-çул халалла...
Çил ачи сиксе шăпăр калать,
Шур сиренĕм туй çумĕ суйлать.
Вулавçăсен шухăшĕ
Çĕнĕ комментари хуш
kudrjazhka (2010-07-04 20:47:26):
«»Юрри сăмахĕсем питĕ хитре.Музыкине ăçта тупса шырамалла?
Admin (2010-07-10 21:55:29):
http://music.chuvash.org/%d0%a1%d0%b5%d1%80%d0%b3%d0%b5%d0%b5%d0%b2_%d0%92/091-Ah%20anne%20yamaka%20an%20yatla-V%20Sergeev.mp3 — акă
Николай Ларионов (2010-09-10 08:48:43):
Кĕввине çырман-ха. Пĕр-пĕр композитор çырасса шанатăп.