Çĕпĕрти тусăма

Василий Давыдов-Анатри | Сăвă | Çĕпĕр | 293


Савнă тусăм, эсĕ çыртăн

Час-час ăшă çырусем,

Тырă акрăн, тырă выртăн...

Ылтăн санăн аллусем.

 

Вĕçĕ çук-мĕн Çĕпĕр çĕрĕн,

Вăл пуян хăй мулĕпе.

Пайсăр мар эс, чăваш хĕрĕ,

Ыр ят илтен ĕçӳпе.

 

Чун уççиçем, пăрчăканăм,

Мухтанатăп санпала.

Ман телейшен, мĕнех калăн,

Эс çуралнă пулмалла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: